Air Greenlandimut Chief Operating Officer (COO)
Maanna COO-rput soraarninngorniarluni aalajangermat, Chief Operationel Officer(COO)/Accountable Manager-itut (AM) atorfinittussamik pikkorissumik periusissiornermillu eqqarsarsinnaasumik, ataatsimut isigalugu nukittuumik aqutsisinnaasumik, teknikkimut tunngasunik paasisimasaqartumik, aammalu sulisut ataatsimoorlutik iluatsitsisinnaalernissaannut kaammattuinermi ineriartortitsinermilu ersarissumik pitsaasumillu sulisinnaassuseqartumik pissarsiorpugut. Air Greenlandip sullissinerini ingerlatsinermut pingaarnertut akisussaasuussaatit, tassungalu isumannaallisaanerup qaffasissumik ingerlaannarnissaanut, kiisalu sullissinerit pitsaasumik sullitallu siunnerfigalugit ingerlanissaannut akisussaaffeqarneq ilaatinneqarpoq.
Pisortanut qullersaasunut ilaalissaatit, aammalu Air Greenland Group-imi CEO toqqaannartumik qullersarissallugu.
Suliassat pingaarnerit:
- Inatsisinik malinninneq: Timmisartuutileqatigiiffiup sullissinermini aserfallatsaaliuinerminilu silaannakkut angallannermut maleruagassanik peqqussutinillu attuumassutilinnik malinninnissaanik qulakkeerisarneq, taakkununngalu EASA, IOSA, BARS najukkanilu oqartussaasut piumasaqaataat ilaatinneqarput
- Safety: Ulorianartorsiorfiusinnaasut paasiniarlugit, naliliiffiginiarlugit ikiorsiiffiginiarlutillu safety management system-ip (SMS) qajannaatsumik ingerlannarnissaanik isumannaarisarneq.
- Sullissinernik nakkutilliineq: Ilaatigut LEAN-imi sullisseriaatsit sakkussallu atorlugit atuisut iluarisimaarinninnerisa qaffasinnissaannik, naammassisinnaasat amerlanissaannik isumannaallisaanerullu qaffasinnissaanik qulakkeeriniarluni ulluinnarni sullissinernik nakkutilliineq.
- Aqutsineq sungiusartarnerlu: Sulisut tamarmik suliffeqarfimmut naapertuuttumik, inatsisit akuersissuteqarfiillu assigiinngitsut malillugit suliassaminnik isumaginnissinnaanissaannut eqqortumik sungiusarnissaannik piginnaaneqarnissaannillu qulakkeerisarneq.
- Isumalluutinik aqutsineq: Suliffeqarfiup sullissinermi isumalluutaanik aqutsineq, taakkununngalu sullissinikkut pisariaqartitat taperserniarlugit, aamma unammillersinnaasunik aningaasartuutit qaffasissusissaannik qulakkeeriniarluni sulisut, aningaasaliissutit atortullu ilaatinneqarput.
- Pitsaassutsinik nakkutilliineq: Suleriaatsit suliallu ingerlasarnerisa tamarmik akuttoqatigiinnik misissuisarnikkut naliliisarnikkullu pitsaassutsinik qaffasinnerpaanik naammassinniffiunissaannik qulakkeerisarneq.
- Oqartussaasuniit apeqquteqaataannik isumaginninnissamut atatillugu timmisartuutileqatigiiffik sinnerlugu saqqummertarneq.
- Aqutsinermi akisussaaffiit: Aqutsisoqatigiit arfineq marluusut aqussavatit, aammalu toqqaannanngitsumik sulisut 400-t missaanniittut aqussallugit.
Suliassat pingaannginnerusut:
- LEAN performance: Kajumiffiusumik tunniusimaffiusumillu kultureqarnissaq qulakkeerniarlugu LEAN-imik aallaaveqarneq pillugu NP-nut pisortanullu tapersersuineq
- Safety Review board: Isumannaallisaanermi suliniutit angusanullu malinnaanerit pilugit qaammatit pingasukkaarlugit ataatsimiittarneq.
