Atuisartoqarnermut Unammilleqatigiinnermullu Aqutsisoqarfik nutserisussarsiorput
Aqutsisoqarfik avammut attaveqarnerit pitsanngorsarniarlugit allaffimmi nutserisussarsiorpoq. Aqutsisoqarfiuvugut siammasissumik suliaqartartut, immikkullu ilisimasalinnik sulisoqarpugut, taamaattumillu aamma oqaatsit aaliangersimasut atortarlugit.
Atuisartoqarnermut Unammilleqatigiinnermullu Aqutsisoqarfiup isumaginninnermut, ineqarnermut aamma atuisartoqarnerup iluani suliat amerlanerpaat aalajangiiffigisarpai. Isumaginninerup iluani suliat ilaatigut imaqarsinnaasarput, soorlu innarluutilinnut tunngasut, meeqqat tapersersorneqarnissaat, utoqqalinersiat, pisortatigut ikiorsiissutit aamma isumaginninnermi tunniuttakkat allat. Ineqarnerup iluani suliat tassaasinnaapput, malittarisassat, aserfallatsaaliuineq aamma nuunnermi naatsorsuutit. Atuisartoqarnerup iluani suliat ilaatigut tassaasinnaapput, soorlu naammagittaalliuutit, amingaatit aamma kiffartuussinermut tungasut. Aammattaaq suliassat Unammilleqatigiiffimmiit, pinngortitaleriffimmiit aammalu Avatagiisinut tunngasut suliarineqartarput.
Suliassat ilaatigut paasissutissanik tigusaqarnermi nalilersuineq, paasissutissanik aalajangiussanillu nutserineq, aamma aalajangiussanik nassiussuineq. Sulianik ilusilersuillaqqissumik tunniusimasumillu sulisussamik, suliassanik amerlasuunik ataatsikkut ingerlassisinnaasumik pissarsiorpugut, sulisussarlu ulluinnarni ulapaarfiusumi tunniusimalluni sulisassaaq.
Allatseqarfiup saaffiginnissutit tiguneri suleqatigiiffigai, tassanilu aamma oqaluttaanissaq, sullissinissaq pilersaarusiukkamillu aqutsineq, nerisaqarneq pisiniarnerlu il.il. pisariaqarsinnaasarpoq. Ulluinnarni sullissineq ESDH-systemi Public 360 atorlugu ingerlanneqartarpoq.
Sulilertussaq annikitsunut malussajasuussaaq, sullarissuulluni peqqissaartumillu suliaqartartuulluni. Allatseqarfimmi sulineq aqutsisoqarfiup immikkoortuisa suliassaanik tunngaviliilluni suliassanik ingerlatitseqqiisarpoq, tunngavigineqartullu tatiginartuunissaa pingaaruteqarpoq. Suliat amerlasuut uteqattaartuummata, suliamut tunngasut annikitsumik nalinginnaasumiit allaanerussuteqarpata, taava annikitsortaasa tulluarsarnissai pingaaruteqarpoq.
Aqutsisoqarfik tassaavoq, Atuisartoqarnermut Aqutsisoqarfik, tassaniippullu aamma Atuisoq, Atuisartoqarnermut Maalaaruteqarnermullu Aqutsisoqarfik. Suliassat assigiinngitsut suliarisarpavut aamma sulisuulluta ilisimasavut piginnaanivullu ulluinnarni suleqatigiinnermi atorluartarlugit. Avatangiisivut ammasuullutillu pingaartorsiortuunngillat. Suliffeqarfiuvugut ineriartortoq suliassallu ingerlarnani immikkut alapernaalluarlugit aamma pitsaasunik atorluarsinnaasunillu suliaqartarnissarput pingaartipparput.
Suliassaraatit:
- Aalajangiinerit kukkunersiorlugit.
- Naammagittaalliuutinik suliallu takussutissartai nutserlugit.
- Tusagassiorfinnut nalunaarutit nittartakkatsinnilu qarasaasiatigullu attaveqaqatigiittarfiisigut nutaarsiassat atuaqqissaarlugit.
- Qitiusumik allaffeqarfimmiittoq Nutserisoqarfik suleqatigalugu kiisalu Oqaasiliortut peqatigalugit taagusersuutit ineriartortinnissaannut ataqatigiissaarineq.
Naatsorsuutigaarput:
- Aaqqissuussaasumik sukkasuumik sapiissuseqartumillu suliat salliussinnaagitit
- Suliami paasissutissat nutsersinnaagitit, ingammik kalaallisuumiit danskisuumut.
- Immikkoortut assigiinngittut suleqatigilluarsinnaagitit.
- Inuttut alapernaatsuusutit.
- Illit sungiussisimasumik IT-mut tunngasut soorlu MS Outlook aammalu Word suliaqarsinnaasutit.
Iluaqutaavoq:
- Illit naleqquttumik ilinniagaqarsimanerit, Ilisimatusarfimmiit nutserinermut aammalu oqalutsitut bachelor.
- Suliarisartakkatsinnut tunngasut nutserlugit misilittagaqarfigigitit.
- TMS review misilittagaqarfigigit.
Paasissutissat allat
Atorfiit pillugit suli paasisaqarnerorusukkuit ukua attaveqarfigisinnaavatit Allatffissornermi pisortaq Malik Nielsen, maqn@nanoq.gl -mut allallutit
Atuisartoqarnermut Unammilleqatigiinnermullu Aqutsisoqarfik pillugu ugguuna qimerluuigit: www.aua.gl. aammalu Namminersorlutik Oqartussat sukumiinerusumik paasisaqarfigerusukkukkit ugguuna alakkerterigit: www.naalakkersuisut.gl.
Qinnuteqarneq
Qinnuteqarfissap killinga 16. novembari 2024.
Qinnuteqaatit qarasaasiakkut immikkut paasissutissartalerlugu nassiuguk.
Atorfiniffissaq
Atorfiniffissaq: Ulloq 1. december 2024-i imaluunniit immikkut paaseqatigiinnikkut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job