Allagarsiuteqqitaq - Aqutsisut allattoqarfiani suleqatissamik
Nuummi qullersaqarfitsinnut allaffimmi sulisumik aqutsisoqarfimmi nukittorsaaqataasussamik suleqammik nutaamik pissarsiorpugut, taannalu ingerlatsinermik aaqqissuussiffitsinni ulluni suliffiusuni suleqatigiinnermi ilaassaaq.
Tassaalissaatit Qullersaqarfiup allaffeqarfiani ilaalersoq, pingaarnertut suliassaq tassaalluni sillimmasiisarnermik ingerlatsivinnut matussuserneqarsinnaasutut ajoqusernernik nalunaaruteqarnikkut niuerfigisatsinnik ikiuinissaq, tamatuma kingornatigut suliassat eqqortumik, aamma piffissaq eqqorlugu suliarineqarnissaannik malittarinninnissaq. Aamma kissaatigisatit aamma kinaassutit apeqqutaallutik qullersaqarfiup allaffeqarfiata suliarisaani allani ilaalissaatit.
Sillimmasiissutinut tunngatillugu suliassaqarfik ingerlatarput annertungaatsiarpoq, tamaanilu biilini ajoqusernernik, sulisuni ajoqusernernik, angallannermi ajoqusernernik, inuussutissarsiorfimmi akisussaaffeqarnermik aamma suliffeqarfiuteqarnermik nalunaaruteqartarnernik aamma suliaqartarnernik suliaqartitaassaatit. Ajoqusernernik suliarisani ilinniartitaassaatit, aammalu inatsisilerinikkut siunnersuisartuni pisortaq qanimut suleqatigalugu ulluni suliffiusuni ingerlatsinermi ilaalissaatit.
Suliassatit pingaarnerit:
- Assut pitsaassuseqqortuumik kiffartuusserusussuseqarluni sulianik isumaginnittarneq
- Siunnersuisarnermut/isumaginnittarnermut tunngatillugu Nukissiorfiit aaqqissuussiffianik oqarasuaatikkut attaveqarnermik iluarinninneq
- Allattariatigut aamma oqaluttariatigut piginnaasaqarluarneq
- Suleqatinnik isumasioqateqartarneq, aamma suleqatigiilluarnissamut peqataaqataaneq
- Qullersaqarfimmi allaffeqarfiup suliassaasa sinnerinik kivitsiniarnermut ilalersuuteqarneq
Pissarsiarerusuppatsigit makkuninnga piginnaanilik:
- Pilersitserusussusilik, tatigisassaasoq, aamma akisussaaffimmik sianiginnittoq, kiisalu suliassanik iluarsiiniarnermut sulleriffigisaminik aamma kinguneqartitsiniartutut tikitaqartartoq
- Avatangiisuni savituuni sulinissamik assut iluarisimaarinnittoq, tamaanimi kikkut tamarmik ”atuisartuutitsinnik” sapinngisamik pitsaanerpaamik kiffartuutaqarnissamik angisuumik kissaateqartuupput
- Suleqatigiinni ilaasuunermik kaammattorneqartoq, tamaanimi sulianut tunngasunik isumasioqatigiinneq aamma ilisimasanik paarlaateqatigiinneq assut pingaartinneqarput
- Iluaqutaassaaq kalaallisut qallunaatullu oqaaseqaruit aamma kalaallit kulturiannik inuiaqatigiinnullu ilisimasaqaruit.
- TNI-tut, EFG, AU, EVU, bacheloritut assigisaannilluunniit ilinniagaqarputit, aamma niuerfigisatsinni allaanerussummik iliuuseqarnissamik kissaatigisaqaruit tassaavutit ujagarput
Sullivimmi pissutsit:
Nukissiorfiit iluani Kalaallit Nunaanni illoqarfinni 17-ini aamma nunaqarfinni 53-ini agguataarsimasuni suleqatigiit tassaavugut 390-it missaat. Tassaalissaatit Nuummi qullersaqarfimmi ilaalersoq, tamaanilu sulisut 70-it missaanniippugut, aammalu tamaani qullersatut siulersuiffik aamma allattoqarfik inissisimapput. Immikkoortoqarfitsinni sulianut tunngasutut ilisimasaqassuseq aamma suleqatigiinneq assut pingaartippagut, aammalu najoqqutassialigaanngitsumik immitsinnut oqaloqatiginnittarpugut, saniatigullu suliffeqarfimmi inooqatigiinnikkut ataqatigiissuseq aamma atugarissaarneq naleqartippagut.
Aningaasarsianut atorfinitsitaanermullu atugassarisat:
Atorfinitsitsineq tunngaviusumik tamakkiisumik atorfittut takorluugaavoq, taamaattorli periarfissaasinnaavoq ullup ilaannaani sulisinnaaneq tamanna kissaatigineqarpat.
Atorfinitsitaaneq Naalakkersuisut (Namminersorlutik Oqartussat), aamma attuumassutilittut sulisartut kattuffiata akornanni isumaqatigiissut najoqqutaralugu pissaaq.
Atorfininneq qaammatinik pingasunik misilitsiffeqassaaq.
Atorfimmut inissiamik innersuussisoqarsinnaanngilaq.
Atorfik pillugu paasissutissat erseqqinnerusut uani pissarsiarineqarsinnaapput:
Paasissutissat annertunerit Qullersaqarfimmi allaffeqarfiup Pisortaanut Malte Marno Sørensenimut saaffiginninnikkut pissarsiarineqarsinnaapput, e-mailikkut: malts@nukissiorfiit.gl imaluunniit oqarasuaatikkut saaffiginnilluni, oq. (+299) 53 86 27.
Ilassutitut paasissutissat: Apeqqutit nalinginnaanerusut HR-ip immikkoortoqarfianut saafffiginnissutaassapput, e-mailikkut: hr@nukissiorfiit.gl
Tusarfiginissat qilanaaraarput!
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: decembarip 10.-at, 2024