Field Service Qaqortumi teknikeri
Teknikeriuit, annertuumillu tatiginassusilimmik
suliaqarsinnaallutit? Suliffeqarfimmi ineriartorfiusumi siunissamilu
pitsaasunik periarfissaqarluartumi sulerusuppit?
Tusassi pillugu
T&I-mik immikkoortortaqarfik ineriartortitsinermut angusaqarusussusilimmik siunertaqartumillu periusissiorpoq, periusissiarlu suliniutinik arlalinnik naammassinninnissamut piumasaqaateqarpoq. Periusissiaq ingerlanneqalerpat illit atorfissaqartinneqassaatit. Immikkoortortaqarfiup suliassarai nalunaarasuartaaserivinni kiisalu nuna tamakkerlugu illoqarfinni nunaqarfinnilu telemut teknikkikkut atortunik iluarsaassineq/ajoqutinik aaqqiineq.
Tusassip ineriartortuarneq malinnaavigaa, telemullu tunngatillugu annertusiartuinnartunik piumasaqaateqartoqartarpoq. Timmisartunut attaveqarnermut aamma inissisimaffimmik nalunaarsuinermut atortut, umiarsuarnut attaveqarnermut atortut, TV-mik radiomillu aallakaatitsissutit kiisalu aallakaatitsinermut (Transmission) tunngatillugu atuisunut systemit allat, sakkortusaavinni systemit, imaatigut kabelinut systemit, qaammataasanullu EBL-systemit.
Atorfimmi siunertaavoq uku qulakkeernissai:
· Sullissinerni akisussaaffigisatsinni attaveeruttoornerit annikinnerpaamiitinnissaat.
· Isumaqatigiissuteqarnikkut sullissinerit tamarmik malinneqartarnissaat
· Sullissinerit suliamut ilinniarsimasunit qaffasissumillu piginnaasalinnit suliarineqartarput, tamannalu atuisunit malugineqarsinnaassaaq.
· Suliat ineriartortsinneqarnissaanut suleqataaneq
· Imaatigut timmisartukkullu attaveqaqatigiinnerup isumannaatsuunissaanik qulakkeerinninneq. Kiisalu innuttaasunut kanaalit paasissutissiiviit ataavartumik tatiginartumillu atassuteqarnissaanut suleqataaneq.
Atorfik pillugu
· LH-mik aamma Minilink Radiomut kædesystemimut-, timmisartut radioinut-, sinerissami radiomut- DVB-T & FM-imullu tunngatillugu pilersaarusiorneq ingerlatsinerlu.
· Suliniutini peqataaneq suliaqarfiullu iluani sanaartortoqartillugu tamatigut pitsaassutsimik naatsorsuutigineqartumik qulakkeerinissaq anguniarlugu suliassanik aqutsineq.
· Suliaqarfimmi immikkoortortaqarfiit akornanni ajornartorsiutinik ujartuineq aaqqiiniarnerlu pillugit ataqatigiissaarineq.
· Immikkoortortami Upalungaarsimanermut Aqutsinermi peqataaneq.
Sulinermut atatillugu angalasarnissaq naatsorsuutigineqassaaq. Angalanerit qulimiguulimmik, umiarsuarmik attartukkamik, timmisartumik umiarsuarmilluunniit nalinginnaasumik pisassaaq.
Piginnaasatit:
Minnerpaamik Elektronikfagteknikeritut, Elektronikteknologitut imaluunniit assinganik ilinniagaqarsimassaatit imaluunniit teleteknikkimut tunngatillugu atorfeqarsimassaatit imaluunniit tamatumani suliassanik misilittagaqarlutit.
Saniatigut pingaartipparput namminersorlutit sulisinnaanissat, akisussaassuseqarluarnissat, piffissamik eqquilluarsinnaanissat suliassannillu naammattumik naammassinnissinnaanissat. Saniatigut oqarasuaatikkut suleqatinik suleqateqarluarsinnaassaatit. Suliartortarnitit tatiginartuussapput ulluinnarnilu ilaatigut ulapaarfiusumi sulinissat nuannarissavat.
Attaveqaqatigiinnermut atortunik ilisimasaqarputit (qaammataasat, imaatigut kabeli, radio, oqarasuaat) taakkualu ataqatigiissusaannik misissuisinnaallutit kiisalu serverit, routerit switchillu pillugit nalinginnaasumik ilisimasaqassallutit. Kalaallisut, qallunaatut tuluttullu allallutillu oqalussinnaassaatit.
Neqeroorutigaagut:
Suliffik pissanganartoq unammilligassanik ulikkaartoq ulluinnarnilu suleqatit piginnaasallit, suliassaminnut piumassuseqartut akornanniilissallutit. Kiffaanngissuseqarneq annertooq misigissavat. Sulianut tunngatillugu inuttut ineriartornissamut periarfissaqarluarpoq. Inuttassaq eqqortoq piginnaasat naapertorlugit akissarsiaqartinneqassaaq kiisalu vagteqarnermut tapisiaqartinneqassalluni.
Sulisumut inissaqartitsisoqassaaq, tassungalu atatillugu depositummimut, ineqarnermut akiliummut, atuinermut il.il., ineqarnermut akiliisarnermut malittarisassat piffissami tamani atuuttut malillugit akiliisoqassaaq.
Ilinnoorpa?
Atorfik pillugu apeqqutissaqaruit immikkoortortaqarfimmi pisortaq Arkalo Andersen attavigisinnaavat, oqarasuaat +299 389301.
Qinnuteqaatit oqaloqatiginninnerillu
Tusassip suliffissarsiortarfiatigut atorfimmut qinnuteqarsinnaavutit, qinnuteqaat CV-lu piaartumik, 30-09-2024-lu nallertinnagu nassiullugit. Tusassip qinnuteqaatit takkuttut tulleriaallugit suliarisassavai, qinnuteqarnissamullu killissarititassaq nallertinnagu oqaloqatiginninnernik aggersaasinnaalluni.
TUSASSI
Takorluukkap ´Tusassip nunarsuup sinnera qaninnerulersippaa – uagullu immitsinnut qaninnerulersilluta’ ataani suliffeqarfiup sulisui 360-t missaanniittut suleqatigiillutik Kalaallit Nunaat tamakkerlugu attaveqaqatigiinnermut atortulersuutit nutaaliaasut pilersillugillu qulakkeertarpaat.
Tusassi pillugu uani paasisaqarnerusinnaavutit: www.tusass.gl