Aningaasaqarnermut siunnersorti Aningaasaqarnermut, Aqutsinermut HR-imullu immikkoortortaqarfimmut
Aalisarnermut Piniarnermullu Naalakkersuisoqarfiup Kalaallit Nunaanni pisuussutit uumassusillit isumagisarai, soorlu aalisarneq, piniarneq, tapiissutinut tunngasut, aalisarnermik piniarnermillu nakkutilliineq kiisalu uumasunik inuussutissanillu nakkutilliineq. Suliassaqarfiillu politikkikkut eqqummaariffigineqartorujussuupput, ilaatigut isumaqatigiiginnarfiunngitsumik.
Aningaasaqarnermut allaffissornermut, sulisunullu immikkoortortaqarfik tallimanik sulisoqarpoq ilinniartullu pingasut kiisalu immikkoortortaqarfiup pisortaanik sulisoqarluni. Naalakkersuisoqarfimmi Immikkoortortaqarfiup pigaarnertut suliassarai naatsorsuutinut- aamma sulisoqarnermut tunngasut.
Aalisarnermut Piniarnermullu Naalakkersuisoqarfimmi saniatigut tallimanik immikkoortortaqarpoq.
Atorfimmut tunngasut.
Suliassatut pingaarnertut suliassarivaa naalakkersuisoqarfiup naatsorsuuserinermi suliassai, soorlu akiligassanik akilersuineq, akiligassanik innersuussineq, Namminersornerullutik Oqartussat naatsorsuutinut malittarisassaat malillugit assigiinngitsunik naatsorsuuserinermut tunngasunik suliaqarneq.
Sulisussap ilaatigut suliarisinnaavai soorlu sulisunut tunngasut.
Naalakkersuisut Inatsisartullu naalakkersuinikkut anguniagassatut siunniussimasaat aalajangersimasaallu tamakkiisut naapertorlugit aningaasaqarnermut tunngatillugu pilersaarusiortarneq aalajangersimasunillu suliniuteqartarnissaq atorfinittussap isumagissavai.
Missingersuutinik- naatsorsuutinillu malitseqartitsisarnertigut suliassat suliarisassavatit, tassunga ilanngullugu aningaasanut inatsisissatut siunnersuummut ilanngussassanik suleqataasarneq naalakkersuisoqarfiup immikkoortortaqarfii ataasiakkaat qanimut suleqatigalugit.
Suliassat
Naatsorsuuserivik
Nalimmassaaneq
Aningaasaqarnermik aqutsineq
Missingersuutinik- naatsorsuutinillu malitseqartitsineq
Akileeqqusissutit
Akissarsianik nalimmassaanerit
Naatsorsueqqissaarutinik suliarinnittarneq kiisalu oqarasuaatikkut atuinernut naatsorsuineq.
Aningaasanut inatsisissatut siunnersuummut ilanngussassanik suleqataasarneq, malitseqatitsinerlu
Piginnaasat
Naatsorsuutigaarput:
Niuernikkut allaffimmiutut attuumassutilimmik ilinniagaqarsimasutit, soorlu assersuutigalugu AU-Niuernerup aningaasaqarnermillu ilinniarsimanissaq, EVU, imaluunniit taaneqartunut assingusumik ilinniagaqarsimanissaq
Atorfimmik assingusumik misilittagaqarsimanissaq
Namminersorlutik Oqartussani suleriaatsit, maleruagassat sakkullu ilisimasaqarfigigitit.
Nammineerlutit aaqqissuulluakkamik anguniakkanillu aalajangiussisimalluartuullutit sulisinnaasutit.
Suliassanik siuariartortitsinissamut akisussaaffeqarnissamut aamma suliassat suliarineranni pitsaasumik qulakkeerinninnissamut piareersimassasutit.
Pitsaasumik attaveqalersitsisinnaassuseqartutit, sulisinnaassuseqarluarlutit sunniuteqaqataasinnaalluartutillu.
Kalaallisut qallunaatullu allattarissanik oqaluinnarlutillu erseqqissuliorsinnaasutit.
Suleqatigiuminartuusutit
Sulinermut suleqatinnullu tamatigoortumik isummersinnaasutit.
Pitsaanerpaajussaaq, Namminersorlutik Oqartussani naatsorsuuserinermut/aningaasanut aqutsinermut atorneqartartut ilisimagukkit, soorlu IRIS aamma ledelsesinfo.
Sulilerfissaq 1. januar 2025 imaluunniit isumaqatigiissuteqarnikkut.
Attavigisassat/ilisimatitsissutit:
Atorfik pillugu sukumiinerusunik paasisaqarusukkuit, tikilluaqquneqarput attavigissallugu Johanne Jeremiassen oqarasuaat + 299 34 53 49 imaluunniit mail: jjer@nanoq.gl.
Namminersorlutik Oqartussat pillugit paasisaqarnerorusukkuit paasissutissat allat www.nanoq.gl -imi, Atorfiit ataani atuarsinnaavatit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.