Allagarsiuteqqitaq: Peqqissutsimut naalakkersuisoqarfimmi immikkoortortaqarfimmi pisortaq – Periusissiorneq pilersaarusiornerlu
Peqqissutsimut naalakkersuisoqarfimmi immikkoortortaqarfimmi pisortaq – Periusissiorneq pilersaarusiornerlu
Peqqinnissamut tunngasutigut ilinniarsimasuuit ilinniaqqinnikkuullutillu, imaluunniit peqqinnissamut tunngasunik allaffissornikkut misilittagaqarpit? Aqutsisutut misilittagaqarpit – imaluunniit aqutsisunngornissamut anguniagaqarpit? Peqqinnissaq pillugu politikkimut sunniuteqataaniarpit Kalaallit Nunaannilu peqqinnissaqarfiup ineriartorneranut qulakkeeqataarusullutit? Taamaammat Periusissiorneq pilersaarusiornermilu immaqa illit immikkoortortaqarfimmi pisortartaarisinnaavatsigit.
Immikkoortortaqarfik pillugu
Peqqinnissaq pillugu politikkikut pilersaarusiornermut Periusissiorneq pilersaarusiornermullu immikkoortortaqarfik qitiusoqarfiuvoq Peqqissutsimullu Naalakkersuisumut siunnersuineq. Immikkoortortaqarfimmi arfineq-pingasunik sulisoqarpoq, ilaatigut peqqinnissamut siunnersuisut, økonomit, ataqatigiissaarisut taamatullu AC-fuldmægtigit. Immikkoortortaqarfimmi pingaarnertut pingasut suliassaapput: peqqinnissaq, pilersaarusiorneq aningaasaqarnerlu. Ilaatigut immikkoortortaqarfimmi suliassaallutik:
Peqqinnissamut tunngatillugu misissueqqissaarnerit, pilersaarutit nassuiaatillu
Politikkikkut kiffartuussineq, ilaatigut tusagassiortunut nalunaarutit, tusarniaanermi akissutit innuttaasuniillu saaffiginnissutit
Peqqinnissamut politikkinik nakkutilliineq naliliinerlu
Siunnersuisoqatigiinnut ataatsimiititalianullu assigiinngitsunut allattoqarfeqarnikkut sullissineq
Nuna tamakkerlugu nunallu tamalaat akornanni sulianut siunnersuisoqatigiinnut ataatsimiititalianullu attuumassuteqartunut peqataasarneq
Peqqinnissaqarfimmi aningaasaqarnikkut aqutsineq naatsorsuusiornerlu
Atorfik pillugu
Immikkoortortami ulluinnarni aqutsisunngussaatit, peqqinnissamut, pilersaarusiornernut aningaasaqarnermullu tunngasunut suliassat suliarineqarnersut qulakkiissavat. Peqqissutsimut naalakkersuisumut qitiusumik siunnersortinngussaatit, peqqinnissamilu naalakkersuinikkut siunertanut pilersaarutinullu atuutitseqataasinnaallutit. Naalakkersuisoqarfimmi aqutsisoqatigiinnut ilaassaatit, naalakkersuisoqarfimmilu ingerlatsilluartoqarnissaanut suliffeqarfittullu ineriartortitsinissamut aqutsisoqatigiinni ilaasut allat peqatigalugit qulakkeerinneqataallutit. Immikkoortortaqarfimmi pisortatut naalakkersuisoqarfiup pisortaanut nalunaartassaatit.
