Aningaasaqarnermut nakkutilliinermullu sulisussarsiorneq.
Namminersorlutik Oqartussani Ingerlatsinermut Aserfallatsaaliinermullu immikkoortortaqarfimmi aningaasaqarnermut nakkutilliinermullu sulisussarsiorneq.
Aningaasaqarnermik naatsorsuusiornermik suliaqarnissamik soqutigisaqarpit, eqqiaanermi, aputaajaanermi kalerrisaarinermilu isumaqatigiissutinik nakkutiginninnissamik qulakkeerinninnissamillu suliaqarusuppit? - taava illiuvutit, sulisorissallugu ujagarput.
Ingerlatsinermik Aserfallatsaaliinermullu imikkoortortaqarfiup Nuummi Namminersorlutik Oqartussat illuutaanik kiisalu Namminersorlutik Oqartussat kantiinanik ingerlatsineq aserfallatsaaliinerlu akisussaaffigaat, tassanilu ineriartortitseqataasussamik ingerlatsinermillu qulakkeerinnittussamik sulisussarsiorpugut. Allaffik Namminersorlutik Oqartussat suliassaqarfiit akimorlugit aningaasaqarnikkut ingerlatsinikkuttaaq pilersuisunik atuisunillu attaveqaateqartitsisuuvoq.
Atorfik pillugu
Ulluinnarni allaffiup ingerlatsinermi aningaasartuutai kantiinallu kaaviiaartitai naatsorsuusiornissai akisussaaffigissavatit. Ingerlatsinermuttaaq isumaqatigiissuteqarfigisanik ulluinnarni attaveqaqateqarneq, misissuineq nakkutilliinerlu akisussaaffigissavat. Pilersuisut atuisullu akornanni attaveqaataanissat, taamaattumik qaffasissumik kiffartuussisinnaanissat naatsorsuutigaarput.
Atorfik ilaatigut tulleriinnik makkununnga tunngasunik imaqarpoq:
- Ulluinnarni allaffimmi aningaasaqarnermi kantiinamilu kaaviiaartitanik naatsorsuusiorneq.
- Ingerlatsinermut suliassanut attuumassuteqartunik aningaasaqarnermut kisitsisit naatsorsuutillu.
- Ataavartumik ingerlatsinermi aningaasartuutit missingersuusiornerinik nakkutilliineq.
- Ulluinnarni isumaqatigiissutinik ingerlatsinermik qulakkeerinninneq, tamatumunnga eqqiaanermi nakkutilliineq pitsaassutsimillu qulakkeerinninneq.
- Allaffeqarfimmi suliariumannittussarsiornermut inatsisileritooq suleqatigalugu suliariumannittussarsiornermut allakkianik suliaqarnermi ingerlatsinermut ilisimasanik tunniussaqarneq.
- Namminersorlutik Oqartussat pilersuisuinik attaveqarnermik oqaloqateqarnermillu ingerlatsineq matumani nalunaarutinik il.il.
- Feeriami napparsimasoqarneranilu avitseqataasinnaaneq.
Uagut neqeroorutigaagut
Allaffimmi pissanganartunik suliassalimmi suliallu eqqarsaatigalugit unammilligassaqarfiulluartumi suliffeqarnissat, ulluinnarnilu sulianik ingerlatsisarnermut sunniuteqarnissamut periarfissaqartumi. Allaffiup pisortaata ataani sulissaatit, allaffimmili suleqatit allat aamma qanimut suleqatigissavatit, soorluttaaq suliarinnittussarsiornermut inatsisileritooq sulianut attuumassuteqartuni suleqatigisassagit. Allaffik Aningaasaqarnermut Sulisoqarnermullu Aqutsisoqarfimmi inissisimavoq, Aningaasaqarnermut Akileraartarnermullu Naalakkersuisoqarfiup ataaniittuulluni.
Suleqatigiinneq inussiarnersumik ingerlasoq, ulluinnarnilu ulapaarfioqisumi sulineq qiimasumik ingerlanneqartoq, aammali ulluinnarni sulinerup ilaqutaqarnerullu imminnut ataqatigiinneranik ataqqinniffiusoq. Allaffimmi pisortaqarpoq qulinillu sulisoqarluni, taakkunani Namminersorlutik Oqartussap kantiinaani tallimat sulisuullutik.
Sulineq sapaatip akunneranut akunnernik 40-nik sivisussuseqarpoq.
Atorfiniffissaq ulloq 1.januar 2025 isumaqatigiissuteqarnikkulluunniit
Ilinnut tunngasut
Qiimasumik attaveqaqatigiittarnernut periuseqarputit suliffiullu iluani avataaniillu soqutiginnittunik kinguneqartussamik oqaloqateqarsinnaallutit. Inuttut kiffartuusserusussuseqarputit, annikitsualunnik takunnissinnaassuseqarputit, aaqqissuussillaqqillutit, ataqatigiissaarillaqqissuullutit, ajornartorsiutinik aaqqiisinnaallutit, nammineerlutit aallartitsisinnaassuseqartutit sulianillu namminersorsinnaassuseqarlutit. Aamma Kalaallisut, danskisut tuluttullu oqalunnikkut allattariarsornikkullu oqaaseqatigiiliullaqqissuuvutit.. Tamatuma saniatigut qarasaasialerinermi misilittagaqartutit soqutiginnittutillu, aningaasatigullu aqutsinermi IRIS aamma Excel misilittagaqarfigigitit. Inuinnaat biiliinnut kørekorteqartariaqarputit (kategori B)
Naleqquttumik ilinniarsimanissat, assersuutigalugu NI-mi ilinniagaqarlutit imaluunniit allaffissornermut attuumassutilimmik allaffissornermut aningaasaqarnermullu tunngasumi ilinniagaqarsimassallutit, ajornanngippallu ukiuni arlalinni misilittagaqarnissat, tamannali piumasaqaataanngilaq.
Akissarsianut atorfinitsitaanermullu tunngasut Akissarsiat atorfinitsitaanermilu atugassarititaasut, taakkununnga ilaallutik atorfininnermi soraarnermilu angalasinnaanermut kiisalu pisattat nassiunneqarneranni aalajangersakkat aallaavigalugit Kalaallit Nunaanni Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.
Ineqarneq Atorfimmut atatillugu sulisunut inissiamik innersuussisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni.
Attaveqarneq qinnuteqarnerlu
Atorfik pillugu apeqqutissaqaruit, tikilluaqquneqarputit attavigissallugu allaffeqarfimmi pisortaq Ella Lynge ugguuna +299 34 66 65 imaluunniit ely@nanoq.gl. Kalaallit Nunaanni Namminersorlutik Oqartussat pillugit paasissutissat nalinginnaasut pissarsiarineqarsinnaapput nittartakkakkut www.naalakkersuisut.gl.
Qinnuteqaat nalunaaqutserneqassaaq ”Illuuteqarnermi immikkoortortamut sulisoq”, ilanngunneqassappullu CV, ilinniarsimanermut uppernarsaat, kiisalu ilanngussassat suliffimmut attuumassuteqartut allat.
Qinnuteqarnissamut killiliunneqarpoq xxulloq, 08 decembari 2024imi. Atorfik ugguuna qinnutigineqassaaq: http://www.naalakkersuisut.gl/da/Naalakkersuisut/Job/Atorfiit inuttassarsiukkat
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job