Attaveqatigiinnermi suleqat Naalagaaffinngornissamut immikkoortortaqarfimmut
Attaveqatigiinnermi suleqat tamatigoortoq Naalagaaffinngornissamut immikkoortortaqarfimmut
Tusagassiortutut attaveqatigiilerisutulluunniit suliassanik assigiinngisitaartunik suliaqarusukkuit qulaajaanissamut, apersuinissamut, nutaarsiassanik, allaserisanik paasissutissanillu allattarnissamut periarfissaqarusukkuit piffissarlu sorianngitsoq nipinik takusassiatigullu ilanngutassiisarusukkuit, taava imaassinnaavoq immikkoortortatsinni illit atorfissaqartikkitsigit.
Inatsit Tunngaviusussaq pillugit Isumalioqatigiissitat Inatsit Tunngaviusussaq pillugu isumaliutissiissutaat aamma Kalaallit Nunaata namminersulernissaanut apeqqut immikkoortortatsinni sulinitsinni ukkataraavut, taamalu ilaatigut innuttaasut, qinikkat soqutigisaqaqatigiillu Inatsit Tunngaviusussaq pillugu isummersorlutillu immersueqataallutillu akuutinniarneqarnissaat suliassatsinniilluni.
Suliassat
Nittartagassaq nutaaq maanna suliarineqaleruttortoq illit suliassavit aallaavigilluinnassavaat. Nutaarsiassanik, allaaserisanik paasissutissanillu allattassaatit aammali isumassarsiullaqqinnikkut nipit isiginnaagassallu atorlugit ilanngutassiortassallutit.
Nittartakkatigut aammali innuttaasunik ataatsimiisitsisarnikkut paasititsiniaasoqartassaaq. Taamaammat innuttaasunik paasititsiniaanissanik pilersaarusiorlutillu aaqqissuussillutillu ataatsimiisitsisarnissat suliassannut ilaanissaat naatsorsuutigissavat.
Naalagaaffinngornissamut immikkoortortaqarfik
Naalagaaffinngornissamut immikkoortortaqarfik nutaajuvoq Kalaallit Nunaatalu Inatsit Tunngaviusussamik peqalernissaa siunertaralugu innuttaasuni oqallittoqarnissaanut Inatsisartut kissaateqarnerannit pilersitaalluni.
Naalagaaffinngornissamut Immikkoortortaqarfik Naalagaaffinngornissamut Nunanullu allanut Naalakkersuisoqarfiup ataaniippoq. Naalagaaffinngornissamut immikkoortortaqarfik, Ilisimatusarnermut Ingerlatsivik aammalu Nunanut allanut immikkoortortaqarfik Naalakkersuisoqarfimmiipput sulisunillu 20-nik tunniusimasunik aammali ilumoorsaarpallaarani oqaloqatigiissinnaasunik sulisoqarpoq.
Naatsorsuutigaarput illit:
- politikkikkut suliaqarfiusumi sulerusunnissat
- isumassarsiullaqqillutit oqaluttuanik soqutiginartunik sammivilersuisinnaanissat
- assigiinngisitaartunik suliaqarsinnaanissat
- innuttaasunik ataatsimiisitsiartorlutit imaluunniit qulaajaajartorlutit, apersuiartorlutit takusassianik immiussiartorlutit suliffinnit angalasinnaassasutit
- nunatsinni pissuttsit nunattalu oqaluttuarisaanera ilisimaarilluaritit
- kalaallisut, qallunaatut tululluttullu oqaatsitigut piginnaasaqarluartutit.
Neqeroorutigaagut:
- suliffik pissanganartoq suliallu qanoq inerneqarnissaannut akiussaaqataanissat
- suleqatit ilumoorsaarfiunngitsumik attaveqatigeeriaasillit
- suliffeqarfik avatangiisitigut tarnikkullu atugarissaarfiusoq.
Paasissutissat allat
Atorfik pillugu paasisaqarnerorusukkuit immikkoortortaqarfimmi pisortaq Káte Hansen attavigisinnaavat, oqarasuaat +299 34 51 26 imaluunniit khan@nanoq.gl
Oktobarip 1-ani imaluunniit isumaqatigiissuteqarneq naapertorlugu atorfinittoqassaaq. 2024-mi septembarip 5-at qinnuteqaasiornissamut killissarititaavoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job