Fablabimut suliniummik ataqatigiissaarisoq
Nutaaliorsinnaavit piumassuseqarlutillu nutaarluinnarmillu najoqqutassamik ineriartortitseqataanissamut meeqqanut inuusuttunullu aammalu sunngiffimmi klubbitsinnut? Kommuneqarfik Sermersooq suliniummik ataqatigiissaarisumik pissarsiorpoq, ajornanngippat perorsaanerup iluani misilittagalimmik aamma Fablabip iluani misilittagalimmik. Fablabimut suliniummik ataqatigiissaarisutut, pingaarnertut Atuarfik Inussummi Fablabimik aallartisaanermik atuutsitsilernermillu suliaqassaatit. Taamaattumik iluaqutaassaaq suliniummik aqutsinermik imaluunniit suliniummik ataqatigiissaarinermik misilittagaqaruit.
Suliniummik ataqatigiissaarisutut klubbinut immikkoortortaqarfimmi aqutsisoq qaninnertut aqutsisorissavat suliassallu immikkoortortaqarfimmi aqutsisoq aamma Atuarfik Inussuk peqatigalugit suliarisassavatit.
Makkuninnga akisussaaffeqassaatit:
·Atuarfik Inussummi Fablab ineriartortillugu aallartisarlugulu
·Fablabimut atatillugu sulinermi avatangiisinut atugassarititaasut ajunnginnissaannik isumaginninneq misissuinerlu
·Missingersuutit (akisussaaqataaneq)
·Fablabimut maskiinanik atortussanillu aserfallatsaaliineq
·Meeqqanut inuusuttunut, ilinniartitsisunut aamma sunngiffimmi klubbimi sulisunut Fablabimi workshoppertitsinermik pilersaarusiorneq ingerlatsinerlu
·Maskiinanut sungiusaaneq (pikkorissarnissat isumagissavarput, taamaattumik piumasaqaataanngilaq maskiinat ilisimareernissaat)
·Fablabimik atuinermik ingerlaavartumik ineriartortitsineq
·Suliassat takkussuuttut nalinginnaasut
·Taasariaqartut allat unnukkut ilinniartitsineq
Ilinnut naatsorsuutigaagut:
·Suliniummik ataqatigiissaarisutut suliaqarneq misilittagaqarfigigit
·Fablabimut tunngasut suliassat soqutigisaqarfigigitit
·Suliniuteqarumasuuvutit iliuuseqarusuttuullutillu
·Ineriartortitsinissamut piginnaasaqartutit, nutaanik pilersitsisinnaassallutit, aamma ineriartortitseqataanissamut sapiissuseqartutit
·Aaqqissuulluagaasumik akisussaaffilimillu suleriaatsimik takutitsisinnaallutit
·Ammasuusutit meeqqanik inuusuttunillu sullississallutit nuannarisarigit
·Pingasunik oqaaseqartutit – kalaallisut, qallunaatut tuluttullu
Neqeroorutigaagut:
Meeqqanut inuusuttunullu pitsaanerpaaq anguniarlugu aaqqissuussaasumi ineriartortuartumi allanngorartuartumilu atorfik pissanganartoq nutaaq. Nammineq atorfivit aamma ullormut suliffigisavit kiisalu Fablabimi ilinniartinneqarnerup ilusilersornissaanut periarfissaqassaatit.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Gustav Brandt, oqarasuaat +299 36 63 02 imaluunniit e-mail: gumb@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1255-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 31.-at, 2024