AKO Atuarfik Inussuk ilinniartitsisumik isumaginninnermik suliaqartussamik ujaasivoq
AKO-mi sammisaqartitsinermut toqqissisimatitsinermullu peqataarusuppit? Suleqatigiilluarfiusumut peqataarusupit? Ataatsimoorfiusumik akuersaartumillu ineriartorfiusumut.
Taava ilinnut suliffissaqartitsivugut!
Atuarfik Inussuk - Nuummi atuarfimmi nutaami 2024 ammartussami– AKO Illu Narsarmiutallu atuarfiillu marluk meerartaanik suleqataasunillu ataatsimuulersuni suleqatiginninneq piareersimaffigineqassaaq.
AKO aamma Atuarfik
Atuareernerup nalaani kingornalu uatsinnut pingaaruteqarluinnarpoq toqqissisimaffiusumik pinnguarnermik periarfissaqartitsinissaq aammalu piareersariikkanik sammisaqartitsinissaq aalatitsinertalinnik.
Socialpædagogitut AKO nutaami meeqqat 300 missaat sullisissavatit pingasunut agguarsimasuni gruppe 100 missaani meerartalimmi. AKO Atuarfik Inussummut ilaalluinnarpoq atuarfiup pingaartitai pingaartinneqartut. AKO nutaaq AKO Illu Narsarmiutarlu ataatsimuulerfigissavaat, Atuarfik Inussuttuulli sinaakkuteqassaaq. Atuarfiup ammarneraniik meeqqanik sullissineq aallartittassaaq aatiffiup tungaanut.
-AKO 37 missaani sulisoqassaaq, uanilu Atuarfik Inussuk pillugu paasisaqarnerusinnaavutit:
https://sermersooq.gl/da/2023/08/den-nye-skole-i-nuuk-har-faaet-sit-navn/
https://sermersooq.gl/da/den-nye-skole-i-nuuk/
Ataatsimoorneq
Atuarfik Inussuup kissaatigaa suleqatigiilluarnissaq, tassani akuersaartumik ataatsimoorfiusumik ineriartorfiusoq pilersissallugu. Attaveqatigiinneq pitsaasoq aallaavigalugu atuarfik AKO-lu angusaqarfiusumik akisussaaqatigiissumik suliffiunissaa pilersissavarput. Ilikkarsarneq ineriartornerlu pitsaasumik ineriartortinneqarnissaat suleqatigiissutigineqassaaq, ataatsimut suleqatigiilluarnikkut asaasuniit, aqutsisunut, allaffissortunut inunnik isumaginnittunut aamma ilinniartitsisut socialpædgogillu pedelillu akornanni.
Neqeroorutigissavarput:
Suliffik pissanganartoq ineriartornissamut periarfissalik socialpædagogitut aamma inuttut. Aturfik AKO-lu atuleqqaarfianiik ilusilersueqataanissamut periarfissaqsarneq. Socialpædagiotut qanimut suleqatinit aqutsisunillu ilitsersorneqassaatit aamma suleqatinit aqutsisunillu avitseqateqassaatit suliffimmi toqqissisimanissat anguniarlugu.
Socialpædagogitut uku suleqataaffigissavatit:
-Perorsaanikkut ineriartuutaasunut pilersaarusiorneq piviusunngortitsinerlu.
-Perorsaanikkut timitalersuinermullu akisuusinnaaneq.
-Angajoqqaanut oqaloqatiginnissinnaaneq.
-Nukittuumik perorsaanikkut tunuliaqutaqarneq.
-Suliffeqarfiup avatagiiseqarluarnissaanut maligassiuisoq.
-Socialpædagogitut ilinniagaqarsimanissaq imaluunnit assigisaanik ilinniarsimaneq.
-Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: AKO-mi aqutsisoq Ivalo Thorin, oqarasuaat +299 36 67 13 imaluunniit e-mail: ivat@sermersooq.gl imaluunniit Atuarfik Inussummi nukarlerni pisortap tullersortaa Inger R. Andersen, oqarasuaat +299 36 62 03 imaluunniit e-mail: inre@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 930-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 1.-at, 2024