Campus Kujalleq aasaq 2025-p tungaanut taartaasussamik pissarsiorpoq
GUX, Campus Kujalleq Qaqortumiittoq nunalerineq, kiisalu Campus Kujalliup EUD-mi gymnasiamilu ilinniartitsisussamik paarlattaasinnaasumik pissarsiorpoq.
Sulilerneq 10. februar 2025 imaluunniit isumaqatigiissuteqarnikkut pissaaq. Ilinniarnertuunngorniarfik nutarterneqaqqammisoq ulluinnaallu ilinniartitsisut ineriartortitsilluartut, taamatullu sulisut allat suleqatigilissavatit.
Ilinniartut amerlanersaat maani Qaqortumi iliniartut najugaqarfiini najugaqarput, tamassumalu kinguneraa, ilinniarfittut ineqarfiusutut GUX Campus Kujallermilu avatangiiseqarluta amerlanertigut ingerlanerput. Taamaattumik ilaatigut ilinniartitsisutut isigiinnassannginnavit, kisiannili aamma suleqatitut allatut isiginissat pisariaqarpoq, suliakkiissutinik allanik suliakkerneqarsinnaagavit.
Aammattaaq pitsaassagaluaqaaq kalaallit qallunaallu oqaasiinik ajornartorsiutiginagu atuisinnaanissat.
Naatsorsuutigaarput:
Tunngaviusumik kandidatitut assingusumilluunniit ilinniagaqarsimanissat, GU-milu ilinniarsimasat sinnerlugit angusaqarsimanissat.
Ilinniarfiup pamersaanermik ineriartortitsineri sulisut peqatigalugit peqataaffigissagitit, aammalu ilinniartut inerisimanerisa inissisimaneri tunngavigalugit akuersaassallugit.
Ajornanngippat atuartitsisinnaanissat atuartitsinermullu piginnaasaqarnissat (ilinniarnertuungorniarfinnilu atuartitsisinnaanermut ilinniarnerit ingerlassimanissaa pædagogikum) illit ilinniarsimasanni ingerlassimassagitit.
Fagini ilinniarsimasanni atuartunut ukiuni tamanut atuartitsisinnaallutillu soraarummeersitsisinnaasutit.
Sammisassat allat ilinniartunut neqeroorutigineqartut aturtitsinerup imaluunniit atuarfitsinerup avataaniittut suleqataaffigisinnaassagitit.
Makkua neqeroorutigaavut:
Suliffik ineriartortoq nikerartorlu.
Ilinniartitaanikkut suliffik nukittooq, illit ulluinnarni iliuuseqarnikkut ilinniartitsinerni suliassat allallu kisimiilluni suliassat aamma ataatsimoorluni ineriartoqatigiinneq atorfilittut suliassavit ilagissavai.
Ilinniarnertuunngorniarfinnut ingammik Kalaallit Nunaannut aammalu kalaallit nunaanni ilinniarnertuunngorniarnernermut ilisimasaqarnissaq iluaqutaassaaq. Taamaattumik qinnuteqartut ilinniarsimanermut kiisalu misilittakkanut uppernarsaammik qinnuteqaammut ilanngullugu nassiusseqquneqarput.
Utaqqiissaagallartumik ineqarnissannut inissinneqarnissat naatsorsuutigissavat. Utaqqiisaasumik inissinneqarneq qanoq sivisutigisinnaanersoq nalileruminaappoq, pissutsit naalagaaffiginngisavut peqqutaallutik.
Qinnuqarfissaq kingulleq tallimanngorneq februaarip 7-at 2025, nal. 12.00 (Qallunaat Nunaanni nal. 16.00)
Qinnuteqaatit ataavartumik suliarisarnissai pisussaaffigaarput.
Annerusumik paasisaqarusukkuit rektor Jonbert Davidsen mailikkut uunga jd@cak.gl imaluunniit oqarasuaatikkut +299 23 93 39-mut attavigineqarsinnaavoq. (-4 tiimimik nikingassut pissutaalluni qallunaat nalunaaqutaat malillugu 11.00 kingorna). Atuarfimmut/ilinniartitaanermut annertunerusumik paasisaqarusukkuit nittartakkat aqqutigalugit attavigisinnaavatit: www.cak.gl aammalu : www.iserasuaat.gl aqqutigalugit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job