Ado Lyngep Atuarfia Isumaginninnermik Perorsaasumik pissarsiorpoq
Ado Lyngep Atuarfia isumaginninnermut perorsaasumik pissarsiorpoq
Namminersorlutik Oqartussat, isumaliortaatsimikkut innarluutilinnut atuarfianni, Ado Lyngep Atuarfiani Aasianniittumi, isumaginninnermut perorsaasumik, atuarfiup ineqarfiutaani 9. December 2024 imaluunniit isumaqatigiissuteqarnikkut sulilersussamik pissarsiorpoq.
Ado Lyngep Atuarfia isumaliortaatsimikkut innarluutilinnik 16-inik atuartuuteqarpoq. Atuartut 14-iniit 20-it akornanni ukioqarput angerlarsimaffitsik qimallugu immikkut ittumik atuartuunissamut pisariaqartitsisut. Atuarfiup siunertaraa, atuartut atuarnerminnik ingerlatitseqqissinnaanerat annertusassallugu, imlt. ulluinnarni inuunermi, sapinngisamik inuiaqatigit akornanni nammineersinnaanerusumik inooqataalersinnaanerat siunertaralugu sungiusassallugit.
Siunertap taamaattup pisariaqartilluinnarpaa, ilinniartitsisut, perorsaasut ikiortillu akornanni suleqatikkuminartuunissaq.
Atuarfiup angerlarsimaffittaani sulinerit nikerartuupput, ullaakkoortut, ullukkoortut, unnukkoorlutillu sulisarlutik. Sapaatip akunnerisa naaneri allortarlugit aamma sulisarlutik.
Ado Lyngep Atuarfiani sulisut tassaapput: Atuarfimmi pisortaq, pisortap tullia, ilinniartitsisut, perorsaasut, ikiortit, pedel, asaasorlu.
Perorsaasunut tunngatillugu:
Akissarsiat atorfinititsisarnerlu, ulloq unnuarlu perorsaasutut sulisut pillugit, Kalaallit Nunaanni Naalakkersuisut aammalu Nuntasinni Perorsaasut Kattuffiata NPK-p akornanni isumaqatigissutit atuuttut naapertorlugit ingerlanneqassapput.
Perorsaasumik atorfininnermut atatillugu inissaqartitsisoqanngilaq.
Atorfininnermut atorfeqarunnaarnermullu tunngatillugu angalanerit, isumaqatigiissutit qulaani pineqartut naapertorlugit pissapput.
Annertunerusumik paasisaqarusukkuit atuarfiup pisortaata tullia Aqqalu Siegstad saaffigisinnaavat, tlf : 89 23 45 , imlt. mobil: 24 04 74, imaluunniit allaffingaluta uunga email : adolynge@adolynge.gl
Qinnuteqarnermut atatillugu ilinniagaqarsimanermut uppernarsaatit , siornatigullu suliffigisimasanut tunngasut , oqaaseqaatit assigisaallu , qinnuteqaammut ilanngullugit uunga nassiunneqassapput :
Ado Lyngep Atuarfia
Ikerasannguup Qaava 2 - 4
Postbox 320
3950 Aasiaat
Qinnuteqaat tingoreersimassuarput ulloq 5.december-2024.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.