Angerlarsimaffeqanngitsunut Unnuisarfik sulisussarsiorpoq
Suliffeqarnermut Isumaginninnermullu Ingerlatsivik aamma Oqartussaqarfimmut tunngasut Angerlarsimaffeqanngitsunut Unnuisarfimmi sulisunik 5-inik pissarsiorpoq isumaqatigiissuteqarnikkut sulilersinnaasunik.
Angerlarsimaffeqanngitsunik innuttaasunillu atugarliortunik sullissinissat qamuuna piumassuseqarfigiviuk? Unammilligassaannik pisariaqartitaannillu ilisimaarinnippit paasinnillutillu? Ulluinnaat allanngorartut suliffigisinnaavigit.
Unnuisarfik pillugu:
Ajornartoornermi unnuisarfik Nuummi angerlarsimaffeqanngitsunut unnuisarfiuvoq 98-inullu inissaateqarluni sumiiffinnut marlunnut agguataarsimasuniilluni.
Ajornartoornermi unnuisarfik unnuinissamut ammartarpoq ulluinnarni nal: 15-miit ullup tulliani nal: 09:00 ullaap tungaanut, weekendini ulloq unnuarlu ammasarluni. Siulliuniuunneq periuserineqarpoq, imaappoq angerlarsimaffeqanngitsoq unnuamut inissaqassaguni ammarnerani allatsikkiartussaaq. Unnuinermi errortanik oqorutit qaliinik allarutinik ullaakkorsiutinik unnukkorsiutinillu annikitsunik neqeroortoqartarpoq. Atuisut errorsisarfimmik, uffarfimmik, iggavimmik, isersimaartarfimmik tv-limmik atuisinnaapput pisariaqartitsinermilu sulisunik oqaloqateqarsinnaallutik.
Suliassaqartitsinermut ilaasumik atuisut ullaakkut unnukkullu eqqiaaqataassapput oqorutillu qalii oqorutiniit siniffinniit peerlugit.
Sulinitsinni innuttaasut tamarmik pingaaruteqartuunerat tunngavigisarparput, taakkulu nukissaat aallaavigisarpavut. Tunngavissaq pingaarnerpaaq tassaavoq qanimut attaveqalersinnaaneq.
Suliassat:
Angerlarsimaffeqanngitsut Unnuisarfianni sulisut pingaarnertut unnuisarfimmik atuisut suliap pitsaassusissaanik nassuiaatip malinneqarnissaa, atuisutut piumasaqaatit, illumi malittarisassat allallu malinneqarnissaat qulakkeerneqarnissaat suliassarivaat. Aamma sulisut allat atuisullu suleqatigalugit pitsaasumillu attaveqarfigalugit suliassarivaat.
Piffissat suliffiusussat nikerartuusinnaapput.
Sulianut tunngasutigut piginnaasat:
∙Peqqinnissamut, perorsaanermik imaluunniit isumaginninnermut attuumassutilimmik tunngaviusumik ilinniagaqarsimaneq, tamannali piumasaqaataanngilaq. Imaassinnaasoq allarluinnarmik ilinniagaqartuusutit suliamulli misilittagaqarnermik pikkorissuseqarnermillu takutitsisinnaasutit.
∙Innuttaasunik atugarliortunik sullissinermik misilittagaqaruit pitsaassaaq.
∙Aaqqissuussaanikkut suliaqarnermik paasisimasaqartutit.
∙Marluinnik oqaaseqartuusutit, kalaallisut qallunaatullu, tamannali piumasaqaataanngilaq.
∙Iliuusissamik pilersaarusiorsinnaaneq – piginnaasat apeqqutaatillugit
∙ Outlook, Word, Excel aamma Get Organized atornissai misilittagaqarfigigitit.
Naatsorsuutigaarput illit inuttut:
∙Ammasuusutit, kiffartuussiumatuujusutit, akisussaassuseqartutit tatiginartuullutillu
∙Inissaqartitsisutit, ilakkuminartutit, inuppalaartutit ataqqinnittuusutillu
∙Aaqqissuussaasumik sulisinnaasutit torersuullutit
∙Aaqqiissutissarsiorsinnaasutit
∙Namminersorlutit sulisinnaasutit
∙Suleqateqallaqqissuusutit nuannaartuusutillu
∙Ineriartorusussuseqartutit
∙Allattariarsornikkut attaveqarluarsinnaasutit ersarissumillu nalunaarsuisinnaallutit
∙Ataatsimut isiginnissinnaasutit, aaqqiissuteqarsinnaasutit, tunniusimasoq, ammasoq sulerusussusilillu.
∙Suliffimmi atugassat pitsaasut, nutaaliorfiusut, isumassarsisitsisut attanneqarsinnaasullu pilersitseqataaffigisinnaagitit
∙Suliassanik nutaanik suliaqarusussuseqartutit alapernaatsuullutillu
∙Piffissani suliffissani tamani sulisarsinnaasutit aamma sapaatip akunnerata naanerani
∙Suliffimmi aamma angerlarsimaffimmi inuunerup immikkoortilluinnarnissaat ilisimaarigit
∙Naammagittassuseqartutit unammillernartunillu assigiinngitsuni eqqissisimasinnaasutit
Ilinnut neqeroorutigisinnaavagut:
∙Suliffik suliassanik unammillernartorpassualik ineriartornissamut periarfissaqarluartoq namminerlu suliassanut sunniuteqarfiusinnaasoq.
∙Pikkorissarnissamut allanullu periarfissalik
∙Angerlarsimaffeqanngitsunut unnuisarfimmi sulisut pitsaasumik toqqissisimasumillu suliffeqarnissaq pingaartillugu sulisarput.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisuugallartoq Kristina Ludvigsen, oqarasuaat +299 36 70 70 imaluunniit e-mail: kili@sermersooq.gl
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 850-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: septembarip 16.-at, 2024