Aqqusinermi ujartuillutik angalaartartunut Immikkoortortami Aqutsisoq
Suliffeqarnermut Isumaginninnermullu Ingerlatsivimmi Aqqusinermi ujartuillutik angalaartartunut Immikkoortortami Aqutsisoq
Aqqusinermi ujartuilluni angalaartutut suuppat?
Aqqusinermi ujartuilluni angalaartartut Kommuneqarfik Sermersuumi immikkoortortaapput tamakkiisumik isiginnittaaseqarluni angerlarsimaffeqanngitsuunermik pinaveersaartitsinermik aamma inuiaqatigiinni innuttaasut atugarliornerpaat tapersersorneqarnerannik suliaqartut. Inooqatigiinnermi pissusilersuutissanik sungiusarneq, attaveqarnermik suliaqarneq aamma oqartussaaffeqarfinnut naapertuuttunut atassuteqalernissamut ikiuunnikkut Aqqusinermi ujartuilluni angalaartartut innuttaasut aalaakkaanerusumik ulluinnaqalernissaannut ikiuunnissamik anguniagaqartuupput. Suleqatigiit Nuummi aqqusinerni ujartuinermik suliaqartuupput, aamma angerlarsimaffeqanngitsunut unnuisarfimmi najugaqarnermi sungiusaanermik innuttaasullu namminneq angerlarsimaffimminni najugaqarnissaannut sungiusarnermik ingerlatsisuullutik. Aqqusinermi ujartuilluni angalaartartut suliassaqarfinnit allanit suleqatigisat qanimut suleqatigalugit suliniutinik ataqatigiissaakkanik qulakkeeriniartuupput.
Aqqusinermi ujartuilluni angalaartartunut suliassanut ataqatigiissaarisutut illit aqutsisutut atuuffeqassaatit qulakkiissallugit suleqatigiit suliniutaat ajunngitsumik, ataqatigiissumik aamma kommunip angerlarsimaffeqanngitsuunermut pilersaarutaanut naapertuuttumik ingerlanneqarnerat. Suleqatigiit kajumissuseqarluartut suleqatigissavatit aamma innuttaasut inooqatigiinnikkut atugarliuteqartut atugaasa pitsanngorsarnissaat siunertaralugu avataani suleqatigisat.
Suliassat:
Suliassamut aamma aqutsisutut siunnersuinermut akisussaasuussaatit kiisalu suleqatigiinni sulisut ilitsersuunneqarnerannik maligassaannillu ilinniartinneqarnerannut akisussaasuullutit, taakkununnga ilanngullugit aqqusinermi suliassanik ujartuinermik aamma angerlarsimaffeqanngitsut unnuisarfiini sulisut.
Aqutsisutut suliassat: Aqqutissiuussineq, ilitsersuineq, suliniutinik ataqatigiissaarineq, suliassanik malittarinninneq, aningaasaqarnermik malittarinninneq, isumassuinermik oqaloqatiginninnernik ingerlatsineq, napparsimalluni sulinngitsoortartunik oqaloqatiginninnerit, Sulisoqarnermut Sullissivimmik attaveqarneq aamma piffissamik nalunaarsuinerit nakkutilliiffigineqarnerat.
Najugaqarnermik sungiusarfittut neqeroorummik ineriartortitsineq: Angerlarsimaffeqanngitsunik najugaqarnermik sungiusarnermik ingerlatsinermik ataqatigiissaarineq najugaqarnermik sungiusarfittut neqeroorummi aamma nammineq angerlarsimaffimmi najugaqarnermik sungiusarneq, tassunga ilanngullugu Uummateqarfimmi suliniutit, innuttaasut avatangiisini ilumoorsaarfiunngitsuni tapersersorneqarnermik pissarsiffigisartagaani.
Ujartuilluni sulineq: Aqqusinermi ujartuilluni angalaartartut illoqarfiup immikkoortuini atugarliorfiusuniillutik suliniuteqarnissaat aamma pinaveersaartitsinermik suliniutinik ingerlatsinissaat qulakkeerlugu.
Suliassaqarfiit akornanni suleqatigiinneq: Avataani suliallit soorlu politiit, peqqinnissaqarfik, inissiaatileqatigiiffiit aamma NGO-t suleqatigineqarnerannik ataqatigiissaarineq kiisalu suliffeqarfimmi namminermi immikkoortortanik oqartussaaffeqarfinnillu allanik suleqateqarneq.
Ineriartorneq aamma malittarinninneq: Suliat suliniutillu nutaat ineriartortinnerannut tapertaaneq innuttaasut namminneq inigisaminni aalaakkaasumik inuuneqalernissaat tapersersorumallugit.
Allaffissornikkut suliassat: Uppernarsaanermik qulakkeerinninneq, nalunaarusiorneq aamma suleqatigiit suliniutaasa pitsaassusissaannik qulakkeerineq, tassunga ilanngullugit innuttaasunut iliuusissatut pilersaarutit.
Suleqatissarput tassaassaaq:
·Naapertuuttumik ilinniagaqarputit, soorlu aqutsisutut ilinniagaq, inunnik isumaginninnermik ilinniagaq, perorsaasutut assingusumilluunniit ilinniagaqarlutit
·Isumaginninnermik suliaqarnermit aamma angerlarsimaffeqanngitsunut suliniutinik misilittagalik, ajornanngippat aqutsisutut misilittagaqarlutit
·Inunnik atugarliortunik pissutsini unammillernarsinnaasuni aamma siumungaaq naatsorsuutigineqarsinnaanngitsuni sulisinnaavutit tatituujullutillu
·Attaveqaqatigiinnermi piginnaaneqarluarputit aamma innuttaasunut soorluttaaq suleqatigisanut pitsaasumik attaveqarsinnaavutit
·Suleqatigiinnik aqutsinermik, aaqqissuussinermik ineriartortitsineq aamma pitsaasumik malittarinninnermut misilittagaqarputit
·Kalaallisut danskisullu nangaassuteqarnak oqalussinnaavutit allassinnaallutillu aamma tuluit oqaasiinik atugaqarsinnaavutit
·Suliassannut aaqqissuussaasumik periaaseqarputit kiisalu suliniutit uppernarsartarnerannut misilittagaqarlutit
·Minnerpaamik kalaallisut qallunaatullu oqalussinnaanerit assut iluaqutaassaaq
Neqeroorutigaagut:
·Suliffeqarfik pissanganartoq qaqugukkulluunniit ineriartortoq aamma illit iliuuserineqartunut annertuumik sunniuteqarsinnaavutit
·Suleqatigiit tunniusimasut pikkorissut, pitsaassutsimik pitsaasumik ineriartornissamillu angusaqarusuttut
·Suleriaatsitsinnik najoqqutassatsinnillu ilinniartinneqarneq
·Sullisit aamma suliffik pitsaasoq sullivimmilu avatangiisit toqqissisimanartut qulakkeerneqarnissaannut pingaartitsineq
·Suliamik ingerlatsineq ineriartortikkumallugu eqimattat supervisionimik ingerlatsiffigineqarnerat
·Atorfiniffissaq: Januarip aallaqqaataat isumaqatigiissuteqarnikkulluunniit
·Akunnerit suliffiit: Sapaatip akunneranut 40 tiimit
·Suliffiup sumi inissisimanera: Nuuk
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Kontorchef René Kvist, oqarasuaat +299 36 81 25 imaluunniit e-mail: renk@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1146-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 26.-at, 2024