Erninermut atasillugu taartaasussamik, AQQUT-mut, Nunamut Tamarmut Siunnersuisarfimmi GUX-s-ip immikkut paasisimasallit immikkoortortaanut pissarsiorpugut
Sulilerneq aallartissaaq ulloq 1. marts 2025 imaluunniit isumaqatigiissut sukumiinerusoq naapertorlugu.
Illit tassaavit inuusuttut immikkut pisariaqartitsisut ilinniagaqalernissamut piareersaataasumik ilinniagaqarnissaannut ataqatigiissaaralunilu toqqammaviliisinnaasoq?
Ilinniartitaanerup ineriartortinneqarnissaa naalakkersuinikkut annertuumik salliutinneqarpoq kikkut tamarmik ilinniartitaanikkut pitsaanerpaamik periarfissaqarnissaat pilersikkumallugu Kalaallit Nunaatalu suliffeqarfeqarfianut piukkunnartunik sulisoqarnissaata qularnaarneqarnissaa pillugu.
AQQUT, Nunamut Tamarmut Siunnersuisarfik immikkoortortami GUX-S-imi sulisussamik suleqatissarsiorpoq, ineriartornermik, atulersitsinermik, pitsaasumik suliamik suliarinnittarnermik piginnaaneqartumik minnerunngitsumillu allanik suleqateqarnissamik piginnaaneqarluartumik.
Suleqatigiittarnermik suleriuseqarpugut AQQUT-mi suliassat isumagineqartarnerannut kikkut tamarmik nutaamik isumaliornermik ilanngusseqataasarnissaannut periarfissiisumik. Ammasuuguit, suleqateqartarnissamut sammiveqaruit ilinniartitaanermillu soqutigisaqaruit taava immaqa tassaavutit suleqatissarput nutaaq.
Inuttut piginnaasatit
Immikkut AC-Fuldmægtigimik pissarsiorpugut suliatigut pimoorussisartumik peqatigiillunilu suliaqartarnernut ineriartornermik aamma suleqatigiittarnermik pingaartitsisunut akuusinnaallunilu taamaattuni suleqataarusuttumik. Inuk ujartugarput inuuvoq suliatigut patajaatsunik tunniussaqartarnissamik pingaartitsilluinnartoq suliassamilu isumaginissaannut aaqqissuussaalluartumik periuseqartartoq. Suliassat inerisaanerup aamma atulersitsinerup akornanni atituumik imaqartut.
Ajornanngippat piukkunnaatitit imaassapput:
- Universitetimi bacheloritut, Universititsimi inerluni soraarummeersimasutut qaffasitsigisumik naleqquttumik nangitsiviusumilluunniit ilinniagaqarsimasutit, ass. cand. scient, cand.scient.soc. imaluunniit cand.scient.anth.
- iluarsartuullugu pilersaarusiat siulersornissaannut misilittagaqartutit
- ilinniartitaanermi suliat nalunngisaqarfigereeritit imaluunniit ilinniartitaanermut sammisunik suliaqarnissamut pitsaasunik tunngavissaqartutit
- Kalaallit Nunaanni pisartut ataqatigiittarneranni suliaqartarnissamut ajunngitsunik tunngavissaqartutit
- ataatsimut isiginninneq paariinnarsinnaagit, aamma suleriaatsini paasilertoruminaatsuni
- periusissiornermik inerisaanermik aamma nakkutiginninnermik misilittagaqartutit
- allannermik piginnaaneqarluartutit, ajornanngippat aamma kalaallisut
Suliarisartagassanut piviusunut ilaatigut ilaapput:
Ilinniagaqarnissamut qinnuteqartartunut Siunnersuinermik suliaqartartuni suleqatigiinnut ilaassaatit
Tassani pingaarnertut suliassat ilaattut tulliusut makku erseqqissarneqarsinnaapput:
- Atuartunik GUX-S aqqutigalugu tigutinnissamut qinnuteqartartunik nalilersuisarneq
- GUX-s aqqutigalugu atuartunik siunnersuineq ilitsersuinerlu, ilanngullugit ilinniarnerup ingerlanissaata pilersaarusiornera aamma ilinniartitsisut pikkorissarnissaannik pilersaarusiornerit
- Ilinniarnerup qanoq ingerlanissaata pilersaarusiorneqarnera Kommuninut, angajoqqaanut atuarfinnullu ataqatigiissaarneqarnissaa qularnaassallugu
- GUX-inut GUX-S-inik atuartuuteqartunut sullissilluni ikiuiartorluni orniguttarneq
- Pitsaassutsimik isumannaarinissamik aamma nalilersuisarnissamik eqqummaariffeqarluni ingerlaavartumik inerisaallunilu pilersitsiniarneq
- GUX-S-inut ilinniagaqarumallutik qinnuteqartut nalilersorneqarnissaasa qularnaarnissaannut peqataaneq, kiisalu aamma suleqatigisat attuumassuteqartut eqqarsaatigalugit ilisimasassaannik piginnaasassaannillu pikkorissaasarnerit
- Oqartussaasut, suliffeqarfiit/paaqqinniffiit, ingerlatsiviit innuttaasullu assigiinngitsut akornanni suleqatigiinnermik pilersitsineq, GUX-s aqqutigalugu ilinniagaqarnissamik qinnuteqartut ataasiakkaat ilinniagaqarnissamut periarfissaat pitsanngorsaavigeqqullugu
- GUX-S pillugu paasissutissaqarnissaa, siunnersuisoqarnissaa aamma qanoq ingerlatseriaaseqarnissaa isumagalugu
- Ilinniagaqarnermik ingerlanerit immikkut ittut pillugit Ilinniarnertuunngorniarfiit sullillugit
- GUX-S-ip immikkut paasisimasallit immikkoortortaanut missingersuutit aqunnissaannut aamma ulluinnarni allaffissornikkut ingerlatsinerup qularnaarnissaanut peqataaneq
Suliffik pillugu:
AQQUT / Nunamut Tamarmut Siunnersuisarfik suliffiuvoq assigiinngisitaartoq ilumoorsaarnarpallaanngitsumik ammasumillu suliffimmi avatangiiseqartoq, ikittunik aaliangiisartoqartoq pimoorussisunillu suliniartunik tunniusimasunillu sulisoqartoq. Suleqatigiit 18-ingajaavugut suliatigut qaffasissuseqarluarnissamik pingaartitsisut avatangiisinillu pitsaasunik kiinneraartunillu pilersitserusuttut.
Akissarsiat atorfimmilu atugassat
Atorfik pineqartoq tassaavoq AC-fuldmægtitut piffissami aalajangersimasumi atorfik. Atorfissamut qinnuteqartoq ilinniartitaanermut attuumassuteqartunik eqqortunik piginnaasaqartoq aamma naammattumik misilittagaqartoq Immikkut Siunnersortitut / Siunnersortaanertut atorfinitsinneqarsinnaavoq.
Atorfimmut atatillugu sulisunut inissiamik innersuussisoqarsinnaanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job