Aqutsisoqarnermi allatseqarfik immikkoortortami pisortassarsiorpoq

Aqutsisoqarfiup allatseqarfia suliffiuvoq kajuminnartoq sulinermik ilisimasaqarluartunut suliffik, tamaani qaffasissumik angusaqarnissaq anguniarneqartuartuuvoq. Aqutsisoqarfiup allatseqarfiani suliassat allanngorartuupput aamma ilisimasatigut unammillernartuupput, ilaannikkut suliassat nukingernartut piffissakilluni suliassaasarput, suliatigut qajannaatsumik inatsisitigullu aamma aningaasaqarnikkut tunngavissaqarluartumi. Qaqutiguinnaq ullut marluk imminnut assingusinnaasarput.

Aqutsisoqarfiup allatseqarfiani naalakkersuisoqarfiup ataasiusup immikkoortortaata aapparivaa meeqqanut inuusuttunullu naalakkersuisoqarfik, tassani meeqqanut inuusuttunullu inunnullu innarluutilinnut tunngasut suliassat aallutarivai kiisalu ataani inissisimavoq Isumaginninnermi Aqutsisoqarfik.

Immikkoortortaqarfik 10-inik sulisoqarpoq, aamma naalakkersuisoqarfimmi sulisorisat tassaniipput. Immikkoortortaqarfimmi suliassat assigiinngisitaarput, suleqatigiinneq, ataqatigiissaarineq aamma naalakkersuisoqarfimmut Naalakkersuisumullu saaffiginnittunut sullissineq, Naalakkersuisunit Inatsisartunillu suliat, allakkat, tusarniaanerit, sulianik kukkunersiuinerit, toqqorsiviliartussat, pilersinniakkanik aqutsineq, suliassat ineriartortitassat tassaniippoq workshops, kukkunersiuineq, tusagassiutinut tunngasut (imaluunniit attaveqaqatigiinneq) toqqorsiviliartussanik suliaqarneq, HR aamma pilersaarusianik aqutsineq aamma sulianik ineriartortitsinerit ass., politikikkut workshopsertitsineq, inuiaqatigiinni meeqqanut, inuusuttunullu innarluutilinnullu suliaqartunut paasisassarsioqatigiisitsinerit. Aqutsisoqarfimmi allatseqarfiup aammattaaq aningaasaqarneq, inatsisit, aamma nunat avannarliit suleqatigiit akisussaaffigai.

Aqutsisoqarfiup allatseqarfiani pingaarnertut taakkua saniatigut politikerinik sullissineq tigummisariavai aammattaaq naallakkersuisoqarfiup qullersaasa allatseqarfiullu ingerlanneqarnera akisussaaffigai.

Akisusssaaffitit

• Aqutsisoqarfimmi allatseqarfiup sulisut qulit aqutarai ineriartortillugillu.
• Pitsaassutsip qulakkeerneqarnissaa Aqutsisoqarnermullu allatseqarfimmut Inatsisartut ataatsimiinnerini ataqatigiissaarinermut ingerlateqqinneqarnera kiisalu naalakkersuisoqarfiup suliaasa Naalakkersuisumut Inatsisartunullu ingerlateqqinneqarnissaat.
• Naalakkersuisoq, Naalakkersuisut aamma Inatsisartunut suliat malitseqartinneqarnissaat ataqatigiissaarneqarnissaallu akisussaaffigalugu.
• Naalakkersuisoqarfiup suliaasa ataqatigiissaarneqarnerini qitiusumik sulineq isumagissavat aamma Naalakkersuisoq sullillugu, naalakkersuisoqarfimmi sulisut allat qanimut suleqatigalugit.
• Attaveqaqatigiinneq pitsaasoq qulakkeerlugu, suleqatigiinneq kiisalu soqutigisalinnut aaqqissuussaanermi sulisut assigiinngitsut aammalu avataani suliallit peqataatillugit.
• Missingersuutinut akisussaaneq aammalu naalakkersuisoqarfimmi aningaasaqarnikkut ataqatigiissaarineq qulakkeerlugu.

Suliassat assigiinngitsuupput oqaatsit- suliallillu tamaasa suleqatigisinnaanissaannik piumasaqaataavoq kiisalu nammineq suliassat pilersaarutillu pillugit akisussaaffimmik tigusinnaaneq. Atorfimmi piumasaqaataavoq pineqartut sammineqartut piaartumik iserfigisinnaanissai, aamma ulapaarfiup nalaani suliassat annertunerusinnaasartut paarlakaajaattunillu suliffimmi taama aaqqissuussami ajunngitsumik inooqataaffigisinnaanissai.

Taamaattumik akisussaassutsimik pigisaqarnissaq suleqateqarnissamullu piareersimasuussaatit. Politikikkut aaqqissuussami aqunneqartumilu sulinissaq soqutigisarissavat, tassa tunniussinissamut piffissaq sivikissinnaasarpoq kiisalu nukingernartunik suliffiusarluni. Tusarliussassat nalunaarutigineqarnissaat pikkoriffigissavat, oqaluttariarsornikkut allattariarsornikkullu, aamma suut imminnut ataqatigiinneri paasiuminaassinnaasut paasisimasaqarfiginissaat piginnaaneqarfigissavatit.

