Digitalinngoriartorneq pitsanngorsaaffigiuk: Suliniutinut aqutsisunngorlutillu ilinniusianik ilinniartitsillammanngorit

Kalaallit Nunaanni digitalinngoriartuaarnermi qitiusumik inissisimasinnaanermut periarfissaq immikkuullarissoq aana. Atorfimmi matumani nuna tamakkerlugu digitalinngorsaanermi suliniutinut assigiinngitsunut aqutsisuussaatit qulakkiissallugulu periusissiami anguniarneqartut malillugit pisortaqarfinni ataatsimut suliniutigineqartut naleqarnerulersitsillutillu naammassineqarnissaat. Taakkualu saniatigut suliniutinut aqutsinerup iluani ineriartortitsissallutit, taanna PMO-mik, tassa – project management office-mik taaneqartarpoq.

Suliniutinik ingerlatsineq eqqarsaatigalugu tamanna isumaqarpoq periusissiami anguniarneqartut suliarinissaannut aammalu suliniutinik ingerlatseriaatsimi periuutsit assigiissaarneqarnissaannut pitsanngorsarnissaannullu sunneeqataasinnaasutit kiisalu ilinniartitsissutigisassallugit – taamaaliornikkut nuna tamakkerlugu suliniutit pitsaasuunissaat naleqalersitsinissaallu qulakkeerneqassaaq.

Atorfik aatsaat pilersitaavoq, taamaattumik atorfik ilusilersueqataaffigissavat, soorluttaaq suliniutinik ingerlatseriaasissaq PMO-milu suliassat sunniuteqarfigissagitit. Suliassaqarfiup iluani pitsaasumik ingerlatsinissamut iliuusissat ingerlanneqarnissaat illit akisussaaffigissavat.

Suliassaqarfinni pingaarnerusuni marluusuni akisussaaffiit ukuupput:

- Suliniutinik ingerlatsineq aamma PMO:

• Suliniutit naleqalersitsinissaannik qulakkeerinninniarluni aammalu missingersuutit malillugit suliaqarnissaq kiisalu pitsaassuseq qaffasissoq atorlugu sulisoqarnissaa qulakkeerniarlugu digitalinngortitsinerup iluani suliniutinik iliuusissanillu tamanik malinnaaneq nakkutiginninnerlu
• Suliniutit pisortaqarfinni ataatsimut pitsaassutsimik malinninnersut kiisalu pisortaqarfinni suliniutigineqartartut suleriuserineqartartullu malinneqarnersut qulakkeerniarlugu suliniutissat tunngavissaannik qinnuteqaatinillu misissuineq pitsaassutsinillu qulakkeerinninneq
• Suliniutinik ingerlatseriaaseqarnissamut periusissianik ineriartortitsineq atuutsitsinerlu, tassunga ilanngullugu best practices tunngavigalugit pisortaqarfinni ataatsimut suliniuteqartarnermi suleriuserineqartartunilu ineriartortitsineq nutarsaanerlu
• Pitsanngorsaaffiusinnaasut suussusersiniarlugit PMO-mi suleriutsini, pitsaassutsini, periuutsinilu atuutsitsilerneq, attassineq nalilersuinerlu
• Eqimattanut suliniutinik aqutsisuusunut aqutsisunullu allanut nalunaarutinik saqqummiussassanillu suliaqarneq
• Suliniutinik aqutsisunik suliniutinik aqutsinermi piginnaasat aallaavigalugit siunnersuineq sungiusaanerlu
• Eqimattanut suliniutinik aqutsisuusunut allatsiuneq

- Ilinniartitsineq siunnersuinerlu:

• Pisortaqarfinni ataatsimut suliniutigineqartunik periuutsinillu ilinniartitsineq siunnersuinerlu
• Ilinniartitsissutissanik suliaqarneq kiisalu ilinniartitsinissamik ukiumut pilersaarusiorneq
• Eqimattanut suliniutinik aqutsisuusunut ingerlaavartumik ilinniartitsineq piginnaanngorsaanerlu
• Suliniutinik ingerlatseriaatsip suleriutsillu nutarsarneqarsinnaanissaanut aammalu suliniutinik aqutsisut naapertuuttunik piginnaasaqarnissaat qulakkeerniarlugu suliniutinik aqutseriaatsinik suleriuserineqartunillu malinnaaneq
• Suliniutinik aqutsisut ataatsimiinnissaannik workshopernissaannillu piviusunngortitsineq kiisalu suliniutinik aqutsisut attaveqarfissaannik pilersitsineq attassinerlu

Piginnaasassatit:

