Aalisarnermut, Piniarnermullu Naalakkersuisoqarfik aningaaqarnermut, allaffissornermut sulisoqarnermullu immikkoortortaqarfimmi pisortassarsiorpoq
Aalisarnermut, Piniarnermullu Naalakkersuisoqarfik, ineriartortitserusuttumik aqutsisutullu misilittagalimmik Aningaaqarnermut, Allaffissornermut Sulisoqarnermullu immikkoortortaqarfimmi pisortassarsiorpoq. Pisortatut siuttuuffigissavatit, Naalakkersuisoqarfimmi immikkoortortaqarfimmilu ulluinnarni suliassatit ilaatigut tassaasut; missingersuusiorneq aamma naatsorsuuserineq, Inatsisartut aningaasanut inatsisaat, allaffissorneq aamma sulisoqarnermut tunngasut, taakkunanilu immikkoortortaqarfiup Naalakkersuisoqarfimmi immikkoortortat sinneri aamma sullittassallugit, tamakkiisumillu akisussaaffigalugit.
Aningaasaqarnermut, Allaffissornermut Sulisoqarnermullu immikkoortortaqarfimmi Pisortatut siuttuuffigissavatit, suliniutit inerisaanerillu amerlasuut pissanganartullu piffissamut qanittumut ungasissumullu anguniarneqartut, taamaattumik pingaartipparput tamakkuninnga suliaqarnissat pilerinartuutissagit. Inuttut alapernaattuussaatit paasisaqarusuttuullutillu, ilisimassallugulu suliffimmi suleqatinillu allanik avataaneersunik suleqateqarluarnissap pingaaruteqassusia. Pingaartinneqarpoq suliassanik amerlasuunik ataatsikkut ingerlatsisinnaanissaq, sulisunut qanilaartuunissaq, taakkununngalu ineriartortitseqataasoq.
Naalakkersuisoqarfik arfinilinnik immikkoortortaqarfeqarpoq, ukuusunik: Aalisarnermut immikkoortortaqarfik, Piniarnermut Aallaarniarnermullu immikkoortortaqarfik, Aningaasaqarnermut, Allaffissornermut Sulisoqarnermullu immikkoortoqarfik Inatsisilerinermut, Aningaasaqarnermut Pilersaarusiornermullu immikkoortortaqarfik, Kalaallit Nunaanni Uumasunut Nakorsaqarfik Inuussutissalerinermullu Oqartussaaffik aamma Aalisarsinnaanermut Piniarnermullu Nakkutilliisoqarfik. Naalakkersuisoqarfik 52-inik sulisoqarpoq, Aalisarnermut Piniarnermullu Nakkutilliisoqarfik 56-inik sulisoqarluni.
Aningaaqarnermut, Allaffissornermut Sulisoqarnermullu immikkoortoqarfik tallimanik sulisoqarpoq, marlunnik ilinniartoqarluni, ataaseq immikkoortortaqarfimmi pisortaalluni. Naalakkersuisoqarfimmi immikkoortoqarfiup aningaasaqarnera pigaarnertut suliassaraa, missingersuusiornera, naatsorsuusiornera, Inatsisartut aningaasanut inatsisissaata suleqataaffiginera, allaffissorneq, immikkoortortanut allanut sullissinerit aamma sulisoqarnermut tunngasut.
Naalakkersuisoqarfik pisortaqarpoq, immikkoortortani pisortat arfiniullutik - pisortaqatigiillutik. Immikkoortortami pisortassap ulluinnarni aqutsinermi pisortaqatini qanimut suleqatigissavai.
Akisussaaffiit
Immikkoortortaqarfimmi pisortap pingaarnerpaatut suliassai tassaapput Pisortaanermut pisortaqatiminullu tunngavilersorluakkamik siunnersuisinnaaneq sullissinerlu, Naalakkersuisoqarfiullu ingerlaavarnissaa qulakkiissallugu. Tassungalu ilaapput akisussaaffigissallugit Inatsisartut aningaasanut inatsisissaanut suliaqarnermi suleriaasissanut aqqutissiuinissaq Naalakkersuisoqarfiup akisussaaffiisa iluani, taakkulu tunngavigalugit missingersuusiornerit taakkulu malitseqarnissaat qulakkiissallugu. Immikkoortortaqarfiup taamatuttaaq akisussaaffigai, allaffissornerit sulisoqarnermut tunngasut, paasissutissiineq-, attaveqaqatigiinnerlu, Pisortaanermullu allattaanerit. Immikkoortortami pisortaq pisortaqatigiinni suleqataassaaq, peqataassallunilu piorsaanermut suliniutinut, sulianullu aaliangigassanut.
Suliassat:
Immikkoortortaqarfimmi pisortap pingaarnertut makku suliassarai:
Inatsisartut aningaasartuutissat inatsisaannik immikkoortortaqarfimmut tunngasumik suliarinninneq, missingersuutinik malitseqartitsineq
suliffeqarfimmik ineriartortitsineq aamma attaveqaqatigiittarnernik akisussaaffinnullu tunngasunik pilersitsinerit kiisalu Naalakkersuisoqarfimmi immikkoortortaqarfiusunilu aqutsisoqatigiinnut tunngatillugu ataatsimiinnermi soqutiginaatilinnut tunngatillugu suliarinninneq.