- Suliassat suliassaqarfinnik akimuiffiusut: Suliassanut, aaqqissuussaanermi suliaqarfiit assigiinngitsut akimorlugit suliarineqartunut suleqataasarneq.
Piginnaaneqarfiit:
- Ilinniagaq: Timmisartuussinermik inuussutissarsiuteqarnermi sullissinermut attuumassutilimmik ilinniagaqassaatit, kiisalu pisortatut qaffasissumik, ajornanngippallu sulianik aqutsinermik LEAN-imillu ilaqartinneqartumik ilinniagaqassallutit
- Misilittakkat: Sullissivinnik, ajornanngippat silaannakkut angallassivinni aqutsineq misilittagaqarfigissavat, aammalu malittarisassat akuersissutillu, timmisartuutileqatigiiffinnut atuuttut sungiusimassallugit (soorlu EASA).
- Piginnaaneqarfiit: Aqutsisinnaaneq nukittuffigissavat, aningaasaqarnermut tunngasut ilisimaarissallugit, aammalu sulianik aqutsinermik misilittagaqassallutit. Aqutsinissamut kajumittuuneq isumannaallisaanermillu eqqumaffiginnilluarsinnaaneq piginnaaneqarfissatut pisariaqartinneqarput.
- Oqartussaasuniit AM-itut akuerineqarsinnaassaatit
Inuttut piginnaaneqarfiit:
- Suleqateqarsinnaaneq: Aaqqissuussaaneq akimorlugu pisortanik allanik sulisunillu suleqateqarnissamut piginnaaneqarneq.
- Kaammattuisinnaaneq: Suleqatitit pitsaanerpaamik sullissinissamut kaammattorsinnaassavit ineriartortissinnaassallugillu.
- Aningaasaqarnermik eqqumaffiginninneq: Aningaasaqarneq eqqarsaatigalugu sullissinikkut anguniagassat oqimaaqatigiississinnaassavatit.
Aamma danskisut tuluttullu oqaatsinik eqarfeqarnak allassinnaassasutit oqalussinnaassasutillu naatsorsuutigineqarpoq. Kalaallit oqaasiinik ilisimasaqarneq aammalu ataatsimut isigalugu Kalaallit Nunaanniit misilittagaqarneq iluaqutaassaaq, piumasaqaataanngilarli. Aamma soorunami Kalaallit Nunaanni inuunissamut, taamaalillutillu qeqertami pinngortitamik kulturimillu pissanganartumik misigisaqarsinnaanissamut kajumissuseqarnissat aalajangiisuunerpaassaaq.
Air Greenlandimiit neqeroorutigineqarput
Atorfiup suliatigut inuttullu ineriartornissamut periarfissaqarfiunerata saniatigut, suliffeqarfiup ineriartorneranut suleqataassaatit aammalu sulisut piginnaanillit suleqatigissavatit.
• Atorfik atorfeqarnermi pilerinartunik atugassaqarfiusoq, atorfimmi inunnut ataasiakkaanut piumasaqaatit naapertorlugit akissarsiaqartitsiffiusoq
• Tamatuma saniatigut ilaqutariit ukiumoortumik sulinngiffeqarneranni angalanermut akiliunneqarnissaat, soraarnerussutisiassat sillimmasiissutillu ilaatinneqarput
Air Greenlandimi suliassat takorluukkallu:
Atorfik pillugu apeqqutissaqaruit Partner Dorthe Flies, Flies HR-imeersoq mobil +299583117, +4560833117-imut imaluunniit dorthe@flieshr.dk aqqutigalugu attaveqarfigisinnaavat.
Flies HR-imiit atorfimmik inuttassarsiuineq ingerlanneqarpoq, taamaattumillu saaffiginnissutit tamarmik tassunga ingerlatinneqassapput. Oqaloqatigiinnissamut qinnuteqartunik piukkussanik ingerlaavartumik aggersaasarpugut.
Atorfik pillugu allanik apeqqutissaqaruit CEO Jacob Nitter +299 522310-mut attaveqarfigisinnaavat.
Tusarfiginissat qilanaaraarput.
Air Greenland
Air Greenland pillugu paasissutissanik amerlanerusunik nassaarsinnaavutit, uani: www.airgreenland.gl