Atorfik inuttaqanngitsoq: Allaffimmiussarsiornermut ilinniartitaanermullu immikkoortortaqarfimmi sulisussarsiorneq
PI/SPS Perorsaanermik Ilinniarfik ilinniartunut sullissivimmi sullissinermik nuannarisalimmik kontorfuldmægtigissarsiorput. Atorfik Ilulissaniippoq, Ilulissat Kangerluanni UNESCOp nunarsuarmioqatigiinnut kingornussassarititaani, Kalaallit Nunaanni perorsaanermut ilinniarfiup kisiartaasup ataani suleqataassaatit.
PI/SPS pillugu
Perorsaanermut Ilinniarfiup Kalaallit Nunaat tamakkerlugu perorsaasunngorniat, socialassistentinngorniat, perorsaanermi ikiortit ulluuneranilu paaqqinnittarfinni ikiortit ilinniartittarpaat. Perorsaanerup iluani pikkorissarnerit ilinniaqqinnerillu neqeroorutigisarpavut, suliaqarfimmilu ineriartoqqinnissamut isumassarsiornissaannik ikiortarlugit. Ilinniagaqarfinnut assigiinngitsunut ilinniartut 300 sinneqartut aammalu ilinniarsimasunut ilinniarsimanngitsunullu siammasissumik pikkorissarnissamut neqerooruteqarnissamut Kalaallit Nunaanni ilinniarfeqarfinni qitiusutut inissisimavugut. Perorsaanermik Ilinniarfik 45 missaanniittunik sulisoqarpoq, taakkunannga ilinniartitsisut 20 missaanniillutik.
Pingaarnertut ilinniartut sullissivimmi suliassat:
Allaffissornikkut ilinniartunut siunnersuineq
Ilinniartut- ineqarfiinullu allaffissorneq
Attaveqaqatigiinneq, oqarasuaammik paarsineq, kopeerineq, matuersaatinik saltosunik isumaginninneq, ineqartut allattorsimaffiat aammalu toqqorsivimmut toqqortuineq
Nutserinerit annikitsut
Allaffissornermi suliassat nalinginnaasut
Ujartorparput
Kontorfuldmægtig ujartugarput tassaavoq:
Allaffissornikkut tulluuttumik misilittagalik
Atuisutut IT-mik ilisimasaqarluarnissaq
Aalajaatsoq, peqqissaartoq namminersorlunilu sulisinnaasoq
Ulapaarfimmi eqqissisimasinnaasoq, suliassanillu arlalinnik ataatsikkut suliaqarsinnaasoq
Kiffartuussilluarsinnaasoq, allaffissornikkullu suliassanik assigiinngisitaartunik suliaqarnissamut aalajaatsoq
Marluinnik oqaasilik
Qinnuteqarnissamut ingerlaasissaq
Qinnuteqaat, CV pappilissallu allat pisariaqartut onlinekkut qinnuteqarnikkut 21. november 2024 nallertinnagu nassiunneqassapput. Atorfiniffissaq 1. December 2024, isumaqatigiissuteqarnikkulluunnit siusinnerusukkut.
Inuk attaveqarfissaq:
Apeqqutissaqaruit ilinniartunut- ineqarfinnullu allaffiup suleqatigiissunut aqutsisuat Ellen Eisner Mathæussen attavigineqarsinnaavoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.