Piginnaasaqarfigisassat
Immikkoortortaqarfimmi aqutsisussaq ujartugarput tassaavoq:
Naleqquttumik qaffasissumik ilinniagartooq, peqqinnissamut tunngasunik ilinniagaqartoq imaluunniit peqqinnissaqarfimmi allaffissornikkut misilittagalik
Misilittagaqarluartoq, ajornanngippat pisortanit imaluunniit naalakkersuinikkut aaqqissugaanermik
Inuiaqatigiinni pissutsinik ilisimasaqarneq, tassunga peqqissutsimut naalakkersuinikkut tunngatillugu ilisimasaqarneq
Attaveqarniarnikkut pitsaasumik piginnaasaqarneq assigiinngitsunillu soqutigisalinnik suleqatiginninnermik misilittagaqarneq
Siuliani suliffiginikuusanit naammassisat pillugit allagaatit, ilaatigut ersarissunik naammassisaqarusuttoq pilersitsinissamullu piginnaasaqartoq
Taakku saniatigut naatsorsuutigaarput:
- Kalaallit Nunaanni pissutsinik ilisimasaqarnissat
- Ajornanngippat pingasunik oqaaseqartoq – kalaallisut, qallunaatut tuluttullu
- Oqaluttariarsornikkut allaffissornikkullu attaveqatigiinnermut ilisimasaqarluarnissaq
- Ataqatigiissaarilluarsinnaanissaq, aammalu faginut arlalinnut aammalu inuiaqatigiit arlalinnut suleqateqarnissamut soqutiginnittoq misilittagaqartorlu
- Aaqqiissutissanik siunnerfeqarlutit sulisinnaasutit
- Aaqqissuulluagaasumik suliaqarsinnaasutit, peqqissaartuusutit aammalu pitsaassusermik ilisimaarinnittuusutit aammalu suliassat piffissarititaanik eqqortitsilluarsinnaallutit
- Politikkikkut eqeersimaarfiusumi suliassanik allanngorarfiusinnaasumik ulapaarfimmilu sulilluarsinnaallutit Neqeroorutigaarput atorfik pissanganartoq namminersortorlu sammisami angisuumi, pissanganartumi unammillernartumilu. Ulapaarfiusumik pitsaasunik suleqateqarluni persuarsiunngitsumik oqaloqatigiiffiusinnaasumik suliffeqarpugut. Suliffiuvugut soqutiginartunik suliatigullu unammillernartulik, tassani suleqatigiissinnaaneq suliamullu tunngatillugu pikkorissuseqarneq assut pingaartinneqarput. Ukiuni aggersuni peqqissutsimut suliassaqarfik annertuumik allannguuteqarumaarpoq. Taamaattumik atorfiup imarisaa ingerlaavartumik allanngortarsinnaasoq naatsorsuutigissavat.
Peqqissutsimut naalakkersuisoqarfik
Peqqissutsimut naalakkersuisoqarfimmi 19-nik sulisoqarpoq, suleqatigiinnermut sulianullu pingaartitsisoq. Naalakkersuisoqarfimmi suleqatigiit suleqatigiilluarput siunnersoqatigiittarnissamik ikioqatigiittarnissamillu pingaartitsisut. Suliffitsinni pissutsit ammasuullutillu persuarsiortuunngillat - nutaanik isumaliornissamut kiisalu suliassanik naammassinninnissamut kikkut tamarmik peqataasarnissaannut periarfissinneqartarnerannik ileqqoqarpugut. Naalakkersuisoqarfimmiit nunatsinni peqqinnissaqarfik aamma Nunatta Nakorsaaneqarfiani aqutsisut qanimut suleqatigineqarput.
Sukumiinerusumik paasisaqarusuppit?
Atorfik pillugu paasissutissat sukumiinerusut Naalakkersuisoqarfimmi Pisortamut Nike Berthelsen-imut saaffiginnilluni pissarsiarineqarsinnaapput, oqarasuaammut. +299 346690 imaluunniit e-mail: nike@nanoq.gl.
Kingusinnerpaamik qinnuteqarfissaq
Qinnuteqaat CV-imik aamma soraarummeersimanermut uppernarsaatit assilinerinik ilanngussalik link ataaniittoq aqqutigalugu kingusinnerpaamik ulloq 30 september 2024 nassiunneqassaaq.
Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.
Aningaasarsiat aalajangersimasunik aningaasarsianut ilallit LR 38-mi 1. April 2022-miit qaammammut 56.910,- koruuniupput ukiumullu 682.930,- koruuniullutik.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.
Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.
Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.