Atuarfik Hans Lynge Inunnik isumaginninnermi siunnersortissarsiorpoq
Atuarfik Hans Lynge Nuummi Qinngutsinni inissisimavoq. Atuarfik pinngortitamik nuannersumik avatangiiseqarpoq qaqqat, kuut tatsit qanitaralugit. Atuarfik nutaaliaavoq 2011-imi atulerneqartoq. Atuarfiup initai atuartitsinermi atugassat atuartitsinermilu atortorissaarutit tamaasa pigai, soorlu Apple-TV aamma IPads.
Atuarfik 500-it miss. atuartoqarpoq, 47-nillu ilinniartitsisoqarluni.
Atuarfik Hans Lyngemi suleqatigiit ingerlalluartut, angerlarsimaffiup atuarfiullu akornanni pitsaasumik oqaloqatigiinnikkullu attaveqarfiusumik suleqatigiinneq, aqutseriaaseq ersarissoq ersittullu, ingerlanneqarput, ulluinnarnilu angajoqqaanik pitsaasumik suleqateqarneq atuarfimmi atuullutik.
Inunnik oqaloqatiginnittartutut suliassat pingaarneq tassaassaaq atuarfimmi inooqataanermut tunngatillugu sulinermik attaviuneq oqaloqateqarnerlu, atuarfiup pisortaa ilinniartitsisullu suleqatigalugit. Soorlu aamma qanimut suleqatigissagitit Meeqqanut Ilaqutariinnullu Ingerlatsiviup aamma Peqqinnermik immikkoortortaqarfiup inunnik isumaginnittai, MISI-lu.
Suliassat tassaassapput ilinniartitsisut suleqatigalugit atuarfiup angerlarsimaffiullu suleqatigiinnerannik nukittorsaaneq pitsanngorsaanerlu, inunnik isumaginnittoqarfimmut atuartunik nalunaarusiornernerni ilinniartitsisunik siunnersuineq, atuartunik angajoqqaanillu oqaloqatiginninnerit ilinniartitsisunullu avitseqateqarsinnaaneq. Taakku saniatigut naatsorsuutigaarput atuarfiit allat inunnik isumaginnittaannik suleqatiginnillutillu avitseqatigiiffiussasutit.
Inunnik isumaginninnermik siunnersorti atuarfimmi sulisut Meeqqanut Ilaqutariinnermullu Ingerlatsivimmi sulisut allat suleqatigalugit iliuusissamik pilersaarusiortarnissaq, soorlu atornerluinermik nakkarsaanermillu pinaveersaartitsinermut tunngatillugu, atuarfiullu upalungaarsimanermut suleqatigiissitaliaani peqataassalluni. Atuaqatigiit akornanni sakkortuumik pisimasoqartillugu ilinniartitsisut angajoqqaallu suleqatigalugit iliuuserisassanik pilersaarusiussaaq ingerlatseqataallunilu, oqaloqatiginnilluni siunnersuillunilu.
Inunnik isumaginnitsip sulisitsisua qaninneq tassaavoq atuarfiup pisortaa.
Naatsorsuutigaarput:
- Ilinniagaq naleqquttoq naammassinikuusimassagit
- Iliuuseqarusuttuusutit namminersorsinnaallutillu
- Inuttut isumaginnittutut misilittagaqartutit, kommunip iluani (piumasaqaataanngilarli)
- Marlunnik oqaaseqartuunermik pingaartitsineq, kalaallisut qallunaatullu.
- Inuttut suleqateqarluarsinnaanerit, tatiginartuunerit inuttullu inissaqartitsisuunerit aamma kissaatiginarput.
Saniatigut pingaartinneqarpoq marlunnik oqaaseqartuunissaq.
Pingaartipparputtaaaq paasisaqarusuttuusutit, tatiginnittoq peqataalluarsinnaassuseqarluartutillu.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiuyp pisortaa Tom Ostermann-Søholm, oqarasuaat +299 36 64 51 imaluunniit e-mail: toom@sermersooq.gl imaluunniit Atuarfiup pisortaata tullersortaa Laila Vivian Petersen, tlf. +299 34 64 53 imaluunniit e-mail: lavp@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 871-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: septembarip 13.-at, 2024