Attaveqaqatigiinnermik sulialik

Attaveqaqatigiinneq pikkoriffigiviuk oqariartuutinillu saqqummiussinissaq tappiffigalugu? Aamma KNR-imi ataqatigiinnermik pilersitsinissaq suleqataaffigerusuppiuk? 

Sulisoqarnermut Attaveqaqatigiinnermullu immikkoortortaqarfitsinni suleqatigiinnut attaveqaqatigiinnermik suliaqartussamik tunniusimasumik nutaaliorusuttumillu pissarsiorpugut. Suliffeqarfiup iluani avataanilu attaveqaqatigiinnermut periusissianik pilersitsinissaq atulersitsinissarlu, imarisassanik naleqquttunik pilersitsinissaq saaffiginiakkallu assigiinngitsut peqataatinnissaat soqutigisarilluinnarukku atorfik una ilinnut piukkunnarpoq!

Uagut pilluta: 

KNR tusagassiorfiuvoq allanngorartoq ineriartorfiusorlu, nuna tamakkerlugu TV-kkut, radiukkut, WEB-ikkut aamma SoMe-kkut nutaarsiassanik, kulturimik aliikkutassianillu saqqummiussinissamik pingaarnertut suliassaqartoq. Sunniuteqarluartumik attaveqaqatigiinneq atorlugu angusanik pilersitsinissaq naleqalersitsinissarlu ukkatariniarlugit aalajangiunnikuuarput, attaveqaqatigiinnittalu siuarsaqqinnissaanut attaveqaqatigiinnermik sulialimmik tamanna pillugu ikiuuttussamik maanna pissarsiorluta. Februaarip aallaqqaataani 2025-mi imaluunniit isumaqatigiissuteqarnikkut atorfinitsitsisoqassaaq.

Suliassannut ilaapput:

• Suliffeqarfiup iluani avataanilu attaveqaatitsinnut allaaserisanik imarisassanillu suliaqarneq (nutaarsiassanik allaaserisat, inuit attaveqaqatigiittarfii, tusagassiorfinnut nalunaarutit, nittartagaq il.il.)
• Attaveqaqatigiinnikkut paasititsiniaanernik pilersaarusiorneq ingerlatsinerlu
• Suliffeqarfiup iluani attaveqaqatigiinnikkut sulisunullu paasissutissiisarnikkut aaqqissuussaanermut sullissineq, paasissutissat oqaluttuassartaannut tunuliaqutaasut ukkataralugit
• Attaveqaqatigiinnermut periusissiatta ineriartorteqqinnissaa suliffeqarfiullu iluani attaveqaatit akimorlugit oqariartuutinik ataqatigiilersitsineq – taamaaliornikkullu aaqqissuussaanermi ataqatigiilersitsinissaq qulakkeerlugu
• Atuisartutsinnut atassuteqarnitta attatiinnarnissaa annertusarnissaalu
• Attaveqaqatigiinnikkut ingerlatanik aamma angusanik misissueqqissaarneq malitseqartitsinerlu

Ujartugarput tassaavoq:

• Attaveqaqatigiinnerup, tusagassiornerup assingusulluunniit iluanni naleqquttumik ilinniagalik
• Attaveqaqatigiinnermik suliaqarnermik misilittagalik, allattariarsornikkut assitalersuisarnikkullu
• Nutaaliorsinnaasoq immikkuualuttunullu tappiffigisalik
• Inuit attaveqaqatigiittarfiinik aamma attaveqaatinik digitaliusunik suliaqarnermik sungiusimasalik
• Aaqqissuulluakkamik suleriaasilik, namminersorsinnaasoq piffissaliussaqartitaallunilu sulinermik nuannarisalik
• Saaffiginiakkanut tunngatillugu aammalu oqariartuutinik attaveqaatinut assigiinngitsunut naleqqussaanissamut paasisimasaqarluartoq
• Kalaallisut danskisullu allallaqqissoq oqallorissorlu

Neqeroorutigaagut:

• Aaqqissuussaanermi allanngorartumi ineriartornissamillu pingaartitsiffiusumi ulloq suliffiusoq soqutiginartoq allanngorartorlu
• Attaveqaqatigiinnermut periutsinik suliniutinillu assigiinngitsunik suliaqarnissamut periarfissaqarneq
• Suliatigut inuttullu ineriartornissamut periarfissat pitsaasut
• Sulinermi avatangiisit isumassarsiorfigineqarsinnaasut suleqatigiinnermillu pingaartitsiffiusut
• Sullivik sulinermi avatangiisit timikkut tarnikkullu pitsaasumik atugassaqarfiunissaannik aamma ineriartornartuunissaannik ukkataqarfiusoq.

Qinnuteqaat: 

Unammilligassaq piareersimaffigiviuk? Qinnuteqaatit CV ilanngullugu kingusinnerpaamik januaarip arfineq aappaani 2025-mi nassiutissavat. Oqaloqatiginninnerit ingerlaavartumik ingerlanneqartassapput, taamaattumik qinnuteqaatit sapinngisamik piaartumik nassiussinnaagukku iluassaaq.

Aningaasarsiatigut atorfinitsitaanermilu atugassarititaasut 

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Najugaq Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Attaveqarfissaq: 

Atorfik pillugu apeqqutissaqaruit HR-Partneri Mads Pedersen attaveqarfigisinnaavat, mailikkut: mpe@knr.gl imaluunniit pisortaaneq Annga Lynge mailikkut: aly@knr.gl