• Qaffasissumik naapertuuttumik ilinniarsimanissaq, ajornanngippat kandidatitut
• Suliniutinik aqutsinermi PMO-milu uppernarsarneqarsinnaasumik misilittagaqarneq, ajornanngippat pisortaqarfinni
• Sullinniakkanut assigiinngitsunut nalunaarutinik saqqummiussassanillu suliaqarnermi misilittagaqarneq
• Oqalunnikkut allannikkullu attaveqallaqqissuuneq
• Suliniutinik aqutsinermi digitalimik atortunik systeminillu misilittagaqarneq
• Ilinniartitsinermik allanillu kajumissaarinermik misilittagaqarneq kiisalu ilinniusianik ilinniartitsinissamillu ineriartortitsinermik misilittagaqarneq
• Namminersorluni sulisinnaaneq, aammali suleqateqarsinnaaneq suliffeqarfimmilu allanngorartumi sulisinnaassuseqarneq

Naatsorsuutigaarput:

• Nuannaarnermik aallussinermillu pilersitsisinnaasutit, sulianik naammassinnilluarsinnaasutit anguniagaqarsinnaasutillu
• Inunnik naapitsineq ilinnut oqitsuussasoq kiisalu allanut kajumissuseqalersitsisinnaallutillu isumassarsiortitsisinnaassasutit
• Allanut inussiarnersumik ikiuerusussuseqartutullu siunnersuisinnaallutillu tapersersuisinnaasutit, kiisalu pissutsit aallaavigalugit ilisimasaqartutit
• Attaveqaatinik, suliffeqarfimmi systeminik, periutsinik aammalu inatsisinik/malittarisassanillu suliaqarnermik misilittagaqartutit
• Namminersorlutit sulianik aallartitsisinnaanissat naammassinnissinnaanissallu
• Imminut tatiginissat sulianillu soqutiginninnissat kiisalu ammasuunissat, ilakkuminartuunissat nunamullu tunngasuunissat
• Kalaallisut, qallunaatut tuluttullu oqalussinnaallutillu allassinnaanissat
• Inuiaqatigiiffitsinnut ilisimanninnissat

Neqeroorutigisinnaasagut:

• Atorfik soqutiginarluinnartoq inuiaqatigiinnilu pingaarutilik
• Kalaallit Nunaanni digitalinngorsaanerup iluani periusissiami anguniarneqartuni suliniutinut pingaarutilinnut suliaqarsinnaaneq
• Suliffeqarfik ineriartortoq kajumissuseqalernartorlu ilisimasatigut inuttullu ineriartorfissaqarluartoq suliffigilersinnaavat
• Suliffeqarfinni politikkitigut aqutaasuni ingerlariusunik paasinnissinnaaneq
• Suliniutinik ingerlatsinerup iluani sulisut pikkorissut ataatsimoorussisut suleqatigilersinnaavatit
• Atorfik annertuumik akisussaaffeqarfilik atorfigilersinnaavat
• Suliffeqarfimmi naammagisimaarinninnermik ukkataqartumi sulilersinnaaneq

Qinnuteqartunik oqaloqateqarnissap sap. ak. 34-p ingerlaneranni pinissaa naatsorsuutigaarput.

Digitalinngortitsinermut Aqutsisoqarfik pillugu

Digitalinngortitsinermut Aqutsisoqarfimmi Kalaallit Nunaanni inuiaqatigiinni qularnaatsumik digitalimik siunissaqarnissaq suliniutigineqarpoq, assigiissaakkanillu digitalimik aaqqiissutinik ineriartortitsinikkut suliniut sulissutigineqarluni. Kalaallit Nunaannilu digitalimik aaqqissutit qularnaatsuunissaat assigissaarnissaallu anguniarlugu Aqutsisoqarfik ineriartornermut siuttuuvoq.

Digitalinngortitsinermut Aqutsisoqarfimmi Kalaallit Nunaanni digitaliseriineq aammalu Namminersorlutik Oqartussat iluanni qarasaasialerineq suliarineqartarput. Aqutsisoqarfimmi akisussaaffeqarfiit annertupput, Aqutsisoqarfimmullu soqutiginninneq naatsorsuutillu aamma annertullutik. Kalaallit Nunaata digitaliseerernissaannut suliniutinut akisussaasutut ingerlatsinerput tulluusimaarutigeqaarput, suliagullu maniguulluta suliarisarlutigit. Taamaaliorsinnaanissatsinnut ilisimasatigut inuttullu piginnaasatigut piumasaqaateqartoqarpoq – taakkualu tunngavigalugit ulluinnarni ulapaarlutalu allanngorarfiusumi sulisarpugut. Sulisut naammagisimaarinnilluarnissaat anguniarlugu suleqatigiilluarneq – ilisimasatigut inuttullu assigiinngissutsit ataqqivagut aammalu sulianik ukkataqarsinnaaneq tunngavigalugit sulivugut.

Aqutsisoqarfik nunalu tamakkerlugu digitaliseeriinermut periusissiaq digitalimik.gl aqqutigalugu paasisaqarnerusinnaavutit – digitalinngortitsinermut periusissiaq nutaaq atuutiliivippoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaat nassiuguk

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job