Akuleriinnik Meeqqerivik Paarsisoq perorsaasumik pissarsiorpoq
Paarsisoq meeraaqqeriviullunilu meeqqeriviuvoq Illoqarfiup ilaani radiup qaqqaata tungaanut aqqummi inissisimavoq.
Paarsisoq meeqqanut 90-nut inissaqarpoq, meeraaqqerivimmi init pingasut meeqqanut 12-nut inissaqarlutik, Paarsisoq-mi meeqqat ininut imatut agguagaapput, init marluk nukarliit akulliillu akuleriillutik inissisimapput, inillu pingajuanni meeqqat marluk missaani ukiullit meeqqerivimmut nuunnissaanut piareersarfittut iniulluni.
Meeqqerivimmi init pingasut tamarmik 18-nik meerartallit, tassani meeqqat nukarliit akulliillu inini marlunni avillugit meeraataapput, inilu ataaseq atualertussanut iniulluni.
Paarsisoq illoqarfiup qeqqanut qanittumi inissisimavoq, 1969-mi meeqqerivittut atulerluni, kinngusinnerusukkullu meeraaqqerivimmik ilaneqarluni.
Sulisut 22-inut amerlassusiligaapput; aqutsisoq, aqutsisup tullia, immikkoortortami aqutsisoq, perorsaasut sisamat, barne/socialhjælperit arfinillit, ikiortit arfinillit, igasoq, ingaffimmi ikiorti aammalu eqqiaasoq.
Meeqqerivik Paarsisoq-mi meeqqerivitsialak aallavigalugu sulineq ingerlanneqartarpoq, ”Paarsisoq”-mi pingaartipparput meeraq qitiutillugu sulineq ingerlanneqartarpoq, killiliineq peqqinnartoq, ersarissumik meeqqanut paasijuminartumik aaliangiisarneq aammalu meeqqat isumaannik sammerusutaannik tusarniaanerit ingerlanneqartarlutik..
Paarsisoq-mi atuisunut tamanut meeqqerivimmik peqqinnartumik ineriartortumillu peqatigiilluta sanarfisarnissarput pingaaruteqarpoq.
Paarsisoq-mi naleqartitavut tassaapput:
∙ Perorsaaneq akuersaartoq
∙ Pinngortitaq perorsaanermi sakkussatut atussallugu
∙ Assigiinngitsuuneq ataqqineqarluni ataqqinnillunilu meeqqanut kaammattuinikkut ingerlanneqassasoq
∙ Ineriartortitsinermik inissaqartitsilluni meeqqat toqqissisimanartunik avatangiiseqartinnissaat.
Neqeroorutigisinnaavarput:
∙ Suliffeqarfimmi akisussaaffimmik tigusinissannut periarfissaqarlutit sunneeqataanissamut periarfissaqarlutit
∙ Suliffeqarfik sulisut suleqatigiilluartut imminnut ataqqisut
∙ Pikkorissarnissamut ilinniagaqarnissamullu periarfissaqarneq
∙ Angajoqqaat kajumissusillit meeqqallu alapernaatsut.
∙ Sulisut ikioqatigiillaqqissut imminnullu ataqqisut
Naatsorsuutigaarput:
∙ Perorsaasutut social assistentitulluunniit ilinniagaqarsimanissat
∙ Eqeersimaartuunissat akisussaaffimmillu tigusisinnaanissat
∙ Suliffipput pillugu perorsaanermut tunngasunik oqalliseqataasinnaanissat
∙ Nutaanik pilersitsisinnaanissat meeqqallu peqatigalugit perorsaanikkut sammisaqarneq nuannaralugu
∙ Ilakkuminartuussasutit meeqqanut, sulisunut angajoqqaanullu pitsaasuussasutit
∙ Aalajaattuusutit aammalu avatagiisinik ilisimaarinnillutit
∙ Aqutsinermik pikkoriffeqartutit
∙ Marlunnik, kalaallisut qallunaatullu oqaaseqaruit iluaqutaassaaq piumasaqaataanngilarli
∙ Meeqqerivinnut Immikkoortortaq meeqqerivinnut aqutsisoqatigiinnullu naleqqussakkanik pikkorissarnernik ingerlaavartumik neqerooruteqartarpoq.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: pisortaq Ululinanguak Kleist telefon: +299 36 67 60, e-mail: uluk@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 16-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: januaarip 28.-at, 2025