Meeqqanut inuusuttunullu Naalakkersuisoqarfik immikkoortunut marlunnut avissimasoq 15 -inik sulisoqarpoq, pineqartup iluani meeqqat inuusuttunullu pissutsinut nakussassaavugut politikikkullu anguniakkat piviusunngornissaat sulissutigisarlutigit.

Naalakkersuisoqarfimmi suliassanut ilaapput ass. politikikkut tunngasunik oqaaseqaatiliortarnissaq, nalunaarusianik il.il. kiisalu pilersaarutinik pingaarnertut iliusissanik, meeqqanut, inuusuttunut innarluutilinnullu iliusissatut pilersaarutinik suliaqartarneq .

Illit inuttut

• Ilinniagaq: Ingerlaqqittumik ilinniagaqarsimanissat aammalu ukiuni arlalinni allaffissornermik misilittagaqarnissat, pisortani imaluunniit namminersortuni sulisimaninni.
• Aqutsinermik misilittagaqarneq: Aqutsinermik (apeqquserneqarsinnaanngitsumik) misilittagaqarluartuuneq aammalu suliffik pitsaasumik angusaqarfiulluartoq pilersissinnaassavat, ilutigalugulu suna tamaat eqqumaffigisassaq eqqumaffigalugu ulluinnarni ulapaarfiusuni.
• Suliamik paasisimasaqarluarneq: Pineqartumut pitsaasumik kalaallinut tunngasutigut paasisimasaqarluartuunissat, sulisoqarfinnit assigiinngitsunit sulianik katitikkanullu misilittagaqarneq.
• Attaveqaqatigiinneq: Allattariarsornermi oqaluttariarsornikkullu attaveqatigiinnermi piginnaasat qaffasittuussapput suullu ataqatigiit oqaatiginissaat ersarissumik eqqortumillu politikikkut aaliangiisartunut suliatigullu suleqatinut ingerlateqqinnissaat pikkoriffigissavatit.
• Suleqatigiinneq sunniuteqarsinnaanerillu: Ammasuussaatit, suleqateqarsinnaasoq suliallit assigiinngitsunik attuumassuteqarfigisinnaallugit killiffiillu apeqqutaatinnagit.
• Kulturimik paasinninneq: Kalaallinut tunngasunik ilisimasaqarneq aamma oqaatsitigut piginnaasaqarnissaq, qallunaatut, tuluttullu iluaqutaassapput.

Neqeroorutigisinnaavarput

• Politikikkut aaliangiinermik suliaqartut pissanganartut unamminartullu qanimut suliffigissallugit, suliffik uummaarissoq angusaqarniarfiusorlu tassani illit aamma inuttut malunnartissinnaasat.
• Misilittagalinnik ingerlalluartunik aqutsisunut suleqatigiinnik suleqatigiit ataatsimooqatigiilluartut.
• Inuttut suliatigut aqutsinikkullu ineriartornissaq periarfissaavoq.
• Suliffik tatiginneqatigiiffiusoq, ataqqeqatigiiffiusoq, annertuumillu ilorrisimaarfiusoq.

Saniatigut paasissutissat

Atorfik pillugu annertunerusumik paasisaqarnerorusukkuit Naalakkersuisoqarfimmi pisortamut attaveqassaatit: Heidi Lindholm oqarasuaat: 345001 imaluunniit e-mail heli@nanoq.gl .

Atorfiniffissaq ulloq 1. marts 2025 imaluunniit isumaqatigiissuteqarnikkut piaartumik.

Atorfinitsitsinermut tunngatillugu oqaloqatiginninnerit naatsorsuutigineqarpoq ingerlanneqassasut, ingerlaavartumik.

Suli annertunerusumik paasissutissanik perusukkuit Namminersorlutik Oqartussanut aasinnaavatit Naalakkersuisut nittartagaani www.naalakkersuisut.gl

Akissarsiat atorfininnermilu atugassarititaasut

Atorfik massakkut aaliangersimasumik inissisimavoq LR 38 -imi.

Akissarsiat aaliangersimasumillu ilanngussat LR 38 -imiippoq ulloq. 1. april 2022 qaammammut 56.910 kr. Ukiumut 682.930 kr. Aqutsisutut nutaamik isumaqatigiissuteqarneq isumaqatigiissusiorneqalerpoq naatsorsuutigineqarporlu piaartumik naammassineqarnissaa.

Isumaqatigiissutit naapertorlugit aallaqqaammut atorfinitsitsineq pissaaq, kisianni qinnuteqartoq tjenestemandioreersimasuussaaq tjenestemanditut atorfeqarnermi Kalaallit Nunaanni tjenestemandinut inatsisit naapertorlugit, tjenestemanditut atugassarititaasut naapertorlugit atorfinitsitsisoqarsinnaavoq.

Sapaatip akunneranut suliffissaq akunnerit 40-put.

Atorfimmut atuuppoq atorfeqarnissap sivisussusissaa aaliangiiffigineqarsimanngilaq aamma suliaqarnerunermut ajunngitsorsiassaq aaliangersarneqarsimanngilaq, nalliuttuni sulinngiffeqarsimanermut ajunngitsorsiassat ilanngunneqanngillat. 

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissutaasut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk