Erninermi sulinngiffeqartumut sinniisoq- Meeqqanut Inuusuttunullu Naalakkersuisoqarfik oqaatsinut tunngasunut siunnersortissarsiorpoq
Erninermi sulinngiffeqartumut sinniisoq- Meeqqanut Inuusuttunullu Naalakkersuisoqarfik oqaatsinut tunngasunut siunnersortissarsiorpoq
Suliffeqarfimmi pissanganartumi atorfimmut unammillernartumut soqutiginnillutillu piumassuseqarpit? Taava immaqa atorfik ilinnut soqutiginarpoq.
Meeqqanut Inuusuttunullu Naalakkersuisoqarfik oqalutsi/nutserisoqatigiinni ataqatigiissaarinermik suleqateqarnermillu piginnaasaqarluartumik oqaatsinik siunnersortissarsiorpoq. Aqutsisut allattoqarfiannut, nutserinermut atatillugu annikitsualunnut pikkoriffeqartumik aammalu suleqatigiinni ilaasusut ataatsimut nutsigassanik ataqatigiissaarinermi taperseeqataarusuttumik oqaatsinik siunnersortimik piginnaasalimmik pissarsiorpugut. Suliat suliarineqartartut nikerartarput, tassaasinnaallutik pitsaassutsimik qulakkeerinninneq, kukkunersiuineq pisariaqartitsinerlu naapertorlugu nutserineq.
Aqutsisut allattoqarfiata ataani suleqatigiinnut makkununnga ilaalissaatit allaffimmi pisortaq, nutserisut pioreersut allallu suleqatit, naalakkersuisoqarfimmi ingerlataqartut allat suleqatigalugit suliassaqarfiit assigiinngitsut akornanni sulianik ingerlataqartut.
Meeqqanut Inuusuttunullu Naalakkersuisoqarfik suliassaqarfimmi naalakkersuinikkut anguniakkat, taakkua meeqqat suli atualinngitsunik (0-6-inik ukiullit meeqqat), meeqqat inuusuttullu atugarliortunik, pinaveersaartitsinermik aamma innarluutilinnik ilaqartut piviusunngortinniarlugit suliaqartarpugut,. Suliassaqarfimmi naalakkersuinikkut anguniakkatt pingaarnerit tassaapput ilaatigut meeqqanut inuusuttunullu atugarliortunut aamma inunnut innarluutilinnut pissutsit nukittorsarneqarnissaat.
Atorfik pillugu
Suliassat ilaatigut ilaqarput:
- Nutserinermik suliassanik kukkunersiuineq
- Nutsikkat pitsaassusaannik qulakkeerinninneq
- Nutserinermik suliassanik ataqatigiissaarineq
- Nutserinermik suliassanik ingerlatsineq
Politikikkut allaffissornikkullu aqutsisunik kiisalu meeqqanut, inuusuttunut innarluutilinnullu tunngasuni sulianut immikkoortortaqafinnik sullissisut suleqatigiit ilagilissavatit. Aqutsisunut allattoqarfimmut allaffimmi pisortaq toqqaannartumik attaveqarfigissavat.
Atorfik piumasaqaatitaqarpoq suliassanut nutaanut sukkasuumik paasinnissinnaanermik tamatigoortuunissamillu, kiisalu aaqqissuussaaffiusumi naammagisimaarinnissinnaaneq tassani suliassat minnerit angisuullu paarlakaaffianni ulluinnarni ilaatigut ulapaarfiusartumi.
Taamaattumik suleqatigiinnissamik soqutigisaqarnissat pitsaaqutaassaaq. Aaqqissugaanermik naalakkersuinikkut aqunneqartumik suliaqarnissamut soqutiginnittuussaatit, tassanilu ilaatigut assut ulapinnartarluni tunniussinissanullu piffissaliussat sivikitsuusarlutik. Pitsaaqutaassaaq allattariarsornikkut oqalunnikkullu ingerlatitsillaqqissuuguit ataqatigiinnernillu paasiuminaatsunik paasiniaallaqqissuullutit.
Illit pillutit
Sulianut tunngasutigut piginnaasat:
- Oqalutsitut/nutserisutut imaluunniit allamik naleqquttumik ilinniagaqarsimavutit.
- Atorfimmit imaluunniit suliffeqarfimmit assingusumit misilittagaqarnerit iluaqutaassaaq.
- MS Office-nik atuinissamut tunngaviusumillu aaqqissuusaanermut paasinnissinnaassuseqarneq.
- Kalaallisut, qallunaatut ajornanngippallu tuluttut piginnaasaqarluarneq.
Inuttut piginnaasat:
- Namminersorsinnaasoq aamma ulapaarfimmi tamakkiisumik takunnissinnaasoq
- Torersoq peqqissaartorlu
- Attaveqaqatigiinnermut pitsaasunik pisinnaasalik
- Suleqatinnut qaffasissumik kiffartuussilluarsinnaasoq
- Suliartortuaannartoq aamma piffissanut suliffiusunut suliassanullu nikerarsinnaasunut tulluarsarsinnaasoq
Meeqqanut Inuusuttunullu Naalakkersuisoqarfik pillugu
Meeqqanut Inuusuttunullu Naalakkersuisoqarfimmi suleqatigiit 15-it missaaniippugut. Tamakku saniatigut naalakkersuisoqarfiup ataani immikkoortortaqarpoq, Isumaginninnermut Aqutsisoqarfik.
Atorfimmi inuttassarsiuussatsinni suliassat suliassallu annertussusaat pillugit paasisaqarnerorusukkuit allaffimmi pisortaq Susanne Qvist-Aaen oqarasuaataanut 346339, imaluunniit mailianut: sulq@nanoq.gl saaffiginnissinnaavutit.
Qinnuteqarneq
Qinnuteqarnissamut killigititaq 23.oktober 2024.
Ulloq sulilerfissaq 1.december 2024 imaluunniit isumaqatigiissuteqarnikkut.
Atorfik 1. september 2025-mut killiligaavoq.
Meeqqanut Inuusuttunullu Naalakkersuisoqarfik pillugu paasisaqarnerorusukkuit uagut pilluta paasissutissat amerlanerusut ugguuna pissarsiarisinnaavatit www.naalakkersuisut.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job