Aaqqissuussinermi perorsaanermilu siunnersorti susassaqartitsinerni ataqatigiissaarisoq
Aaqqissuussinermi perorsaanermilu siunnersorti susassaqartitsinerni aaqqissuussinernilu ataqatigiissaarisutut suliaqartussaq
Meeqqanut, inuusuttunut innuttaasunullu tamanut isumalinnik susassaqartitsinermi pilersitsinissat soqutigilluinnarpiuk? Susassaqartitsinermi kulturimullu tunngasuni atuartitsineq, susassaqartitsinermut tunngasunik aaqqissuussinernillu pilersaarusiorneq soqutigilluinnartuuigit? Taava atorfik ilinnut naleqquttuuvoq!
Kommuneqarfik Sermersuumi susassaqartitsinermut aaqqissuussinermullu perorsaanermi siunnersortitut ataqatigiissaarisutullu sunngiffimmi atuartitsinermi ineriartortitsineq ingerlatsinerlu qitiusumik inissisimaffigissavat aammalu ulluinnarni sulinngiffeqarnerullu nalaani susassaqartitsinernik aaqqissuussisassallutit. Suleqammik tunniusimasumik akisussaaffeqartumillu ujartuivugut, perorsaanermi ilisimasanik ataqatigiissitsisinnaasumik peqatigiiffiit, atuarfiit, kulturimik suliaqarfiit susassaqartullu allat akimorlugit suleqatigiissitsisinnaasumik. Piffissap ilaani unnukkut sapaatillu akunnerata naanerani sulisarnissaq kiisalu angalasarnissaq naatsorsuutigineqassaaq.
Immikkoortortaavugut qulinik sulisulik, suliassaqarfimmilu ilaatigut sunngiffimmi atuartitsinerit, peqatigiiffinnut tapiissutit, klubbit, eqqumiitsuliortut, kulturimik isumassarsiorfik, Suialaa Arts Festival kiisalu innuttaasunut aaqqissuussinerit allat suliarisarpagut. Tamatuma saniatigut kommunimi tamarmiusumi immikkoortortaqarfiup ataaniittunik suliffeqarfeqarpoq, soorlu naluttarfik, nipilersornermik ilinniarfiit, timersortarfiit, katersortarfiit, katersugaasiviit, ammeriviit allarpassuillu.
Suliassatit pingaarnerit makkunannga ilaqassapput:
∙Sunngiffimmi atuartitsinermi kulturimullu tunngasuni ataqatigiissaarineq ingerlatsinerlu, assersuutigalugu makkunani marriorneq, timersorneq, nipilersorneq aammalu assassornermut tunngasut.
∙Meeqqanut inuusuttuaqqanullu meeqqat atuarfiini atuanngiffeqarnermi sammisassaqartitsinernik pilersaarusiorneq naammassinninnerlu.
∙Susassaqartitsinermi kulturimilu ineriartortitsineq ikorfartuinerlu susassaqartut attuumassuteqartut suleqatigalugit.
∙Peqatigiiffinnik, atuarfinnik, kulturimik ingerlatalinnik aamma piumassutsimik suleqataasunik suleqateqarneq.
∙Perorsaanermi siunnersuineq aammalu sunngiffimmi atuartitsinermilu neqeroorutinik ineriartortitsineq.
∙Workshoppertitsinissanik, pikkorissartitsinissanik isumassarsiorfissanillu pilersaarusiorneq.
∙Sammisanik aaqqissuussinernillu ataavartumik inerisagassanik ingerlatitseqqiineq.
∙Kommunimi suleqatinik kiisalu avataaniit suliaqartunik assigiinngitsunik suleqateqarneq.
Naatsorsuutigaarput:
∙Naleqquttumik perorsaanermik, kulturimut tunngasunik imaluunniit ilinniagartuutut allatut iliniarsimasutit.
∙Atuartitsinermi neqeroorutinik aaqqissuussinernillu pilersaarusiornermi ataqatigiissaarinermilu misilittagaqartutit.
∙Aaqqissuussaasumik suliaqarsinnaasutit aamma namminersorsinnaasutit nikerartumik sullissiumassuseqartumillu suleriaaseqartutit.
∙Oqaatsitigut allattariarsornikkullu attaveqarsinnaalluartutit
∙Marlunnik oqaaseqartuusutit, kalaallisut qallunaatullu (iluaqutaassaaq kisianni piumasaqaataanngilaq).
∙Ulluinnarni ulapaarfiusuni allaffissornermi suliassanik suliarisassanillu oqimaaqatigiissaarisinnaasutit.
Ilinnut neqeroorutivut:
∙Immikkoortortami pikkorissunik tunniusimasunillu sulisulimmi suliffik pissanganartoq.
∙Meeqqanut inuusuttunullu susassaqartitsinermi allannguinissamut periarfissaqarneq.
∙Suliffik allanngorartoq ineriartornermik aamma assigiinngitsunik suleqateqarnermik ukkassiffiusoq.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Atorfiniffissaq:
1. april 2025 imaluunniit isumaqatigiissuteqarnikkut
Inissaq:Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Jonas L. Nilsson, oqarasuaat +299 36 75 23 imaluunniit e-mail: jonl@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 130-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 27.-at, 2025