AKO Miniklub Qinngorput meeqqerisumik imaluunniit isumaginninnermi ikiortimik pissarsiorpoq
Atuareernerup Kingorna Ornittagaq AKO Miniklub Qinngorput meeqqerisumik imaluunniit isumaginninnermi ikiortimik pissarsiorpooq 1. jan. atorfinittussamik: imaluunniit isumaqatigiissuteqarnikkut. Atorfik tamakkiisumik atorfiuvoq.
AKO Miniklub Qinngorput pillugu AKO Miniklub atuartunut 1. – 3.-nut atuareernerup kingornga onittagaavoq meeqqanut 180-inut inissaqartoq, maannakkut 138-inik meeraateqarpugut, 6-niit 9-inut ukioqartut. Sulisut ukuupput pisortaq tullersorti perorsaasut meeqqerisut isumaginninnermilu ikiortit, asaasoq ilanngullugu, maannakkut sulisut 19-iupput, meeqqanut immikkut pisariaqartitsisut tapersersortaat ilanngunnagit.
Atuareernerup kingornga ornittaqaq ammasarpoq nal. 7.00-imit 17.00-mut Qinngutsinni Atuarfik Hans Lyngip eqqaani illumi sungaartumi.
AKO-ni tamani pisussaaffiulernikuuvoq, atuartut atuarnerata nalaani atuartitsinermi peqataasarneq, taamatut atuartitsineq sulisumut ataatsimut annerpaamik sapaatip akunneranut marloriaq pisarpoq, pineqarlunilu ullormut soorlu akunnerit 4-t missaani atuartut atuarneranni tapersersueqataasassasut, tassanilu siunertaavoq meeqqap atugarissaarnissaa pitsaanerusumillu atuagarsornissaminut malinnaasarnissaa.
Makku pingaartitaraagut:
∙Ornittakkap kajungernartuunissaa
∙Meeqqat toqqissisimanissaat, taamatullu toqqissisimasumik peroriartornissaat
∙Angajoqqaanik, atuarfimmik, allanillu suleqateqarluarneq
∙Suleqatinut ammasuunissat, taamatullu meeqqanut qanilaartuunissat
∙Meeqqat ullormut sammisassatigut angusaqarsimasutut misigalutik angerlartarnissaat
∙Pilersaaruteqartuaannarnissaq
Naatsorsuutigaarput illit:
∙Meeqqerisutut isumaginninnermi ikiortitut ilinniagaqarsimassasutit assingusumilluunniit
∙Meeqqanut inatsisit, FN-illu meeqqat pisinnaatitaaffii maleruarneqarnissaannut qulakkeerinneqataasinnaasutit
∙Meeqqanik sullissaqarusussuseqartuusutit
∙Suliannut ilisimannippalaartumik periuseqartutit
∙Inissaqartitsillutit allanngornissamullu piareersimallutit
∙Meeqqanut, sulisunut angajoqqaanullu tusaajumassuseqartutit
∙Meeqqat pisariaqartitaat aallaavigalugit pilersaarusiorsinnaassuseqarlutit
∙Uummaarillutit suleqataalluartuunissat suliffiullu nuannersuunissaanik pingaartitsillutit Anguniarnissaanut peqataallutit suleqataanissat
∙Suliatigut piginnaasaqarluartoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Makku neqeroorutigisinnaavagut:
∙Illu nutaajusunik avatangiiseqartitsisoq
∙Suliffik eqeersimaartoq
∙Suleqatigiit qiimasut
∙Perorsaariaatsinik pingaartitsisut
∙Sulisut ammasut meeqqanut qanilaartut
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Gerda W. Lyberth, oqarasuaat +299 36 69 61 imaluunniit +299 36 64 56 imaluunniit e-mail: gely@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1213-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 12.-at, 2024