Allagarsiuteqqitaq - Sisimiuni Innasallagissamik siammarterinermut nuusiffimmullu siulersuisoq
Sisimiuni nukissiornermik sullissisarfik ingerlatsivittut immikkoortoqarfimmik ulluinnarni ingerlatsinermut akisussaasussaq sulisut siulersuata tullia inuttassarsiorpaa. Sulisunut marlunnut akisussaaffeqassaatit, kiisalu illoqarfimmi innaallagissamik siammarterisarfiup ingerlatarineranut aserfallatsaaliugarineranullu sulianut tunngasumik akisussaaffeqarlutit.
Suliassatit pingaarnerit tassaassapput:
- Sarfap sakkortuup sakkukitsullu ingerlatsiviini, kiisalu innaallagissamut ivertitikkani ingerlatsinermut aserfallatsaaliuinermullu suliassanik pilersaarusiornerit.
- Suliassanik piareersaanermik uppernarsaasarnermillu suliaasuni peqataasarnerit.
- Innaallagissamut sillimmatinik atugassatullu nioqqutinik toqqorsivimmiititaasunik pisiortornernik, nalunaarsuinernik nalikilliliinernillu pilersaarusiorlunilu naammassinnittarnerit.
- Illoqarfimmi nunaqarfinnilu innaallagissap aqquteqarfiinik pitsaanerpaanngorsaanerit, malittarinninnerit nakkutiginninnerillu, taamatuttaarlu illoqarfiup erngup nukinganik nukissiorfianit nukissamik nuussisarfimmut 60 kV-iusumut.
- Akiliisitsisarnissamut uuttortaatitsinnik avataanit misissuisarfigisatta pitsaanerpaamik ingerlatinnissaat.
- Pigaartuusartunik aaqqiissummi ilaaneq.
- Isumannaallisaanermut najoqqutat atuuttut malittarineqarnissaannik isumaginninnerit.
- Nunap immikkoortuani KLS-imik aaqqiissummut akisussaaffeqarneq.
- Illoqarfimmi nunaqarfinnilu sumiiffiusuni Innaallagissiornermik pisortaqarfimmut sinniisuuffeqarneq.
Suliffeqarnikkut misilittagaqarnerit, ilinniagaqarnikkut tunuliaqutaqarnerit soqutiginninnerillu apeqqutaallutik atorfigisanni suliassarisat imaannik sunniinissamut periarfissaqarputit.
Suut naatsorsuutigisinnaavigit?
Tassaalissaatit inuiaqatigiinni pingaarutilittut aaqqissuussiffiup, suleqatinik pikkorissunik, aalaakkaasunik assullu suliaqartuusunik inuttaqarluartup ilaa. Aaqqissuussiffimmi aalajangiisumik inissisimaffeqassaatit, tamaanilu iluatsitsineq suleqatigiinnerput pikkoriffigalugulu pitsaasoq aqqutigalugu pilersinneqartarpoq. Sulianik isumaginnittoqatigiit immikkoortoqarfiillu killeqarfii qaangerlugit suleqatigiiffigisatsitut ullut suliffiusut uagutsinniinneri naatsorsuutigisinnaavatit. Ullut suliffigisat suliassanik assigiinngisitaartorpassuarnik peqartut, aammalu sulianut tunngasutut kultureqarnikkullu assigiinngitsunik tunuliaqutalittut suleqatissatit naapissavatit. Nukissiorfiit tassaavoq suliffeqarfik savitooq, tamaanilu sulianut tunngasutut inuttullu ineriartorneq pingaarnerutitaavoq.
Illit ujarpatsigit tassaasutit:
- El-installatøritut, maskinmesteritut assingusumilluunniit ilinniagaqarsimasoq
- Pilersaarusiornermut aaqqissuussinermullu pikkoriffeqartoq
- Ajornanngippat sarfamik sakkortuumik sakkukitsumillu siammarterisarfittut ingerlatsivinni ingerlatsinermik, ajoqutinillu paasiniaasarnermik misilittagaqartoq
- Suleqatiginnillaqqissoq, aammali kisimiilluni sulinissamut piginnaaneqartoq
- Biilersinnaanermut allagartalik.
Pisuni artukkiisuni paatsiveerunneq pinngitsoorsimasinnaassavat. Aamma kalaallisut, tuluttut danskisullu attaveqaqateqarsinnaanerit iluaqutaassaaq, piumasaqaataananili.
Atorfininneq piaarnerpaamik pisinnaavoq
Atorfininnermut piumasaqaatit:
Isumaqatigiissut attuumassuteqarlunilu atuuttoq najoqqutaralugu aningaasarsiat atorfinitsitaanerlu. Qaammatini pingasuni misilitsiffeqarpoq.
Sulisunut inissiaq pequsersorneqanngitsoq atugassiarineqarsinnaavoq.
Tassaavit suleqat ujagarput?
Taava qinnuteqaatit ”Atorfik una qinnuteqarfigiuk” aqqutigalugu piaarnerpaamik nassiuguk.
Atorfiup imarisaanut atuuffigisaanullu apeqqutissaqaruit nunap immikkoortuanut pisortaq Jan Zachariassen attaveqarfigiuk, ukunatigut: +299 527552 imaluunniit jbz@nukissiorfiit.gl. Aningaasarsiat atorfinitsitaanermullu atugassarisat pillugit apeqqutit nalinginnaat uunga nassiunneqarsinnaapput: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersorpaa. Niuerfigisatta iluaqutissaannut iluarsiissutit aningaasartuutitigut sunniuteqarluartut piujuartitsisullu pilersinniarlugit peqatigiilluta suliaqartuartuuvugut. 2020-mi innaallagissamut, imermut kiassarnermillu tunisarisatta 70 %-ii nukissamik atajuartumit pisuupput. 2030-p tungaanut nukissamik atajuartumik 100 %-imik peqalernissaq sulissutigaarput. Sulisunut tamanut 400-nut toqqammavissanik pitsaanerpaanik pilersitsiniarnikkut Nukissiorfiit iluani iluatsitsisuuvugut. Uagut pilluta uani annertunermik atuarit: www.nukissiorfiit.gl
Qinnuteqarnissamut killissarititaasoq: februaarip 12.-at, 2025