Allagarsiuteqqitaq - Upernavimmi suleqatigiinni ingerlatsinermullu aqutsisoq
Kalaallit oqaasiini Upernaviup isumaa tassaavoq ”Upernaarsiorfik”. Upernavik illoqarfiit avannarpasinnerpaat ilagaat, qeqertaararpassuillu akornannippoq, qanga inoqarfiusimasut eqqaamioralugit, tamaaniillutik iluliarujussuit, timmissat millionilikkaat, qilalugarlu qernertaq qanillattoruminaatsoq.
Upernavimmi inuuneqalerit, tamaanimi ukiup ilaata qanoq ittuunera apeqqutaatinnagu tamatigut inuunermik pinngortitamillu alutornartorsuarmik misigisaqarnissamut periarfissaqassaatit, - immami angallammi angalanikkut, qajartorluni takusassarsiornikkut, qimusserluni imaluunniit qamuteralalluni angalaarnikkut.
Suleqatit ilinniartullu 35-t missaanni ilaalerit, tassani sulisunik tamanik, ingammillu nunap immikkoortuani illoqarfiit sinnerini, Uummannami Qaanaamilu pisortat sinnerinik qanimut suleqateqarlutit Upernavimmi pisortatut atorfimmik illit isumaginnittuulerlutit.
Nukissiorfiit Upernavimmi taassumalu nunaqarfiini nukissamik imermillu pilersuinermik ingerlatsineranut akisussaaffeqassaatit.
Annertuumik aalajangeeqataasinnaassaatit, aammalu ulluni suliffiusuni suliamik sunniuteqarnissamut pilersaarusiornissamullu periarfissaqassallutit, minnerunngitsumillu ataatsimoorfitsialammi ilaalissaatit, tassanilu teknikkip tungaatigut assammik suliatsialammik isumaginnittoqartarnissaanik sammisaqartuuvugut.
Pisortarisassat qaninnerpaaq tassaassaaq Nunap immikkoortup Avannaani taasakkatsinni Kitaata Avannaani Nukissiorfiit sumiiffigisaanut Nunap immikkoortuanut pisortaq.
Pitsaanerpaatut ilusilimmik pisortatut atorfimmik isumaginnissinnaassagaanni allaffissornikkut nukittussuseqarlutillu aningaasaqarnermik paasinnissimasuunissaq iluaqutaassaaq, aammalu sulianut tunngasutut, soorlulusooq inuttut isumalluutaasut taakku ataqatigiissaarsinnaassanerat iluaqutaalluni. Aamma programminut aaqqiissutinullu isumaginnillaqqinnissat nukittussutsitut issaaq.
Teknikkimut tunngasut isumaginissaannut, minnerunngitsumillu aserfallatsaaliuinermik suliarisamut tunngatillugit malittarisassiat, najoqqutassiat inatsisaasullu malittarinissaannut isumannaarseqataassaatit.
Pigaartuunermut aaqqiissutini peqataasarsinnaassaatit, aamma angalasoqartarsinnaasassaaq.
Pingaarnertut akisussaaffeqarfittut suliassaqarfitit:
·Suleqatigisanik sulianut tunngasunik ilinniartitseqataaneq, ilisimasanik paarlaasseqatigiittarneq, kajumissaarisarnerlu.
·Ilinniartut (lærlingit) ilinniagaqartinnerini peqataaqataasarneq.
·Ingerlatsinerup pitsanngorsarneranut pitsaanerpaanngorsarneranullu ilalersuuteqartarneq.
·Nukissiorfiit illuutaanik ingerlatsillunilu aserfallatsaaliuisarneq.
·Ingerlatsiffimmut toqqorsivimmullu pisiortortarnernut akisussaaffeqarneq.
·Nunap immikkoortuanut pisortamik suleqateqarluni missingersuusiornerit, taakkuninngalu malittarinnittarneq.
Suliassat makkuninnga imaqarsinnaapput:
·Aserfallatsaaliuinermut programmit aaqqiissutillu sinnerisa suliassanik iluarsiisarnernut atugaasarnerinik qularnaarisarnerit.
·Suliniutit nutaat suliarinerini peqataaqataasarneq.
·Allaffissorluni suliassanut ilinniartitsiuartarneq.
·Nunap immikkoortuani illoqarfiit nunaqarfiillu sinnerini ingerlatsinermut aserfallatsaaliuinermullu peqataaqataasarneq.
Makkuninnga piginnaaneqartutit takorloorpatsigit:
·Teknikkimut tunngasumik ilinniagaqarsimasoq, soorlu maskinmesteritut, el-installatøritut (innaallagissamik aqqusersuisutut), innaallagisserisutut, assingusutulluunniit teknikkip tungaatigut tunuliaqutaqarlunilu misilittagaqartoq.
·SRO-mik ingerlatsivinnik ilisimasalik, kiisalu innaallagissap aqqutaanik ingerlatsinermut aserfallatsaaliuinermullu piginnaasalik.
·Nutaamik sammisaqarusussusilik, aammalu pisuni artukkiisuni ataatsimut isiginninnermik attassaqarsinnaasoq.
·Namminersuutigisaminik sulisinnaasoq, soorlulusooq suleqatigiinni sulinissamut piginnaasalik.
·Minnerpaamik suussuseq B-mut biilernissamut allagartalik (biilernermut allagartaq nalinginnaq).
·Kalaallisut aamma danskisut oqaatsinik atuisinnaassaguit iluaqutaassaaq.
·(Imarsiorluni) angalanermut pikkorissutsimut uppernarsaateqassaguit iluaqutaassaaq.
Aningaasarsianut atorfinitsitaanermullu atugassarisat:
Atorfinitsitaaneq Naalakkersuisut (Namminersorlutik Oqartussat) aamma attuumassutilittut sulisartut kattuffiata akornanni isumaqatigiissut najoqqutaralugu pissaaq.
Atorfininneq qaammatini pingasuni misilitsiffeqartillugu pissaaq.
Atorfimmut inissiamik innersuussisoqarsinnaavoq.
Namminersorlutik Oqartussani atorfeqarneq aqqutigalugu sulisunut inissiamik innersuussissummik peqariissagaanni sulisunut inissiamut innersuussutaasumut pisinnaatitaaffik pigiinnarneqassaaq.
Atorfik pillugu paasissutissat erseqqinnerusut uani pissarsiassaapput:
Nunap immikkoortuani pisortaq Ole Karl Poulsen, e-mailikkut: olpo@nukissiorfiit.gl imaluunniit oqarasuaatikkut saaffiginninneq ugguuna: oq. (+299) 52 54 04.
Annermik paasissutissaatit:Apeqqutit nalinginnaanerusut HR-imut immikkoortoqarfimmut e-mailikkut uunga nassiunneqassapput: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamakkerlugu innaallagissamik, imermik aamma kiassarnermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiliussanik pitsaasunik atugaqarnissaanik pilersitsineq iluatsilluarparput. Tamanna pillugu anner-tunerusumik atuarit uani www.nukissiorfiit.gl.
Qinnuteqarnissamut killissarititaasoq: decembarip 3.-at, 2024