Allagarsiuteqittaq: Isumaginninnermut Aqutsisoqarfik Tarnip pissusiinik ilisimasalittut ilinniagalimmik siunnersortaanermik pissarsiorpoq
Isumaginninnerup iluani atorfininnissat soqutigaajuk, aamma ilisimasatit/piginnaasatit atorlugit nuna tamakkerlugu meeqqanik- inuusuttuaqqanillu sullisserusuppit?
Isumaginninnermut Aqutsisoqarfiup Inulerinermut Immikkoortortaqarfia, tarnip pissusiinik ilisimasalittut ilinniagalimmik siunnersortaanermik pissarsiorpoq. Meeqqanut Katsorsaasartut Angalasartut (MKA) arfinilinnik tarnip pissusiinik ilinniagalinnik sulisussaqarpoq, katsorsaanermilu neqerooruteqartarnissap saniatigut, angalaqatigiilluni suleqateqarnissaq qitiuvoq, Immikkoortortaqarfimmi meeqqanut katsorsaanerup iluani ineriartortitsisoqassaaq, kiisalu meeqqanut inuusuttuaqqanullu allatigut katsorsaanermik neqerooruteqartarnissaq pitsanngorsarneqassalluni.
Atorfik Inulerinermut Immikkoortortaqarfimmi inissisimavoq, katsorsaanerlu qitiusumik ingerlanneqarluni. Pisortanik nukittuunik qanimut suleqateqassaatit, immikkoortortaqarfimmi pisortaq, kontorchefi, inersimasuni katsorsaasuni akisussaasoq aammalu tarnip pissusiinik ilisimasalittut ilinniagalimmik siunnersortaaneq.
Tarnip pissusiinik ilisimasalittut ilinniagalimmik siunnersortaanertut qitiussaatit, katsorsaanermi neqeroorutit atuuttussat ataavartumik ingerlanneqarsinnaanissaanut, inulerinermut immikkoortortaqarfimmi pisortaq suleqatigalugu. Katsorsaanermi suleqataanissaq aammalu suliamut tunngasunik eqimattani aqutsisinnaassuseqarnissaq. Pingaaruteqarpoq aqutsisinnaanermut atassuteqarnermullu piginnaasaqarnissat. Naatsorsuutigineqarpoq eqeersimaartumik ineriartortitseqataanissamut ingerlatsisinnaanissat, taamatuttaaq sumiiffinni nunatsinni ilisimasaqarnissat - taamaasilluni ineriartortitsineq tulluarneq katsorsaanermi ingerlanneqarnissaa aamma qularnaarneqarnissaa pingaaruteqarmat. Peqqinnartumik suliffimmi isumannaallisaanermut pissutsinut inerisaaqataanissaq aammalu sullissinermi sumiiffinni katsorsaasut qanimut suleqatiginissaat, suliffiup avataani suleqatissat aammalu Isumaginninnermut Aqutsisoqarfinni immikkoortortaqarfiit, politikkikkullu sullissisinnaanissaq.
Meeqqanik Katsorsaasut angalasartut kommunit qanimut suleqatigalugit ingerlanneqartartoq, tamatumalu kingorna Ilaqutariit Sullissiviinut. Taamatuttaarlu Angalaqatigiinnut pingaaruteqarluinnartoq aamma sulissutigineqarpoq, tassalu illoqarfinni kanngutsaattuliornernut tunngasunik ilisimasat piginnaasallu nukittorsarneqarnissaat, taamaasilluni illoqarfinni inunnik sullissisut meeqqanik- inuusuttuaqqanillu sullissinerat pitsaanerusumik ingerlateqqinneqarnissaa anguniarlugu.
Suliassatit ilaatigut ukuussapput:
- Sulianut aqutsisinnaaneq, siunnersuisinnaaneq
- Meeqqanut- inuusuttuaqqanullu tunngasumik angalasartooqatigiit suleriaasissaannik ineriartortitsineq aaqqissuussaanerlu.
- Angalasartooqatigiit suliassaannik suliaannillu tulleriinnilersuineq.
- Kommunit peqatigitillugit suleqatiginerinillu ineriartortitsineq.
- Paasissutissaatinik katersuineq misissueqqissaarnerlu.