Inuttalersuinermut – sulisoqarnermullu tunngasutigut suliassat erseqqarissumik allaaserisat malillugit
Suliassanut akisussaaffinnullu agguaanneqarsimasunut suliassanik pilersaarusiortarneq isumalluutinillu atuineq
Sulianut tunngasunik ineriartortitsinernut aaqqissuussinernullu sulianik naammassinninnissamut qulakkeerinerit, aammalu pisortaaneq naalakkersuisoqarfiullu immikkoortortai tamakkerlugit sullinnissai
Inatsisit malittarisassallu atuuttut naapertorlugit ingerlatsinermut inatsisit malinneqarnissaanut akisussaasuuneq
Naalakkersuisoqarfimmi allaffissornikkut najoqqutassat, ingerlatseriaatsit, pitsaassutsimullu piumasaqaatit nalinginnaasut piviusunngortinnissaanut peqataasarneq.
Politikikkut aqutsisut aalajangiinissamut tunngavissaanik suliarinnittarnerit pitsaassusaanik qulakkeerinninnissamut peqataasarneq aamma suliassani aallaserineqartuni politikikkut aalajangikkanik piviusunngortitsisarnerit, Naalakkersuisoqarfiup pisortaanik isumaqatigiissutaasutut
Naalakkersuisoqarfinnut assigisaanullu allanut tunngatillugu Naalakkersuisoqarfiup sulianik naammassinnittarnerit ataqatigiissaarinernilu peqataasarneq, taakkua ilagalugu immikkoortortanik suliffeqarfinnillu ataqatigiissaarinerit Naalakkersuisoqarfiup suliarineqartarnerani ataqatigiissaarinermut, aalajangersarsimasut aalajangersarneqartulluunniit killigititaasut iluini.
Piginnaasanut piumasaqaatit:
Pisortassarsiorpugut tamatigoortoq ineriartortitseqataarusuttoq, aqutsinermut tunuliaqutalik aningaaserinermullu milisittagaqarluartoq. Atorfiup inuttalernissaanut uku isiginiarneqarnerussapput:
Aqutsisutut qaffasissumik misilittagaqarneq, aningaasaqarnermilu akisussaassuseqarneq, kissaataavorlu pisortaqarfinni aningaasaliissutinik suliaqarsimaneq
Suliffeqarfimmi politikikkut aqunneqartumi sulinermik misilittagaqarneq
Suleqatikkuminartoq, ammasuuneq suleriataarsinnaassuseqarneq, anguniagaqartuuneq, itisiliilluarsinnaassuseqartoq, suliassanillu takunnissinnaassuseqartoq ulapiffimmiikkaluarluniluunniit.
Suliassanik pingaarnersiuisinnaaneq, siumullu isigaluni suliassanik pilersaarusiorsinnaaneq, sunneeqataasinnaassuseqarneq aammalu ersarissunik sulianik inaarinnissinnaassuseqarneq
Iliuuseqarnissamut piumassuseqarneq, saqqumisumik aqutsisinnaaneq, suleqatikkuminartuuneq
Naalakkersuisoqarfiup pingaarnertut suliassanik suliaqarnermi, suleqatigisat qanimut avataaniittullu tamakkiisumik peqataatitsisinnaassuseqarneq
Suliniutinik anginernut aqutsisinnaassuseqarneq, ataqatigiissaarisinnaaneq, pitsaasumillu naammassinnissinnaassuseqarneq
Naalakkersuisoqarfiup akisussaaffiinut tunngasut ilaasa tamakkiisulluunniit iluani sulianut tunngasutigut misilittagaqarneq
IT-mik atuisarnermik ilisimasaqarluarneq aammalu IT-kkut atortussanik nutaanik ilinniagaqarnissamut Naalakkersuisoqarfimmi atorneqartartunik ammasuuneq.
Attaveqaqatiginnissinnaalluarneq kalaallisut danskisullu oqalussinnaaneq kiisalu tuluttut pitsaasumik piginnaasaqarneq
Attavissaq/paasissutissat:
Atorfimmut tunngatillugu paasisaqarnerorusukkuit, Naalakkersuisoqarfiup pisortarigallagaa Katrine Kærgaard, oqarasuaat +299 34 53 65, katk@nanoq.gl attaviginissaanut tikilluaqqusaavutit.
Qinnuteqarfissaq
Atorfimmut qinnuteqarnissamut killigitinneqarpoq ulloq 22. september 2024.
Piaartumik atorfinitsitsisoqassaaq, isumaqatigiissuteqarnikkulluunniit
Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.
Aningaasarsiat aalajangersimasunik aningaasarsianut ilallit LR 38-mi 1. April 2022-miit qaammammut 56.910,- koruuniupput ukiumullu 682.930,- koruuniullutik.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.
Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.
Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.