Avatangiisinut immikkoortortaqarfiup Pinngortitaleriffimmiittup ineriartorteqqinnissaanut biologimik tamatigoortumik
Pinngortitaleriffik, Namminersorlutik Oqartussanut, kommunenut allanullu pisuussutit uumassusillit pillugit siunnersuisartuusoq, Avatangiisinut Aatsitassanullu Immikkoortortaqarfimmi 1. november aallarnerfigalugu sulisussamik pissarsiorpoq imaluunniit tamatuma kingorna sukkanerpaamik sulilertussamik pissarsiorluni.
Siunnersuinerit, ilisimatusarnerit pinngortitamillu alaatsinaannerit suliassarineqartarput. Immikkoortortaqarfik Pinngortitaleriffillu pillugit sukumiinerusumik uani paasisaqarsinnaavutit: www.natur.gl.
Suliassat
Avatangiisinut Aatsitassanullu immikkoortortaqarfimmi sulisutut suliassarissavatit aatsitassarsiornerup avatangiisinut sunniutigisai aammalu silap allanngoriartornerata sunniutaasa alaatsinaanneqarnissaat.
Nunap kangerluata iluani nunallu killerisitaanut avatangiisinut pinngortitamullu suliassat samminerussavatit, soorlu immap naqqani uumassusillit, timmissat, immami miluumasut, aalisakkallu il.il.
Naatsorsuutigivarput peqataaffigissagitit:
Misissuinerit aatsitassarsiorfiillu qinnuteqaateqarnerinut tunngatillugu avatangiisinut sunniutigisinnaasaannik naliliinerit.
Ingerlatanut allanut tunngatillugu avatangiisinut tunngasutigut Namminersorlutik Oqartussanut siunnersortaaneq.
Avatangiisinut siunnersuinissamut tunngatillugu suleqatigisartakkatsinnik suleqateqarneq.
Immikkoortortaqarfiup suliassaanut tunngatillugu pinngortitami misissuinerit.
Suliniutit, immikkoortortaqarfiup suliaanut attuumassuteqartut.
Immikkoortortaqarfiup sulisui suleqatigiinni nunanit tamalaanit peqataaffigineqartuni suleqataasarput, ilisimatusartartullu nunatsinneersut, Danmarkimeersut nunanilu allaneersut suleqatigisassavatit.
Piginnaaneqarnikkut piumasaqaatit
Ilinniagartuumik akademikeritut ilinniarsimasumik, soorlu biologitut, miljøingeniøritut assingusumilluunniit ilinniagaqarsimasumik avatangiisinut tunngasutigut siunnersuinissaminik sungiussisimasuusinnaasumik pissarsiorpugut. Qinnuteqartussarlu immikkoortortaqarfiup suliaasa ilaanut ilisimasaqarluartussaassaaq.
Kalaallisut oqaatsinik inuiaqatigiinnillu ilisimasaqarnissaq iluaqutassaaq, piumasaqaataananili.
Suliffik Nuummiippoq. Ataatsimiinnernut pinngortitamukarnermullu atatillugu angalasoqartarnissaa naatsorsuutigineqarsinnaavoq.
Suliffik sapaatip akunnerani akunnerni 40ni suliffiusassaaq.
Atorfik pillugu sukumiinerusumik paasissaqarniaraanni immikkoortortaqarfimmi pisortaagallartoq Karl Zinglersen +299 361200-imut sianerluni imaluunniit uunga emailerluni attaveqarfigineqarsinnaavoq: kazi@natur.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.