Atuarfik Inussuk atuarfimmi pisortassarsiorpoq
Kalaallit Nunaanni meeqqat atuarfiat pitsaanerpaaq pilersitseqataaffigerusuppiuk? Aammalu meeqqanut, sulisunut angajoqqaanullu allanngueqataarusullutit?
Atuarfik Inussuk iserterfigineqarnissaminut piariingajalersoq atuarfimmi pisortassarsiorpoq anguniagassatut siunniussanut siuttuulluni suliniutinik ingerlatitserusuttumik.
Atuarfiup nutaaq aqqutissiuisutut Kalaallit Nunaannut nunanullu allanut takutitsissaaq
Takorluukkat anguniakkallu annertupput, sinaakkutinillu pilersitseqatigiinnissarput kissaatigaarput, ukiorpassuarni tulliuttuni ilikkagaqarfiulluarsinnaasunut tapertaasinnaasumik. Sinaakkutit, atuartut ataasiakkaat eqqarsaatigalugit ikinnerusunut toqqissisimanartumik ataatsimoorfeqarnissamik pilersitsisut. Taakkua meeqqanik tatituunik, peqqissunik nuannaartunillu pilersitsinissamik tunngassuteqarput. Aamma atuarfiup pisortaatut ersarissuussaatit ersarissunillu takorluugaqarlutit, qanoq atuarfimmi takorluukkatut anguniakkap piviusunngortinnissaanut.
Peqatigitillugu kissaatigaarput, atuarfik atuartitsinerlu inuiaqatigiit ilutigalugit ineriartussasut, inuusuttunik pisariaqartitsigaluttuinnarnermi suleqatiginnissinnaasunik isornartorsiortumik eqqarsarsinnaasunik arlalinnillu suliaqarsinnaasunik pissarsiorneq annertusiartortillugu. Tassaapput piginnaasat, atuarfitta atuartunut ingerlateqqitassai.
Atuarfiup suliniutit arlallit suliniutigilereerpaat. Massakkumut pingaarnertut “Projektilerinermik allaavilimmik atuartitsineq” (PBL), oqaatsinik malussarissarneq, atuaffarissarneq, atuartitsineq aalaffiusoq kiisalu atuareernerup kingorna ornittakkat pingaartinneqarlutik. Taakku saniatigut Ilinniartitsisunngorniarfik kiisalu Ilinniartitaanermut Aqutsisoqarfik “Teknologi aamma Makerspace” tunngasut suleqatigiissutiginiarneqarput.
Atuarfimmi pisortatut ukiuni tulliuttuni kissaatigisatsinnik atuarfimmik pilersitsinissamut sinaakkusiornissamut pingaarutilimmik inissisimassaatit.
Atuarfik nutaaq pillugu uani atuarnerusinnaavutit: https://sermersooq.gl/da/den-nye-skole-i-nuuk/
Atuarfik Inussuk pillugu naatsumik
Atuarfik Inussuk tassaavoq kommunip atuarfiutaa, 1200-nik atuartoqarsinnaasoq. 1.aggusti 2024 atuarfittaassaq atuutilerpoq, atuarfiit marluk kattunneri ingerlalereerpoq. Atuarfittaap illutaanut nuunnissap tungaanut atuartitsinerit atuareernerup kingorna ornittakkallu massakkut pioreersuni ingerlanneqarallarput.
1. klassimiit 10. klassinut annerpaamik immikkoortunut tallimanut agguataaqqapput. Alloriarfinnut pingasunut aggorneqarpoq – nukarliit 1.-3. klassit, akulliit 4.-7. klassit aamma angajulliit 8.-10. klassit. Ilinniartitsisoqatigiinni 90-it missaat atuartitsisuupput, 3 pisortap tullersortit, AKO-mi aqutsisoq ataaseq, allaffimmi pisortaq ataaseq, 2 atuarfiup allattai, 2 isumaginninnermi siunnersortit, pedel ataaseq pedelip ikiortai marluk.
Atuareernerup kingorna ornittagaq atuarfimmut ilaavoq, atuarfiup pisortaa aamma atuareernerup kingorna ornittakkami aqutsisuuvoq qaninneq.
Perorsaanermi siunissaq pillugu takorluugaqartoq ersarissumillu aqutsisoq
Siullertut pingaarnertullu perorsaanermi siumut takorluuisuuvutit – takorluukkatillu anguniagassanngortissinnaallugit iliuusinngorsinnaallugillu aalajangersimasut. Suliatigut patajaatsumik toqqammaveqartutit kisianni naatsorsuutiginngilarput ilisimasaqarnerusutit imaluunniit “suna tamaat nalunngeriissagit”. Atuarfimmi nutaami atuartut, angajoqqaat sulisullu pitsaasumik aallartinnissaannut akisussaaffimmik tigusisinnaavutit.
Peqatigitillugu ersarissumik aqutsisuuvutit, aqutsisuillu ineriartornissaat pingaartippat, pitsaanerpaanngortinniarlugit. Suliffeqarfimmi nalitulluartumi sulilluarsinnaavutit aqutseriaatsillu allanut sutigut tamatigut avitsissutigalugu. Aammalu uummatikkut ataatsimoortunik takunneqqaartartuuvutit namminerlu soqutigisatit kingulliuttarlugit. Peqatigitillugu attaveqarnermut pikkorissuuvutit, sulisunut suleqatigiinnermik pitsaasumik piviusunngortitsisinnaasoq ersarissumillu anguniagaqarsinnaasutit.
Taassuma saniatigut pingaartipparput illit:
·perorsaanermik tunuliaqutalik – ajornanngippat ilinniartitsisoq
·suliffeqarfinni anginerusunit aqutsinermi misilittagalik – ajornanngippat atuarfimmut tunngasuni
·allanngortiterinermi aqutsinermik misilittagalik aamma sulisunik suliffeqarfimmillu annertuumik allannguinermi periusissiat aqqutigalugu aqutsisinnaanissamut piginnaasaqartutit
·Marluinnik oqaaseqartuusinnaavutit - kalaallisut qallunaatullu. Aamma tuluttut oqaatsit sapinngikkaanni iluaqutaassaaq
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Atorfinitsinneqartoq Sulinngiffeqarnermut Aningaasaateqarfimmut isumaqatigiissummi ilaavoq.
Inissaq:
Atorfininnermut atatillugu inissiamik innersuussisoqarsinnaanngilaq.
Atuarfimmi pisortassarivatsigit?
Atuarfimmut tunngasuni pisortaq, Riikki Grønvold, saaffiginissaanut tikilluaqqusaajuaannarputit,oqarasuaammut +299 36 73 03 imaluunniit e-mail: rigr@sermersooq.gl, atorfik pillugu paasisaqarnerorusukkuit.
Malugiuk:
Tjenestemanditut atorfinitsinneqarsinnaagavit aatsaat siornatigut tjenestemanditut atorfeqarsimaguit.
Qinnuteqaat:
Qinnuteqaat qulequtserlugu Atorfiup ilisarnaataa 1192-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 5.-at, 2024