Ataatsimoorussanut Sullissinermi Fagchefi
Avannaata Kommuniani Ataatsimoorussanut Sullissinermi fagchefitut atorfik inuttarssarsiuunneqarpoq.
Uannga sulisussarsiorluni allagarsiussamik taannaasussaavutit kommunip sulisuminik inuttut piginnaasatigullu ineriartortitsinissamik anguniagaqarneranut siuttussarput, taamatullu sullissilluarnissamik pitsaassutsimillu isumannaarisussaq.
Ataatsimoorussanut Sullissinermi fagchefitut atorfimmut, 1. februar 2025 isumaqatigiissuteqarnikkulluunniit atorfinittussatut inuttassarsiorneqartumut qinnuteqarsinnaavutit.
Akisussaaffigisassavit ilagissavaat:
- Akissussaaffiup allaffissornikkut aqunneqarnera.
- Periusissianik kiisalu politikkissanik suliarinninneq.
- Politikkut allaffissornikkullu anguniagassatut najoqqutassatullu aaliangersakkat naapertorlugit suliniutinik ineriartortitsineq.
- Akisussaaffiup iluani suleriassissanik ineriartortitsineq.
- Politikkikkut aaliangikkat piusunngortinneqarnissaanik qulakkerinninnermut peqataaneq.
- Allaffissornikkut maleruagassat suleriusisallu atuutsinneqalernissaanut peqataaneq.
- Sulisussarsiorneq sulisooreersullu iliniarteqqinnerisigut, pisinnaasat pisariaqartitat pigineqarnissaanik qulakkeerinninneq.
- Suliniutinik aqutsineq, agguaaneq ataqatigiissaarinerlu.
Ujartugarput inuk ajornanngippat makkuninnga inuttut piginnaaneqarnissaa kissaatigaarput :
- Nammineersinnaassuseqarluartoq.
- Siunniunneqarsimasunik piviusunngortitsiniaasinnaassuseqarluartoq.
- Ineriartortitserusuttoq ataqatigiissaarinermillu misilittagalik.
- Inuk tamatigoortumik suleqatigiuminartoq.
- Attaveqarfigiuminartoq, suliffiup iluani avammullu kiinnertarnermi.
- Unammilligassanik suliaqarumasartoq.
Inuk ujartugarput, makkuninnga sulinerup tungaangigut piginnaasaqassasoq kissaatigaarput :
- Suliassaqarfiup iluani ilinniagaqarsimasoq.
- Nunatsinni pingaartumik avannaani inooriaatsimik, oqaatsinik kulturikkullu misilittagaqarlunilu ilisimasalik.
- Oqaatsit marluiit allattariarsornerlu atorlugit sullissisinnaassuseqartoq (Kalaallisut/Qallunaatut).
- Politikkikkut aqunneqartumi sulinermik misilittagaqarneq
- Sammisanut tunngasunik naammaginartumik nunatsinni inatsisinik atuuttunik ilisimasaqarnissaq.
- Aqutsinermik misilittagaqarneq piginnaaneqarnerlu.
- Kalaallit Nunaanni inatsisit suliassamut tunngasut atuuttut ilisimaqarfiginissaat.
Avannaata Kommuniani pisortaaneq qaninnertut pisortarissavat.
Akissaatit atorfeqarnermilu atugassarititaasut:
Isumaqatigiissut atuuttoq naapertorlugu atorfinititsisoqassaaq aamma akissarsiaqartitsisoqassaaq, aammmalu matumani atorfininnermi soraarnermilu angalaneq, pisattat assartorneqarnerat, pissapput atorfininnermi Naalakkersuisut Kattuffiullu isumaqatiginninniarsinnaatitaasup akornanni isumaqatigiissutit atuuttut aallaavigalugit.
Atorfimmut atatillugu inissaqartitsisoqarsinnaavoq, malittarisassat qaqugukkulluunniit atuuttut naapertorlugit qularnaveeqqummut illumullu akiliummik akilerneqartartussamik.Maluginiarneqassaaq inissamik tunineqarsinnaaneq sivisusinnaammat.
Nammaginartumik pinerlussimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.
Atorfimmut paasissutissat sukumiinerusut pineqarsinnaapput Pisortaaneq Nick Nielsen oqarasuaat: 38 76 05 e-mail-ikkulluunniit: nick@avannaata.gl attaveqarfigalugu.
Qinnuteqaat ilinniarsimanermut pappilissat, CV, oqaaseqaatit, paasiniaavigineqarsinnaasut il.il. ilanngullugit Sulisoqarnermut Immikkoortortaqarfimmut apuutereersimassapput kingusinnerpaamik 23 januar 2025
Qinnuteqarnissamut killissarititaasoq: januaarip 23.-at, 2025