Avannaata Kommuniani atuarfeqarnermut MISI-Avannaanullu Fagchefi
Meeqqat atuarfianni aqutsineq pitsanngorsaaqataaffigerusuppiuk, Avannaata Kommuniani atuarfinni aqutsisut qanimut suleqatigalugit?
Meeqqat atuarfianit aqutsinermut misilittagaqarpit aamma atuarfimmi aqutsisut aqutseriaatsimik isumassarsitissinnaavigit kaammattorlugillu, atuarfimmi allaffissornikkut perorsaariaatsinillu aqutsisuutillugit?
Taava Avannaata Kommuniani Atuarfeqarnermut MISI –Avannaanilu fagchefitut Inerisaanermut Ingerlatsiviup atorfinitsissinnaavaatit.
Ilinniarnermut Ingerlatsiviup makku sammisarai
- Ingerlatsiviup suliffeqarfik qaqugukkut pitsaanerpaasarnersoq sammisaraa
- Ingerlatsiviup nukittuffiit pikkoriffiillu annermik suliarisarnissaat kaammattuutigisarnerat sammisarai
- Ingerlatsiviup suleqatigiinneq, atugarissaarneq pitsaassuserlu sammisarai
- Ingerlatsiviup ukiup ingerlarngani misigisat assigiinnissaat pingaartippaa
- Ingerlatsiviup suliaq pitsaasoq akuersaassallugu pingaartippaa
Suliffik pillugu
Avannaata Kommuniani ilinniartitsisunut tamanut klassinullu tamanut skemaliorneq eqaatsoq atuutsinniarlugu suliaqarpoq, tiimit ilinniartitsiffiusut taamaatiinnarneqartarnissaat sapinngisamik annikillisarniarlugu. Illit atuarfeqarfiup MISI-Avannaatalu fagchefitut sulinerni suliniut ”Atuarfimmi periusissiaq” aallartillugulu ineriartortissavat. Suliniut ilaatigut aqutseriaatsit nutaat, aaqqissugaanermut suleqatigiinnermullu iliuutsinik atuarfinni atorfilinnut allanut atuarfimmilu aqutsisunut tunngamik imaqarpoq.
Illit atuarfeqarfiup MISI- Avannaanullu fagchefitut sulinerni Inerisaanermut Ingerlatsivimmi sulisut allat peqatigalugit politikerit sullinnerat, atuarfiit, ulluunerani paaqqinnittarfiit, MISI-Avannaa kiisalu atuisut suleqataaffigissavatit.
Atorfiup pingaarnertut suliassarai:
- Ingerlatsinermut akisussaaneq, aningaasaqarneq aamma atuarfeqarnermut susassaqarfik MISI-Avannaanilu sulisut
- Atuarfeqarfimmi MISI-Avannaalu suliatigut/perorsaanikkut nalinginnaasumik nakkutilliineq
- Periusissianik anguniagaqarnikkut, iliuuseqarnikkut naliliinernillu suliaqarneq
- Inatsisinik, isumaqatigiissutit suleriaatsillu pillugit atuutitsineq
- Politikkikkut aalajangiussanik atuutitsineq
- Suliffiusussat pisariaqartitallu naapertorlugit ukiumut missingersuutit suliarinerat
- Atorfinnut allaaserinninneq, maleruagassat ilitsersuutillu suliarinerat
- Sinaakkutinik aamma kisitsinik pisariaqartinneqartunik suliaqarneq
- Atuarfeqarfiup susassaqarfiani MISI-Avannaanilu sulisut ilinniaqqinnissaat ilinniarnerullu kingorna ilinniagaqarnissap akisussaaffiginerat
Naatsorsuutigaarput
- Iinniartitsisutut assigisaanilluunniit ilinniagaqarnissat
- AD, Masteritut imaluunniit Kandidatitut ilinniagaqarnissat
- Aqutsineq pillugu ilisimasaqarnissat imaluunniit misilittagaqarnissat
- Politikkikkut aqutsinerup ataani sulineq misilittagaqarfigissagit
- Atuarfinni sulisunut ilisimasatit ingelateqqissinnaagitit paasititsisinnaallutillu
- Namminersorlutit sulisinnaasutit suleqatigiinnissamullu piginnaaneqarluartutit
Inissaq
Atorfimmut tunngatillugu inissaqartinneqarputit, tassani qularnaveeqqut inimullu akiliut, atuineq il.il. Kalaallit Nunaanni kommunit Namminersorlutillu Oqartussat inissiaataat allallu inatsit atuuttoq naapertorlugu akilertassavatit. Atorfininnermi sulinermut atatillugu ingerlaannaq inissaqanngikkuit sulisunut utaqqiisaagallartumik inissaqartitsineq atuutissaaq.
Pineqaatissinneqarsimannginnermik meeqqanullu pinerliisimannginnermik allagartaq
Una atorfik pineqaatissinneqarsimannginnermik meeqqanullu pinerliisimannginnermik allagartamik inatsit naapertorlugu tunniussinissaq piumasaqaataavoq. Inatsit naapertorlugu atorfinitsinissaq aatsaat atulersinnaavoq, kommune pillagaasimannginnermik meeqqanullu pinerliisimannginnermik allagartamik naammaginartumik tigusereerneratigut aatsaat pisinnaavoq. Taamaattumik erseqqissaatigissavarput atorfinititsinissaq aatsaat isumaqatigiissutigineqarsinnaammat kommune Naalagaaffiup politiivinit meeqqanut pinerliisimannginnermik allagartaq tiguppagu kiisalu aamma politiinit pillagaasimannginnermik allagartaq tiguppagu. Meeqqanut pinerliisimannginnermik allagartaq qinnuteqartumik akuersissut kommunimit tiguneqarnerata kingorna, tassani qinnuteqartup politiinit pinerliisimannginnermik allagartaq pissavaa.
Akissarsiat atorfininnermilu piumasaqaatit
Akissarsiat atorfininnermilu piumasaqaatit Namminersorlutik Oqartussat IMAK imaluunniit isumaqatigiinniarsinnaasumik ilaasortaaffiup akornini isumaqatigiissutit atuuttut naapertorlugit pissaaq.
Atorfinititsinissap aallartinnissaa kissaatigineqarpoq 1. marts 2025 – imaluunniit isumaqatigiissut naapertorlugu.
Paasissutissat sukumiinerusut
Inerisaanermut Ingerlatsivimmi pisortaagallartoq Lars Fleischer +299 70 18 00 imaluunniit e-mail: lafl@avannaata.gl attaveqarfigisinnaavat.
Qinnuteqarneq
Qinnuteqaat, ilinniakkap uppernarsaataata assinga, inunnik sullissisinnaanermut uppernarsaat aamma siusinnerusukkut suliffigisimasat pillugit paasissutissartalerlugu kingusinnerpaamik ulloq 29. Januar 2025 nassiunneqassapput Avannaata Kommuniata nittartangaa: Avannaata.gl/ledige-stillinger iserfingalugu.
Qinnuteqarnissamut killissarititaasoq: januaarip 29.-at, 2025