Aningaasaqarnermut Akileraartarnermullu Naalakkersuisoqarfiup Aningaasaqarnermik Pilersaarusiornermut Immikkoortortaqarfianut pisortassarsiorpugut
Aningaasaqarnermik ilinniagartuujuit pikkorissoq, pilersaarusiornerlu aamma sulisunik aqutsineq piginnaasaqarfigilluarpigit? Taava immaqa illit immikkoortortaqarfimmi pisortartaassarivatsigit.
Aningaasaqarnermik pilersaarusiornermut immikkoortortaqarfimmi pisortatut Kalaallit Nunaata aningaasaqarnermut politikkiata suliarineqarneranut atulersinneqarneranullu pitsaanerpaanik sinaakkusiussaqartitsinissaq illit qulakkeerniartussaassavat. Naalakkersuisoqarfiup suliassaqarfiini suliassaqarfinnilu allani suliniutinut isumaqatiginninniarnernullu immikkoortortaqarfik ikorfartuisuuvoq. Immikkoortortaqarfimmi pisortatut politikkikkut isumaqatigiissutinik piviusunngortitsinissap qulakkeernissaa siuttuuffigissavat. Suliassat aningaasaqarnermut politikkerineqartumut pisortallu aningaasartuutinik aqutsinerannut pingaaruteqartupilussuupput. Taamaalillutit Naalakkersuisut aningaasaqarnermut politikkimik qajannaatsumik ingerlatsinissaannut pitsaanerpaamik tunngavissaqartitsinissamut pingaarutilimmik inissisimaffeqassaatit.
Immikkoortortaqarfimmi aqutsisutut Naalakkersuisup sullinneqarnerani qitiusumik inissisimassaatit, illillu immikkoortortaqarfivillu naalakkersuisoqarfiup pitsaasumik siunnersuinissaata qulakkeernissaanut annertuumik akisussaaffeqassaasi. Immikkoortortaqarfimmi aqutsisutut suliassat annertunerusut pisariusullu aaqqiissuteqarfiginissaannut sinaakkusiinissamik, suliallu piffissaq eqqorlugu tunniunneqartarnissaannik pitsaasuunissaannillu qulakkeerinninnissamut pingaarutilimmik suliassaqassaatit.
Naalakkersuisoqarfimmi immikkoortortaqarfinni pisortat allat marluk, allaffimmi pisortaq, suliatigut ataqatigiissaarisoq kiisalu naalakkersuisoqarfimmi pisortaq suliatigut aqutsinikkullu suliassat pillugit qanittumik suleqatigissavatit. Aningaasaqarnermik pilersaarusiornermut immikkoortortaqarfik tamatuma saniatigut naalakkersuisoqarfiup aqutsinermut allattoqarfianit ikorfartorneqarpoq naalakkersuisoqarfiullu inatsisilerinermut immikkoortortaqarfia aamma qanittumik suleqatigalugu.
Aningaasaqarnermut Akileraartarnermullu Naalakkersuisoqarfimmi sulisut 28-uvugut, taakkunanngalu Aningaasaqarnermik pilersaarusiornermut immikkoortortaqarfimmi AC-it misilittagartuut arfinillit allaffimmilu pisortaq ataaseq sulisuupput. Persuarsiorfiunngitsumik attaveqateqarnissaq suliassaqarfiillu akornanni attaveqaqatigiinnissaq pingaartippagut, immikkoortortaqarfimmilu pisortatut avatangiisini taama ittuni sulisinnaassaatit, tamakkiisumik isiginnissinnaallutik angusaqarnissamillu qulakkeerinnissinnaallutit.
Suliassat assigiinngisitaartut ilaattut taaneqarsinnaapput:
Ukiumoortumik Aningaasanut inatsisissatut siunnersuusiorneq ilassutitullu aningaasaliissutit pillugit suliaqarneq.
Aningaasaqarnermut politikkikkut piffissaq qaninnerusoq ungasinnerusorlu eqqarsaatigalugit aningaasarnermut pilersaarutinik, iluarsartuusseqqinnernik suliniutissanillu atasinnaassuseqartunik qulakkeerinninnissamut ineriartortitsineq.
Nammineq allallu oqartussaaffigisaanni aningaasaqarnikkut misissueqqissaarnermik qulaajaanermillu suliani ikiuuttarneq.
Kommuninut ataatsimoortumik tapiissutit pillugit isumaqatigiissutit pillugit suliarinninneq aningaasaqarnermullu tunngatillugu kommuninik nakkutilliineq.
Namminersorlutik Oqartussat akiitsunik aqutsinermik suliaqarnerannut suleqataaneq, pisortallu suliniutaannik anginerusunik aningaasalersuinermut atassuteqartunik suliassat aalajangersimasut.
