Akuleriinnik meeraateqarfik Puiaq Ernæringsassistentissarsiorpoq
Kommuneqarfik Sermersooq / Meeqqerivinnut atuarfeqarfinnullu ingerlatsivik
Ernæringsassistent akuleriinnik meeraateqarfik Puiaq / Job nr. 1247/24
Kommuneqarfik Sermersooq-mi akuleriinnik meeraateqarfik Puiami pikkorissumik pimoorussisumillu Ernæringsassistent-itut ilinniarsimasumik piaartumik atorfinittussamik pissarsiorpoq.
Meeqqerivik Puiaq akuleriinnik meeraateqarfik meeqqanut 64-inut amerlassusiligaavoq, init sisamaapput, meeraaqqanut 0-3-nik ukiulinnut init marluk, meeqqanut 3-6-inut ukiulinnut ini marluk.
Sulisunut 15-inut amerlassusiligaavoq.
Meeqqerivik Puiaq pinngortitami qaqqanut imarmullu qanittumi pinnersunik avatangiisilimmi Jagt vejimi inissisimavoq illorsuit marluk eqqaani.
Meeqqerivik 2007-mi ammarneqartoq.
Atorfiup imarisaa:
Misilittagalimmik Ernæringsassistent-imik pissarsiorpugut. Ulluinnarni nerisassiornermi ataani allaqqasunik suliassanik suliarinnissinnaasumik:
·Nerisassanik inniminniineq
·Nerisassiorsinnaasoq
·Nammineersinnaasoq
·Nerisassanut pilersaarusiornermi allanngorartunik nalimmassaaneq
·Sapigalinnut nerisassiorsinnaasoq
·Eqqiaanermut malitassat malillugit eqqiaasinnaasoq
Naatsorsuutigaarput:
·Ernæringsassistent-itut ilinniarsimasuunissat
·Meeqqanut peqqinnartunik nerisassiornermut misilittagaqartuunissat
·Sapigalinnut nerisassiorsinnaanissat
·0-6-inut ukiulinnut allanngorartunik nerisassiorsinnaanissat
·Nammineersinnaanissat
·Eqqiaanermut malitassat malillugit eqqiaasinnaanissat
·Suleqatikkuminartuunissat
·Nuannersumik ilakkuminartuusutit meeqqanut, sulisunut angajoqqaanullu
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Neqeroorutigisinnaavarput:
·Suliffik pilersaarusiorluagaq, avatagiisinillu atorluaanissaq
·Pikkorissarnissamut periarfissalik
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: pisortaq Lydia Mathiassen, oqarasuaat +299 36 67 80 imaluunniit e-mail: lydm@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1247-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 31.-at, 2024