AML-specialist
GrønlandsBANKEN-imi AML-imut immikkut ilisimasalik
Pinerlunnikkut aningaasarsianik malunnarunnaarsaanermut pinaveersaartitsinermut suliniutit misilittagaqarfigivigit, ullullu tamaasa aningaaseriviup pinerlunnikkut aningaasarsianik malunnarunnaarsaanermut kiisalu peqqarniisaarniarnermut aningaasaliinermut atornerlunneqarnissaanut aarlerinartuinut annikillisaarnermut peqataarusuppit.
Suliamut tunngavilersuisumik aningaaseriviullu AML-imut suliassaqarfianni suli ukkatarinninneranut immikkut paasisimasalimmik ujaasivugut.
Immikkut paasisimasalittut suliassatit ilaatigut ukuupput:
- Nuussinernik iluarsaaneq
- Hvidvasksekretariatimut nalunaarsuineq
- ODD aamma KYC pillugit siunnersortinik oqaloqatiginninneq suleqatiginninnerlu
- Suleqatit AML-mut KYC-mullu apeqqutaannut siunnersuineq
- Sulinerup ingerlaneranut, pinerlunnikkut aningaasarsianik malunnarunnaarsaanermut sammisami politikkinut piareersaaneq nutaanillu ilaartuineq kiisalu aningaaseriviup pinerlunnikkut aningaasarsianik malunnarunnaarsaanermut pinaveersaartitsineranut suliniarneq
- Immikkoortortaqarfimmi suliassat assigiinngitsut allat sulianut tunngasut
Ulloq suliffik nammineq annertuumik sunniuteqarfigissavat, taamaammat akisussaassusilimmik kiffaanngissuseqarneq iluarisuugit pingaaruteqarpoq.
Soqutigigukku, aamma aningaaseriviup GDPR-imik peqqussummik aamma paasissutissanik illersuinermik suliaqarneranut atatillugu suliassanik tigusisinnaavutit.
Takorloorparput:
- Ingerlariaqqiffiusumik ilinniagaqartutit
- Namminersorlutit aammalu aaqqissuussamik sulisartutit immikkuualuttullu eqqumaffigigitit
- Suleqatinut pinerlunnikkut aningaasarsianik malunnarunnaarsaanermut suliaqanngitsunik atassuteqalersitsinartumik nalunaaruteqarsinnaasutit
- Tamakkerlugu isiginnissinnaasutit
- Uppernarsaatit paasissutissallu tusarliuteqqusaanngitsut suliarinerisa pingaaruteqassusaa paasisinnaagit
- Siuliani pinerlunnikkut aningaasarsianik malunnarunnaarsaanermut pinaveersaartitsinermik atorfeqarsimasutit
Inuttut kiinneraartuuvutit, alapernaatsoq, nuannataarnermut taperseerusuttoq suleqatinullu pissuserissoq.
Neqeroorutigaarput:
Aningaaserivik qajannaatsumi atorfik pilerinartoq akissarissaartorlu, inuttut suliffiullu tungaatigut ineriartornissamut periarfissagissaartoq. Atorfik Nuummi inissisimavoq, AML-imilu pisortaq qullersarissavat.GrønlandsBANKEN suliffeqarfiuvoq børsimi nalunaarsorsimasoq, aammali suliffeqarfiulluni pingaartorsiorfiunngitsoq, naleqartitatsinni aallaaveqartoq; pimoorussineq - peqqissaarneq - sullitanut sammisoq kiisalu ineriartornissamut sammisoq.
Piumasaqaatit:
Grønlands Erhverv aamma Finansforbundet isumaqatigiissutaat malillugu atorfinitsitsineq pissaaq.
Malittarisassat Namminersorlutik Oqartussanit aalajangersarneqartut atuuttut naapertorlugit aningaaserivik inissamik atukkiussissaaq. Atorfininnermi atugassarititaasut allat, matuma ataani angalaneq aamma pequtinik assartuineq malittarisassat atuuttut naapertorlugit pissapput. Sivikinnerpaamik ukiuni 3-ni atorfeqarnerup sivisussuseqarnissaa anguniarneqarpoq. Sapinngisamik piaarnerpaamik atorfinittoqarnissaa kissaatigineqarpoq.
Atorfik pillugu apeqqutit uunga saaffiginnissutigisinnaavatit AML-imi pisortaq, Lise Mørup Dalsgaard.
Qinnuteqaatit apeqqutillu nalinginnaasut HR-imi pisortamut Patricia Lund Olsenimut apeqqutigineqarsinnaapput.
Tusarfiginissat qilanaaraarput.