Illit pillutit
Qinnuteqartoq orniginarnerpaaq aqutsinermik piginnaasaqarluartuuvoq ukiuni arlalinni aqutsisutut misilittagaqarluni – aaqqissuussaanermilu politikkikkut aqunneqartumi misilittagaqaraanni iluassaaq. Aningaasaqarnermut tungasumik inuiaqatigiilerinermik naleqquttumik ilinniagaqarputit, soorlu assersuutigalugit cand. oecon., cand. polit., cand. merc., HA aamma HD allamilluunniit. Aningaasaqarneq pillugu suliaqarneq piginnaasaqarfigilluarpat aammalu oqallorissuullutillu allallaqqissuuvutit.
Suliffimmi persuarsiorfiunngitsumi, ikittunik aalajangiisartulimmi pimoorussisunillu suleqateqarfiusumi sulineq nuannarivat.
Suliatigut isiginnittaatsimik aalajangiusimannissinnaavutit.
Qaffasissumik suliatigut siunersiueqateqarsinnaavutit, aqutsinermullu tunngatillugu aaqqissuulluagaasumik suleriaaseqartitsisinnaavutit ataatsimullu isiginnissinnassuseqarlutit kiisalu sulisunut aqutsisutut atuuffeqarsinnaallutillu immikkoortortaqarfinnut suliatigut maligassiuisuusinnaallutit.
Politikkimut paasisimasaqartuuvutit politikkikkullu oqariartuutigineqartut tigussaasumik suliniutinngortissinnaallugit.
Torersuunissamik sulilluarnissamillu naleqartitanik nalinginnaasunik pingaartitsisuuvutit.
Allanngueqataanissamut kajumissuseqarputit, piumassuteqarlutit pisinnaassuseqarlutillu.
Aningaasaqarneq pillugu ilisimasanik allanut saqqummiussillaqqissuuvutit.
Inuiaqatigiit kalaallit oqaasiilu ilisimasaqarfigigukkit iluaqutaalluassaaq.
Akissarsiat atorfeqarnermilu atugassarititaasut
Atorfik akissaateqarfimmi LR 38-mi maanna inissisimavoq.
Apriilip aallaqqaataani 2022-mi LR 38-mi akissarsiat isumaqatigiissutigineqartut tapit aalajangersimasut ilanngullugit qaammammut 63.170 koruuniupput ukiumoortumillu 758.043 koruuniullutik. Pisortat pillugit isumaqatigiissut nutaaq isumaqatigiinniutigineqarpoq qanittumilu naammassineqartussatut naatsorsuutigineqarluni.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartorlu tjenestemanditut atorfeqareersimaguni Nunatsinni pisortani tjenestemandit pillugit inatsit malillugu tjenestemanditut atugassarititaasut naapertorlugit atorfinitsitaasoqarsinnaavoq.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissaq suliffiusussaq tunngaviatigut sapaatit akunnerannut nalunaaquttap akunnerinik 40-nik sivisussuseqarpoq.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Isumaqatigiissuteqarnikkut ukiuni killilinni atorfinitsitsisoqarsinnaavoq.
Misilitsinnermik ingerlatsisoqarnissaa qinnuteqartut piareersimaffigissavaat.
Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunip inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumilluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
Sulinngiffeqarallarnissamut periarfissat
Qinnuteqarfissap killinga atorfininnerlu
Qinnuteqaat naalakkersuisoqarfiup kingusinnerpaamik tigoreersimassavaa 10. decembari 2024 nal. 12:00 Nunatsinni nalunaaqutaq malillugu.
Piaarnerpaamik atorfinitsitsisoqassaaq.
Soqutiginartippiuk?
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mailikkut qinnuteqaatinik tigusineq ajorpugut.
Atorfik pillugu apeqqutissaqaruit Flies HR-imeersup Partner Dorthe Fliesip oqarasuaatikkut +299 583117-imut, +4560833117-imut imaluunniit e-mailikkut dorthe@flieshr.dk-mut attaveqarfiginissaanut tikilluaqqusaavutit.
Flies HR sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.
Atorfik pillugu allanik apeqqutissaqaruit Naalakkersuisoqarfimmi pisortaq
Nikolai Sten Christensen oqarasuaatikkut +299 34 66 75-imut imaluunniit e-mailikkut nsch@nanoq.gl-imut allaffigalugu saaffiginninnissamut tikilluaqqusaavutit.
Tusarfiginissat qilanaaraarput.
Suliffeqarfik
Naalakkersuisut pillugit paasissutissat amerlanerusut uani nassaarineqarsinnaapput: www.naalakkersuisut.gl