Aningaasaqarnermut/Allaffissornermut Immikkoortortami aqutsisoq
Naalagaaffinngornissamut Nunanullu allanut Naalakkersuisoqarfimmi Aningaasaqarnermut/Allaffissornermut immikkoortumi aqutsisoq.
Nunanut allanut Naalakkersuisoqarfik misilittagalimmik nammineersinnaasumillu aningaasaqarnermi/allaffissornermi suliassanik ingerlatsisinnaasumik suleqatissarsiorpoq.
Naalagaaffinngornissamut Nunanullu allanut Naalakkersuisoqarfik pillugu Naalagaaffinngornissamut Nunanullu allanut Naalakkersuisoqarfiup Namminersorlutik Oqartussat nunarsuarmioqatigiinnut attaveqarnerit siunnersuinerillu ataqatigiissarneri ingerlattarpaat, taassuma ataaniillutik illersornissamut isumannaatsuunissamullu politikki, illuatungeriilluni suleqatigiinneq, inuiaat akornanni kattuffiit aammalu nunanut allanut politikki. Naalakkersuisoqarfik ukunannga immikkoortortaqarfeqarpoq; Nunanut allanut, Naalagaaffinngornissamut, Ilisimatusarnermik aammalu aningaasaqarneq/allaffissornermut immikkoortortaqarfik Nuummiittut, aammalu sinniisoqarfiit Bruxelles, Washington D.C., Reykjavik aamma Beijing. Katillugit 30 missaani sulisoqarpoq.
Suliassat Naalagaaffinngornissamut Nunanullu allanut Naalakkersuisoqarfimmi aqutsisut peqatigalugit ilaatigut suliassat makku suliarineqassapput:
- Konteriineq, naatsorsuutinik allattuineq, IRIS-imi akiligassat nuutassallu isumagineri
- Angalanermut ullormusianullu aningaasartuutit suliarineri
- Angalanissanut inniminniinerit
- Ullunut 14-ikkaarlugit aningaasarsisitsineq
- Pigisat aserfallatsaalineri nutarnerilu, naatsorsuusiornermi ilitsersuut naatsorsuusiornermilu isumaqatigiissutit
- Kontit naligiisinneri – aamma sinniisoqarfiit suleqatigeqqissaarlugit
- Isertitat atortitat, akiligassat akiliisussallu naligiisinneri
- Aqutsisoqatigiinnut naatsorsuutit missingersuutillu pillugit ilisimatitsineq
- Annikinnerusumik sulisoqarneq pillugu suliaqarneq aammalu Sulisoqarnermut pisortaqarfimmut attaveqaataaneq
- DcR-imut Namminersorlutik Oqartussanilu suliaqarfinnut allanut attaveqarneq
- Allaffeqarfimmut atugassanik annertunerusunik annikinnerusunilluunnit niuerniarneq
Piginnaasat, naatsorsuutigaarput:
- Aningaasaqarnermut/allaffissornermut suliassamut naleqquttumik ilinniagaqarsimaneq
- Namminersorluni sulisinnaaneq nammineerlunilu paasissutissanik pissarsiniarsinnaaneq
- Suliassanut assingusunik misilittagaqarneq
- IT ingerlaasiinut ilisimasaqarluarneq, atornissaanut misilittagaqarneq, ajornanngippallu Prismemik aningaasaqarnermut aqutsissummik ilisimasaqarneq
- Suliffimmut paarsilluarneq peqqissaarnerlu
- Kalaallisut, danskisut tuluttullu atuisinnaaneq
- Ulluinnarni suliat allanngorarsinnaanerinut allannguinissamut piareersimaneq
Neqeroorutigaarput:
- Sullivimmi avatangiisit pitsaasut pissanganartullu
- Suliassanut inuttullu ineriartorneq
- Suliassat pissanganartut amerlasuut, aaqqiissuteqarnissamut peqataaffigisinnaasatit
- Atorfiup malunnaateqarluarnissaanut periarfissaq annertooq
Ulloq atorfiniffissaq: 1. november 2024 isumaqatigiissuteqarnikkulluunnit.
Paasissutissat annertunerusut Apeqqutissaqaruit Naalakkersuisoqarfiup pisortaa attaviginissaanut tikilluaqqusaavutit Mininnguaq Kleist oqarasuaat 34 50 00, mail nap@nanoq.gl.
Qinnuteqaat kingusinnerpaamik tunniunneqariissaaq ulloq oktobarip 9-ani 2024.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job