AKO Neriusaaq Perorsaasumik ataatsimik pissarsiorpoq
AKO-Neriusaaq Nuussuarmi inissisimavoq atuareernerup kingorna ornittagaalluni. 1.-2.-3 klassinut Nuussuarmi orniguttarfiulluni.
Pingaartitaraarput Neriusaaq meeqqanut angajoqqaanullu toqqisisimanartuunissaa.
Neriusaaq-ni pingaartitaraarput toqqammavigalugillu timip aalatinnissaa, Igaffik sammisaqarneq peqqinnartunillu nerisarnerup pingaartinneqarnera, assassorneq, isiginnaagassiorneq, pimmatiginninnerup akiorniarnera, suliffeqarfinnut pulaarneq, tamatuma saniatigut ataatsimoorluni qaammammut sammisaqaqatigiinneq ingerlanneqartarput.
Ulluinnaat:
Meeqqat toqqisisimasumik orniguttarfeqarnerat qulakkiigaavoq, inatsisit tunngavigalugit. Anguniakkanut tunngaviulluni meeqqat piginnaanngorsarnissai, imminnullu tatiginissaat qulakkiissallugu akaareqatigiinneq pingaartinneqarluni. Misigisassarsiortinneqarnissai orniguttarfimmiinnerminni nuannersumik qulakkiissallugu.
Atorfimmut perorsaasumut naatsorsuutigaatsigit, makku naammassisinnaagitit:
Perorsaasutut ilinniarsimasuussasutit, marluinnik oqaaseqassasutit, kalaallisut/qallunaatut.
Meeqqanut:
Akisussaasuusutit perorsaanikkut ilisimaqarluartuusutit, pilersaarusiullaqqissuusutit, naammassinnissinnaassuseqartuusutit pilersaarutivit piviusunngortinnissaanut.
Akisussaassuseqartuusutit aalajaatsuusutillu, ammasuusutit suleqateqallaqqissuusutillu.
Nuannaartuusutit maligassiuillaqqissuusutit suliumatuujullutillu.
Angajoqqaanut suleqatinnullu suleqateqarluinnarsinnaanissamullu aqqutissiueqataasassasutit, ulluinnarni sulisut sulinerat qulakkeersinnaagit ulluinnaat ingerlalluarnissaannik torersumik ileqqorissaartumillu qulakkeeruteqarluarsinnaasutit, illullu iluata silaannarissuunissaa qulakkiissallugu. Sulisunut angajoqqaanullu ersarissumik paasissutissiisartutit.
Aqutsisut suleqatigalugit eqqumaffigisassat ilagaat sulinerup patajaatsumik ingerlanera qulakkeersinnaagit.
Atorfininneq pissaaq:
01/10-2024 immaqaluunniit isumaqatigiissuteqarnikkut.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Tina Silassen, oqarasuaat +299 36 71 75 imaluunniit e-mail: tins@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 923-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: septembarip 23.-at, 2024