Aserfallatsaaliinnermut aqutsisumik pissarsiorpoq taqarfimmi
Kommuneqarfik Sermersooq illuuterpassualik, kommune tamakkerlugu ataqatigiisakkamik aserfallatsaaliinermut aqutsisusasamik pissarsiorpoq.
Sulisussarsiorpugut, sanaartornermik ilisimasaqarluartumik attaveqatigiinnermilu piginnaaneqarluartumik, Attaveqatigiilluarnermi suleqatigiilluarnermilu suliat naammassisaqarluartarmata. Naliliillaqqissuuneq ajornartorsiutinillu pilertortumik aaqiissuteqapallassinnaasumik.
Suliffimmut akisussaaffilimmik ingerlatseqataasussaq aamma suliniutinik namminersorluni ingerlatsinissamut periarfissarsiortoq, ulluinnarnilu ingerlatsinissamik nammineq aaqissuusisinnaasoq suleqatit soqutiginnittut peqatigalugit, sulianut tunngasunik isumassioqatigiinissamut ingerlatseqatigiinissamut atugassarititaasullu pitsaasuunissaannut tapersersuisoq.
Aserfallatsaaliinermik ingerlassaqarfimmi Facility Management-mi inissisimassaaq.
Makkua suliassarivatit:
Atorfimmi pilersaarusiorneq piviusunngortinnissaatalu sulissutiginissaa suliarissavat. Allatut oqaatigalugu suliniutitit qanimut malittarissavatit.
Suliassatit makkuussapput:
∙Aserfallatsaalisassanik pilersaarusiorneq suliarineqarnissaasalu piviusunngortinnerat
∙Aserfallatsaaliinerit suliarineqarnerini aqutsineq siunnersuisartut sanaartortullu suleqatigalugit
∙Ingerlatani nakkutigisassanut isumaqatigiissiorneq, aningaasaqarnermilu annikinnerusumik ingerlatsineq
Qinnuteqartunut naatsorsuutigisat:
∙Bygningskonstruktør-tut, ingeniøritut assingusumilluunniit ilinniarsimassasutit
∙Sanaartornermut naatsorsuinermullu tunngasut paasisimasaqarfigilluaritit
∙Qarasaasiamik, pingaartumillu Office-mik atuisinnaasutit
∙Ukiuni arlalinni misilittagaqartutit, -ilinniakkamik naammasserlaatut atorfimmut qinnuteqarnissat aamma kaammattuutigineqarpoq
Inuttut ammasuullutit attavigiuminartuullutit suleqatikkuminartuullutillu
Pingaartipparputtaaq:
∙Ataatsikkut arlalinnik suliaqarsinnaassuseqarneq
∙Allattariarsornikkut oqaatsitigullu ersarissumik attaveqarluarsinnaasutit
∙Namminersullaqqillutit, saaffigiuminarlutit, tunniusimallutit akisussaaffeqartuullutillu
∙Suliassanut naleqqussarsinnaassuseqarlutit
∙Suliassat ingerlanneqarnerini ingerlaavartumik ineriartortitsinermut pitsanngorsaanermullu suleqataasinnaallutit
∙Kalaallisut qallunaatullu oqaaseqarneq, piumasaqaataanngilarli
Tamatuma saniatigut ulluinnarni naatsorsuusaariingikkaluartunik pisoqarsinnaasarnera ullullu ingerlanerani assigiinngitsunik suliaqartarsinnaaneq piareersimaffigissavat. Ataqatigiissaarisinnaaneq pilersaarutillu assigiinngitsut akuleriiaarnneqarsinnaanerat piareersimaffigalugu
Uagut neqeroorutigaavut:
∙Ingerlatsivik ineriartortuartoq
∙Immikkoortortaqarfik pissanganartunik allanngorartunillu suliassartalik
∙Immikkoortortaqarfik avatangiiserissoq suleqatillu sulerusussuseqarluartut
∙Immikkoortortaqarfik ulluinnarni sulinermut sunniuteqaqataasoq
Atorfik ineriartorfissatigut pitsaasunik periarfissaqarpoq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Edvardt Gedionsen, oqarasuaat +299 36 74 07 imaluunniit e-mail: edge@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1215-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 13.-at, 2024