Erninermut atatillugu sulinngiffeqartumut taartaasoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi AC-fuldmægtigi
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik Kultureqarnermut, Timersornermut Ilageeqarnermullu immikkoortortaqarfimmi qitornartaarnermut atatillugu taartaasussamik AC-fuldmægtigitut atorfimmut 2024-mi decembarip aallaqqaataanit imal. isumaqatigiissut aallaavigalugu qaammatini qulingiluani sulisussarsiorpoq.
Immikkoortortaqarfimmi suleqatissatit peqatigalugit kultureqarnermut timersornermullu tunngasunik suliniutinik malitseqartitsisarnissamut qitiusumi inissinneqassaatit. Suleqatitit peqatigalugit kultureqarnermut atatillugu kattuffiit assigiinngitsut suliffeqarfiillu assigiinngitsut akornanni ataqatigiissaarisassaatit.
Suliassat kultureqarnermut tusagassiuteqarnermullu tunngasut suliarinerusassavatit, allallu suliassat utaqqiisaagallartut.
Suliassatut naatsorsuutigissavatit:
• Politikkikkut sullissineq, matumani ilanngullugit Naalakkersuisut isummernissaannut tunngavissiorneq, nassuiaatit tunngavilersuutaasut, oqalugiaatit, § 37 naapertorlugu apeqqutinut akissutit il.il..
• Kultureqarnermut tusagassiuteqarnermullu atatillugit politikkikkut suliniutit suliarineqarnissaanut atatillugu misissueqqissaarneq
• Kattuffiit suliffeqarfiillu allat akornanni ataqatigiissaarinerit
• Paasissutissiinermik suliassat, soorlu tusagassiortunut nalunaarutit oqalugiaatillu
Politikkip silarsuaani kultureqarnermut timersornermullu suliaqarusuttumik ilisimatusarsimasumik suleqatissarsiorpugut. Politikkikkut aqunneqartumi aamma/imaluunniit namminersorluni inuussutissarsionermi misilittagaqarneq kiisalu Kalaallit Nunaanni kultureqarnermik timersornermillu ilisimasaqarneq iluaqutaassaaq piumasaqaataananili. Suliassat qanoq isikkoqarumaarnersut ilisimanngikkaluarlugit naammassinissaannut piumassuseqarluartariaqarputit suliaqarluarsinnaallutillu. Inunnit sivisuumik sulisimasunit inuunerminnilu misilittagaqarluartunit qinnuteqaatinik takorusuppuguttaaq.
Taamaattumik kissaatigaarput illit:
• Ingerlaqqiffiusumik ilinniarsimasutit allamilluunniit suliamut tunngasutigut attuumassusilimmik ilinniarsimasutit
• Kisitsisilerillaqqittuusutit kiisalu misissueqqissaarnermik aamma/imaluunniit ingerlatsinermi aningaasaqarnermik naatsorsuinermik misilittagaqaruit iluaqutaassaaq
• Ajornartorsiutit pisariusut allakkatigut oqaluttariarsornikkullu ersarissumik attaveqatigiissutigilluarsinnaagitit
• Namminersorsinnaasutit, aaqqiissutissarsiorsinnaasutit suliniutinullu angisuunut tamakkiisumik takunnissinnaasutit
• Suliffeqarfimmi politikkimik aqunneqartumi aamma/imaluunniit inuussutissarsiortuni namminersortuni misilittagaqartutit
• Allanngorartunik suliassaqarlutit suliaqarluarsinnaasutit
• Eqaatsuusutit, peqqissaartuusutit ajornartorsiutinillu aaqqiissuteqarnissamut misissueqqissaartartutit
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik pillugu:
Kalaallit Nunaanni inuiaqatigiinni suliassat pingaarutillit suliarisarpavut ulluinnarnilu inussiarnersumik pissuseqarpugut angusassallu inuttut soqutigisanik sunniuteqarfigisinnaasarlugit. Pissanganartunik ineriartortitarpassuaqarpugut, uagutsinnullu pingaaruteqarpoq suliffinni ineriartorsinnaasutut misigisimanissat. Naalakkersuisoqarfimmi sulisut 40-t missaanniippugut kiisalu Timersornermut Ilageeqarnermullu immikkoortortaqarfimmi sulisut arfinilinnut amerlassuserneqarsimallutik.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.