Cafétsinni illersukkamik pilersitsinitsinni qitiusumik peqataagit
Igasuuit imaluunniit inuussutissalerinermik assistentiuit tunniusimasoq peqataatitsinermik tunngavinnillu pitsaasunik avatangiiseqalersitserusuttoq? Kammagiinni caféssatsinni iggavimmi ulluinnarni ingerlatsinermik aqutsisussamik suleqatissarsiorpugut, Inunnut innarluutilinnut tarnimikkullu nappaatilinnut Immikkoortortaqarfimmi sammisassanik peqateqarnissamullu neqerooruteqartitsivitsinni pingaarutilimmik taanna inissisimassaaq.Sapaatip akunneranut akunnerit 40-t suliffiuvoq nal. 8 - 16. Pisuni immikkuullarissuni piffissap avataatigut sulisoqarsinnaassaaq.
Cafétsinnik inerisaanitsinni ingerlatsinitsinnilu pingaaruteqartumik inissisimassaatit, siullermillu innuttaasut pingasut tikillugit sulisorissallutigit.Ataatsimoorluta cafémik minnermik aallartitsissaagut ineriartortinnissaanut periarfissalerujussuarmik. Café najugaqatigiiffinnut allanut sapaatip akunneranut arlaleriarluni ammasassaaq, taakkulu nerisassanik toqqagassaatitsinnit ullukkut ulloqeqqasiutissaminnik inniminniisinnaassapput.
Sammisassanik ataatsimooqateqarnissamillu neqerooruteqartitsiviugatta perorsaanermik sulinermit misilittakkat iluaqutaasorujussuussapput. Suleqatissarsiorpugut innuttaqatitsinnut timikkut tarnikkulluunniit killeqartumik sulisinnaasunut ikorfartuinissamut naleqqussarsinnaasumik.
Illit akisussaaffeqarfissatit makkuninnga ilaqassapput:
∙Iggavimmik cafémillu ingerlatsineq
∙Pisiortorneq, nerisassanik neqeroorutissanik pilersaarusiorneq kiisalu mamartunik peqqinnartunillu nerisassanik sassaalliineq
∙Suleqatitit ilagalugit suliassanik suliarinninnermi ikiuunneq
Naatsorsuutigaarput illit:
∙Iggavimmi sulinermik tunuliaqutalik ass. igasoq/ inuussutissalerinermik ikiorti
∙Iggavimmik ingerlatsinermik nerisassanillu pilersaarusiornermik misilittagaqartoq
∙Peqqinnartunik assigiiaanngitsunillu nerisassiorsinnaasoq
∙Aalajaatsoq, suleqatiginnikkusuttoq ikiuukkumatoorlu
∙Innuttaasunik illersukkani sammisassaqartitsinermik atuisunut sullisserusuttoq
∙Siunissamut pilersaarusiorsinnaasoq naatsorsuutaanngitsunullu pisunut suliarinnissinnaasoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Kammagiit pillugit:
Sammisassanik ataatsimooqateqarnissamillu neqerooruteqartitsiviuvugut marlunnik immikkoortortalik: timikkut innarluutilinnut aamma tarnikkut nappaatilinnut aappaalu oqilisaassivik. Sammisassaqartitsinermut peqateqarnissamullu ulluunerani neqeroorut ulluinnarni nal. 8-16 ammasarpoq, sapaatillu akunnerisa naaneranni nalliuttunilu matoqqasarluni. Oqilisaassivipput ulluinnarni ulloq unnuarlu ammasarpoq, sapaatillu akunnerisa naanerat allortarlugu matoqqasarluni. Innuttaasut maanna pisariaqartitsigallartut qanigisaat ikorfartorniarlugit tunniusimasuuvugut.
Naatsorsuutigaarput atorfinitsitsinermi oqaloqatiginninnerit ingerlanneqassasut sap. ak. 43-mi.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasutAkissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Aviaaja Olsen, oqarasuaat +299 36 69 20 imaluunniit +299 54 26 74 imaluunniit e-mail: avol@sermersooq.gl imaluunniit uunga: Tullersorti Maja Jensen, oqarasuaat +299 36 69 24 imaluunniit +299 55 03 16 imaluunniit e-mail: mjen@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 997-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 16.-at, 2024