Allaffimmiumik pissarsiorpugut
Atorfillit 6.000-it sinneqartunut akissarsianut tunngasunik suleqataarusuppit?
Akissarsialeriffik allaffimmiumik pissarsiorpoq.
Namminersorlutik Oqartussat ataaniittumi Sulisoqarnermut Aningaasaqarnermullu Aqutsisoqarfimmi Akissarsialerivimmi pikkorissumik tunniusimasumillu allaffimmiumik suleqatissarsiorpoq.
Akissarsialerivimmi allaffimmiutut Namminersorlutik Oqartussani ataanilu immikkoortortaqarfiit akissarsianut tunngasut suleqataaffigissavatit.
Sulisoqarnermut Aningaasaqarnermullu Aqutsisoqarfiup Akissarsialerivik Aningaasaqarnermut Akileraartarnermullu Naalakkersuisoqarfiup ataani inissisimavoq.
Akissarsialerivimmi atorfik akunnermusialerisuni inissisimavoq, taamaattorli pisariaqarfinni suliassat qaammammusiaqartuni akunnermusiaqartullu akornanni suliaqarsinnaaneq pisariaqarsinnaavoq. Immikkoortortaqarfik ikioqatigiiffiunissaanut pingaartitsisoq, avitseqatigiiffiusoq, ilikkaqassanillu avitseqatigiiffiusoq neqeroorutigaarput.
Akissarsialerivimmi suleqatigiit katillugit quliupput, illillu immikkoortortami sulisoqarnermut aqutsisumut attuumassuteqassaatit.
Suliassatit pingaarnerit makkuupput
● Akissarsissutaasussat immiussuunneri
● Akissarsissutissat ingerlaartinneri aaqqissuuttarneri – tassunga ilanngullugit piffissaq eqqorlugu eqqortumillu akissarsititsisarnissaq
● Akissarsiassalerineq, tassungalu tunngasut bruttolønlister
● Mail-inik oqarasuaatikkullu saaffiginnissutinik suliaqartarneq
● Sulisunut tunngatillugu paasissutissat qitiusut nutartertarnissaat
● Akissarsianut tunngatillugu tassunga ilanngullugit nikingassutit nalunaarsortarnerinut peqataasarneq
● Allaffissornikkut suliareqquneqartut assigiinngitsut.
Makkununnga piginnaaneqarnissat naatsorsuutigaarput
● Assingusumik atorfeqarsimanikkut misilittagaqartuussaatit
● Akissarsiat pillugit isumaqatigiissutit assigiinngitsut sulisullu akileraartarnerannut maleruagassanik ilisimasaqassaatit
● Suliassallu suliassaqarfinnut assigiinngitsunut tunngassuteqartut suliarisarnissaanut nuannarinnittuussaatit
● Excel-imik atuisinnaassaatit
● Allattariarsornikkut oqaasiinnakkullu kalaallisut qallunaatullu piginnaasaqartuussaatit
● Aaqqissuusamik suleriaaseqartuussaatit, peqqissaartoq, pitsaassutsimik pingaartitsisoq akisussaassuseqartumik pitsaasumillu sullissinissamik pingaartitsisuullutit
● Nammineerlutit sulisinnaassaatit
● AU-mik allaffimmiutulluunniit ilinniagaqartutit.
● Suleqatigiilluni anguniagaqaqateqarsinnaaneq
Inuttut piginnaasat
Allaffimmiutut Akissarsialerivimmi atorfeqarnermi tamatigoorpoq, aningaasaqarnermut kisitsisilerinermullu paasisimasaqassaatit, akissarsialerinermilu misilittagaqarlutit, peqqissaartumik aaqqissuussamillu suliaqarsinnaassallutit. Iluarissavarput inuttut naammagittarsinnaassuseqarnissat, tunniusimasuunissaq, inussiarnersuunissarlu.
Misilittakkat aallaavigalugit akissaasersuisoqassaaq.
Atorfik pillugu annertunerusumik paasisaqarnerorusukkuit tikilluaqqusaavutit Sulisoqarnermut Aqutsisoq Ane Louisa Stick-Johnsen: alst@nanoq.gl attavigissallugu
Sulilerfissaq Marts aallaqqaataat 2025 imaluunniit immikkut isumaqatigiissusiornikkut.
Aningaasaqarnermut Sulisoqarnermullu Aqutsisoqarfik pillugu
Aningaasaqarnermut Sulisoqarnermullu Aqutsisoqarfik ulluinnarni taaneqartartoq ASA, Namminersorlutit Oqartussat ataani ataatsimoorussamik immikkoortortaqarfik. ASA ilaatigut akisussaaffigai Oqartussat naatsorsuutit, pilersaarusiukkamik niuerneq, isumaqatigiissutit, -akissarsiat aamma sulisut atugaat, HR-ineriartorneq, nutserineq kiisalu illu iluani inissianilu ingerlatsinermi asserfallatsaaliuineq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job