Fuldmægtig-imik/studentermedhjælper-imik ataatsimik marlunnilluunniit pissarsiortoqarpoq – Sapaatip akunneranut akunnerit 40-nit ikinnerusunik piffissamillu killileriikkamik atorfinissinnaaneq periarfissaqarluni
Suliffitsinni periarfissatit misissorlugillu piginnaasaqarfitit misilittarusussinnaavigit?
Politikkikkut aalajangiisarnernik, soorlu Inatsisartut ataatsimiinnerannik, Naalakkersuisunut suliassat aammalu suliani sullissinernik, pisortallu ingerlatsinerinik kiisalu IT-mi sakkunik assigiinngitsunik aamma misilittagaqalerusussinnaavit?
Taamaappat illiuvoq Naalakkersuisoqarfiup Aqutsinermut Allattoqarfiani atorfissaqartitarput.
2024-imi oktobarip aallaqqaataani imaluunniit isumaqatigiissuteqarnikkut piaartumik atorfinissinnaasumik, Aqutsinermut Allattoqarfimmi suleqatigiinni suleqatissaq ataaseq marlulluunniit amigaatigineqarput.
Atorfik pillugu
Aqutsinermut Allattoqarfik Naalakkersuisoqarfimmi immikkoortortaqarfiit sisamaasut ilagaat, tassanilu Naalakkersuisoqarfimmi suliassaasut ineqarneq attaveqaasersuutinullu tunngasut isumagineqarput. Immikkoortortaqarfik arfinilinnik sulisoqarpoq naalakkersuisoqarfiullu politikkikkut allaffissornikkullu qullersatut aqutsisuinut sulisoqarfiulluni.
Immikkoortortaqarfimmi suliaasartuni assersuutitut taaneqarsinnaasut tassaapput naalakkersuisoqarfimmut Naalakkersuisumullu saaffiginnissutinik ataqatigiissaarineq isumaginninnerlu, Naalakkersuisunut Inatsisartunullu suliassat taakkunanngaanniillu suliat, allakkat, tusarniaanerit, nutserinerit, pitsaassutsinik qulakkeerinninnerit, allagaataasivimmut nalunaarsuinerit, workshopit ilanngullugit suliniutinik aqutsineq ineriartortitsinermilu suliat, illup iluani malitassanik saqqummiineq suleqatinullu ilinniartitsinerit, malittarisassat, assersuutigalugulu sulianik suliaqarnermi, pisiniarnermi, kiffartuussinermi, sulisunut aaqqissuussinermi il.il. suleriaatsit ilitsersuutillu.
Fuldmægtig-inik/studentermedhjælper-inik immikkoortortaqarfimmi sulisut aamma naalakkersuisoqarfiup aqutsisui suleqatigalugit Naalakkersuisoqarfiup suliassaanik ataqatigiissaarinermi aamma Naalakkersuisoqarfimmi sulisut allat qanimut suleqatigalugit Naalakkersuisumut kiffartuussinermi qitiusumik suliassanik isumaginnissinnaasunik ujarlerpugut.
Periarfissaqarputit piffissamik killiligaanngitsumik imaluunniit piffissamik killileriikkamik atorfinitsinneqarnissannut, aamma sapaatip akunneranut akunnerit 40-nut imaluunniit ikinnerusunut. Suliassatit sulisarnerpit sivisussusianut, piginnaasaqarfinnut suleqatigiinnilu suleqatigiinnermut naleqqussarneqassapput.
Naatsorsuutigaarput tullinguuttuni allassimasut amerlanersaat pikkoriffigalugillu piginnaasaqarfigissagitit:
Atuagarsornikkut attuumassutilimmik ilinniagaqassasutit imaluunniit ilinniarnermik ingerlatsisutit.
Allakkatigut taamatullu oqalunnikkut kalaallisut danskisullu qaffasissunik piginnaaneqassasutit, tuluttullu minnerpaamik oqaloqateqarsinnaanissamik piginnaaneqassasutit.
Ilakkuminartuusutit suleqatikkuminartuusutillu.
Oqalunnikkut taamatullu allakkatigut attaveqaqateqarnissamut piginnaaneqarluassasutit.
Aaqqissuussaanerit periutsillu pioreersut nuannarisuussagitit.
Pitsaassutsimik qulakkeerinermik suliaqarneq nuannarisuussagit mikisualunnullu tappissuseqassasutit.
Sulinissamut qunusuissuseqassasutit allanngortoqarnissaanullu piareersimasuussasutit naleqqussarsinnaassuseqassasutillu.
Kalaallit kulturiannik kiisalu inuiaqatigiinni pissutsit ilisimasaqarfigissavatit.
Neqeroorutigaavut:
Suliffik politikkikkut aalajangiisarnerit qanillugit suliaqarfiusoq.
Sullivimmi avatangiisit pingaartorsiorfiunngitsut naalakkersuinikkut naatsunik aqquteqarfiusut aammalu tunniusimasunik, suliatigut qaffasissunik piginnaaneqarnermik ataqqinaateqarfigisaminnik suleqateqarfiusut.
Suliffik allanngorartoq.
Inuttut suliatigullu ineriartorneq.
Paasissutissat amerlanerusut
Atorfik pillugu annertunerusumik paasisaqarusukkuit, Immikkoortortami Pisortaq Aviâja Mørch Amondsen telefon nr. 34 52 52-imut imaluunniit e-mail avma@nanoq.gl aqqutigalugu attaveqarfigisinnaavat.
Namminersorlutik Oqartussat pillugit annertunerusumik paasisaqarusukkuit Naalakkersuisut nittartagaanni atuagaqarsinnaavutit, uani: www.naalakkersuisut.gl
Atorfinitsitsinissamut atatillugu oqaloqatiginninnerit ingerlaavartumik ingerlanneqassangatinneqarput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsi- taanermi soraarnermilu angalanissamut akiliunneqarnissamut pisattallu nassiun- neqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.