Allaffimmiussarsiornermi aqutsisoq
Allaffimmiussarsiornermut Angerlarsimaffik Uulineq
Angerlarsimaffik Uulineq pillugu paasissutissat
Angerlarsimaffik Uulineq tassaavoq Kalaallit Nunaanni tamarmi autismespektrum forstyrrelserinik nappaateqartunut neqeroorut. Angerlarsimaffik Uulineq sisamanik immikkoortortaqarpoq; meeqqanut inuusuttunullu immikkoortortaq Uulineq (6-18-inik ukiulinnut), inuusuttunut immikkoortortaq Suluppaluk (16-25-inik ukiulinnut), inersimasunut immikkoortortaq Qiimaneq (18-inik ukiullit sinnerlugit) aamma immikkoortortaq Nigerleq.
Angerlarsimaffik Uulineq-p sulisut piginnaasaqarluartut tunngavigaat ataqqinninneq inummut, akisussaassuseqarneq aamma ilisimasaqarluarneq tunngavigalugu suliaqarneq; Uulineq-mi atorneqartut ilaatigut tassaapput: TEACCH, struktur aamma autismespektrum forstyrrelserinut attaveqatigiinnermik suliaqarneq. Innuttaasut aamma allatigut unammilligassaqarput autismespektrum forstyrrelserit saniatigut, taakkulu sulisut najugaqartunut sullissineranni eqqarsaatigineqartariaqarput.
Makku suliassarissavatit:
IRIS-imi naatsorsuutinik nalunaarsuineq
Kommunit akornanni akiligassat naatsorsuutigineqarneri
Sapaatip-akunneri qaammammilu naatsorsuutinik naammassinninneq
Aningaasaqarnermut pisortamut siunnersuineq
Angalanissat unnuisarnissallu inniminniineq
Sulisoqarnermut tunngasutigut inassuteqaatit/soraarsitsiortornerit
Aningaasaqarnermut malinnaaneq
Statuskontonik misissuineq
Aningaasaqarnermut ilitsersuutinik, atortulersuutinillu suliaqarneq
Angalanermut naatsorsuutinik saqqummiussineq
Akunnerit qaammammiillu akissarsianik suliaqarneq
Atisanik aningaasanillu tunniussisarneq
Ad-hoc suliassat
Naatsorsuutigaarput illit:
Aningaasaqarnermut/naatsorsuuserinermut tunngasumik ilinniagaqarsimasoq
IRIS-imik ilisimasaqarneq, aammalu Aqutsinermut paasissutissiineq
Suliffeqarfiup suliassaqarfiini akisussaassuseqartumik suliaqarnissamut kajumissuseqarneq
Fagit assigiinngitsut akimorlugit avatangiisini suliaqarnissamut kajumissuseqarneq, tassani ataasiakkaat tamakkiisumik aaqqiissutissanik ilanngussisarput
Piumassuseqarluarneq, sapiissuseqarneq aamma nuannersumik isiginnittaaseqarneq
Kalaallisut oqalussinnaaneq
Paasisaqarnerorusukkuit attavigineqarsinnaavutit:
Paasisaqarnerorusukkuit pisortaq Karen Larsen attavigineqarsinnaavoq oqarasuaatikkut +299 342610 imaluunniit kkst@nanoq.gl. Tullersorti Lillian Lennert Frederiksen oqarasuaatikkut +299 342611 imaluunniit lilf@nanoq.gl
Atorfininneq: 1. December 2024 imaluunniit isumaqatigiissuteqarnikkut
Qinnuteqarfissaq 07. Oktober 2024. Atorfinitsitsinissamut oqaloqatiginninnerit sapaatip akunnerani 43-mi naatsorsuutigineqarput. Qinnuteqartunik nalilersueqqissaartarnissarput pisinnaatitaaffigaarput.
Akissarsiat atorfinitsitaanerlu
Akissarsiat atorfininnermilu piumasaqaatit, ilanngullugit angalaneq angerlarsimaffimmullu nuunnermi pisinnaatitaaffiit, atorfinitsitaanermi isumaqatigiissut/ kattuffiup isumaqatigiissutaa naapertorlugu atuuttoq.
Ineqarneq
Atorfimmut inissamik innersuussisoqanngilaq. Qinnuteqartoq Namminersorlutik Oqartussani atorfeqareerpat inissamik pigisaqareeruni, taanna pigiinnarneqassaaq. Sulisunut inissiaq atorfininnermut attuumassuteqarpoq, atorfininnerlu naammassippat qimanneqassalluni.
Qinnuteqaat, CV, ilinniagaqarsimanermut uppernarsaatit, pikkorissarsimanermullu uppernarsaatit allallu attuumassuteqartut nassiuguk ”Qinnuteqaat nassiuguk” toorlugu.
E-mail aqqutigalugu qinnuteqaatinik tigusineq ajorpugut.