Angerlarsimaffeqanngitsunut Unnuisarfimmi Uummateqarfimmi Akisussaasoq
Suliffeqarnermut Isumaginninnermullu Ingerlatsivik aamma Oqartussaqarfimmut tunngasut Angerlarsimaffeqanngitsunut Unnuisarfimmi Uummateqarfik Akisussaasumik isumaqatigiissuteqarnikkut sulilersinnaasunik pissarsiorpoq
Angerlarsimaffeqanngitsunik innuttaasunillu atugarliortunik sullissinissat pilerigaajuk? Unammilligassaannik pisariaqartitaannillu ilisimaarinnippit paasinnillutillu? Ulluinnaat allanngorartut suliffigisinnaavigit.
Angerlarsimaffeqanngitsunut unnuisarfik aamma Uummateqarfik pillugit
Angerlarsimaffeqanngitsunut unnuisarfik Nuummi angerlarsimaffeqanngitsunut unnuisarfiuvoq 98-inullu inissaateqarluni sumiiffinnut marlunnut agguataarsimasuni. Uummateqarfik Angerlarsimaffeqanngitsunut unnuisarfimmi immikkoortortaavoq Kommuneqarfik Sermersuumi Angerlarsimaffeqanngitsunit ilisimaneqanngitsuni najugalinnit tamanit atorneqarsinnaasoq.
Sulinitsinni innuttaasut tamarmik isumaqartuunerat aallaavigisarparput, nukissaat aamma aallaavigisarpavut. Toqqavik pingaarnerpaaq tassaavoq qaninnerusumik attaveqalersinnaaneq.
Suliassat:
Uummateqarfik / Hjerterummet ammasassaaq ulluinnarni nal.: 09 aamma 14 akornanni inuiaqatigiinnut atugarliortunut aamma angerlarsimaffeqanngitsunut. Innuttaasoq, pissutsini toqqissisimanartuni, Angerlarsimaffeqanngitsunut unnuisarfimmi Sulisunut attaveqarnissamut periarfissaqassaaq imaluunniit Sulisut aqqutigalugit isumaqatigiissuteqarnikkut Uummateqarfimmut isersinnaassaaq. Innuttaasoq uffarnissamut, errortanik atisaqarnissamut, Salon Uummateqarfimmi killortinnissamut pisariaqarpallu Unnuisarfimmik atuinissamut periarfissaqarpoq, assersuutigalugu innuttaasoq angerlarsimaffeqanngitsuuppat unnuisarfiullu atornissaanut piumasaqaatinik eqquutsitsippat unnuakkut siniffeqartinneqarluni unnuisinnaavoq.
Innuttaasut iliuusissatut pilersaarusiorfigineqassapput Sulisunit ikorfartorneqarnissamut, aqqutissiuunneqarnissamut tapersersorneqarnissamut malinnaavigineqarnissamullu periarfissaqassallutik tamannalu Kommuneqarfik Sermersuumi angerlarsimaffeqanngitsunut aamma inuuniarnermikkut ajornartorsiuteqartunut tamakkiisumik isumaginninnikkut sullissinissamut ilaatinneqarpoq.
Angerlarsimaffeqanngitsunut unnuisarfik Uummateqarfimmi Ataqatigiissaarisup pingaarnertut suliassarissavaa Uummateqarfimmi suliassanik ataqatigiissaarisuuneq Aqqusinermilu angalaartartut suleqatigisasssallugit. Ataqatigiissaarisoq, Sulisut Aqqusinermilu angalaartartut suleqatigiillutik suliassat suliarisassavaat pisariaqartitsinermilu ataatsimiittassallutik.
Kiisalu unnuisarfiup uummateqarfiani suliassaqartitsinermik ikorfartuineq. Aamma atuisut sulisullu allat akornanni pitsaasumik attaveqarneq qanimullu suleqateqarneq.
Eqqiaasuni sulisoq peqanngikkaangat suliassat ilai suliarisassavai suliakkiutigalugilluunniit.
Piffissaq suliffiussaaq ulluinnarni nal. 08.00 - 16.00
Sulianut tunngasutigut piginnaasat:
∙Peqqinnissamut, perorsaanermik imaluunniit isumaginninnermut attuumassutilimmik tunngaviusumik ilinniagaqarsimasoq piumasaqaataanngilarli. Immaqa allatorluinnaq ilinniagaqartuuvutit kisianni misilittakkatit sulisinnaassutsillu takutissinnaallugit
∙Innuttaasunik atugarliortunik sullissinermik misilittagaqaruit pitsaassaaq
∙Aaqqissuussaanikkut suliaqarnermik paasisimasaqarputit
∙Marlunnik oqaaseqartuusutit, kalaallisut qallunaatullu, tamannali piumasaqataanngilaq
∙Iliuusissatut pilersaarusiorsinnaasutit
∙Outlook, Word, Excel aamma Get Organized sakkussatut misilittagaqarfigigitit
Naatsorsuutigaarput illit inuttut:
∙Ammasuusutit, kiffartuussiumatuujusutit, akisussaassuseqartutit tatiginartuullutillu
∙Inissaqartitsisutit, ilakkuminartutit, inuppalaartutit ataqqinnittuusutillu
∙Aaqqissuussaasumik sulisinnaasutit torersuullutit
∙Aaqqiissutissarsiorsinnaasutit
∙Namminersorlutit sulisinnaasutit
∙Suleqateqallaqqissuusutit nuannaartuusutillu
∙Ineriartorusussuseqartutit
∙Allakkatigut attaveqarluarsinnaasutit ersarissumillu nalunaarsuisinnaallutit
∙Ataatsimut isiginnissinnaanermik piginnaasaqartutit, tunniusimasoq, ammasoq sulerusussusilillu.
∙Suliffimmi atugassat pitsaasut, nutaaliorfiusut, isumassarsisitsisut attanneqarsinnaasullu pilersitseqataaffigisinnaagitit
∙Suliassanik nutaanik suliaqarusussuseqassasutit alapernaatsuullutillu
∙Piffissani suliffissani tamani pigaartuusinnaassasutit aamma sapaatip akunnerata naanerini
∙Suliffimmi aamma angerlarsimaffimmi inuunerup immikkoortilluinnarnissaat ilisimaarigit
∙Naammagittassuseqartutit unamminartunilu assigiinngitsuni eqqissisimasinnaasutit
Uagut ilinnut makku neqeroorutigisinnaavagut:
∙Atorfik suliassanik unammillernartulik ineriartornissamut periarfissaqarluartoq namminerlu suliassanik sunniuteqarfigisinnaasaq
∙Pikkorissarnissamut allanullu periarfissat
∙Angerlarsimaffeqanngitsunut unnuisarfimmi uummateqarfimmi sulisut pitsaasumik toqqissisimasumillu suliffeqarnissaq pingaartillugu sulisarput
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisuugallartoq Kristina Ludvigsen, oqarasuaat +299 36 70 70 imaluunniit e-mail: kili@sermersooq.g
Qinnuteqaat:
Qinnuteqaat qulequtserlugu Atorfiup ilisarnaataa 1090-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 8.-at, 2024