- Illoqarfigisami sulianut tunngasunik suliaqartunik piginnaanngorsaaneq patajaallisaaneq.
- Meeqqanut- inuusuttuaqqanullu kinguaassiutitigut kanngutsaattuliornermut tunngasunik pinaveersaartitsinermi suliniutinik nutaanik ineriartortitsineq.
- Illoqarfinni kinguaassiutitigut atornerluisarneq pillugu akimortumik suiniuteqarnermut atatillugu pitsanngorsarneqarnissaa ataqatigiiissarneqarnissaalu.
Naatsorsuutigaarput illit makkunannga pisinnaasaqartutit piginnaasaqartutillu:
- Tarnip pissusiinik ilisimasalittut ilinniagaqarlutit misilittagaqarnissat
- Meeqqanut inuusuttuaqqanillu katsorsarnermik misilittagaqarlutit.
- Ilinniartitsinermik saqqummiussinermillu misilittagaqartutit.
- Suleqatigikkuminartutit.
- Alapernaatsuusutit kiisalu nammineq piginnaasannik ineriartortitserusuttutit.
- Pitsaassutsinik qulakkeerinninnermut nalilersuinermut tunngasunik ilisimasaqartutit
- Paasissutissaatinik misissueqqissaarinernillu misilittagaqartutit.
Aamma pitsaaquteqassaaq illit:
- Atortorissaarutit atorlugit soqutigalugu katsorsaariaaseq misilittagaqarnissallu.
- Sulianut pilersaarutinut- ineriartortitsinermullu sulianik tunngasunik misilittagaqartutit.
- Isumiginninnermut- peqqissutsimulluunniit meeqqat- inuusuttuaqqanullu tunngasunik suleriaatsinik ilisimasaqartutit.
- Unammillernartunut nutaanut kajumissuseqartutit, neqeroorummut nutaamut pilersitamut sulilernissamut aamma.
- Marluinnik oqaaseqartuusutit (kalaallisut danskisullu)
- Atituumik inuiaqatigiit kalaallinut tunngasunik ilisimasaqartutit, annermik isumaginninnerup tungaatigut.
Isumaginninnermut Aqutsisoqarfik pillugu
Isumaginninnermut tunngasunik Aqutsisoqarfik Naalakkersuisut ataanniippoq arfinilinnillu immikkoortortaqarluni, Pinaveersaartitsinermik sulliniaqatigiiffik PAARISA,
Aningaasaqarnermut immikkoortortaqarfik, Ullut- Unnuarlu kiisalu Inuttassarsiuussinermut Immikkoortortaqarfik, Oqartussaaffeqarfik, Pitsaaliuinermut Immikkoortortaqarfik kiisalu Allaffeqarfik. Immikkoortortat qanimut suleqatigiipput, suliffeqarfiuvorlu sulianut tunngasunik unamminartorpassualik.
Qitiusumik katsorsaavimmi atorfilittut, innuttaasunut sammisumik sullissinerup immikkoortortaanniisaatit, taamatullu immikkoortortami qullersaasumut attaveqaateqassallutit. Innuttaasunut sammisunik sullissinermut immikkoortortaata Angalasartooqatigiit, Alliaq, Inatsisitigut ataaqatanngitsut kiisalu ilaqutariinnermut immikkoortortaq, ilaqutariinnik nukittorsaavik- qimarnguiillu aquppai.
Atorfimmut tunngasut
Atorfik (sapaatip akunneranut nal. Akunneri 40 tiimit) suliffiuvoq Nuummilu qitiusumik katsorsaavitsinni inissisimalluni. Atorfimmut atatillugu angalasoqangaatsiartarnissaa naatsorsuutigineqassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
Paasissutissat allat
Atorfik kissaatigineqarpoq 01. november 2024 inuttalerneqarnissaa.
Atorfimmut tunngatillugu annerusumik paasisaqarnerorusukkuit, tikilluaqquneqarputit Innuttaasunut sammisumik sullissinermi immikkoortortami pisortaq Naja Lund Kielsen oqarasuaatikkut +299 346054 attavigissallugu imaluunniit e-mailikkut allassinnaavutit uunga: nalk@nanoq.gl.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job