1 immikkoortortaqarfimmi pisortaq Angerlarsimaffik Qasapermiut-mut Sisimiuni
Angerlarsimaffik Qasapermiut, immikkoortortami Aqutsisussarsiorpoq.
Atorfininnissamut ulluliussaq: 1.1 2025 Imaluunniit isumaqatigiinneq aallaavigalugu.
Qasapermiut pillugu:
Qasapermiut Sisimiuniippoq, Kalaallit Nunaanni. Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik ataaniittoq Meeqqanut inuusuttuaqqanullu sumiginnagaasimasunut 13 aamma 17-inik ukiulinnut nunarput tamakkerlugu inissiiviuvoq. Inissitat meeqqat inuttut aqqusaagaqartuupput sumiginnaagaasimanermik tunngaveqarsinnaasumik, nunarput tamakkerlugu inissiisarfiuvoq.
Perorsaariaaseq Qasapermiuni tunngaviatigut perorsaariaaseqarpugut imaak; Tunngaviatigut eqqarsartariaatsikkut ilisarsisarnikkut, meeqqat piginnaasaat aallavigalugu aaqqissuussamik avatangiiseqartitsinissamik, pingaartitsillutalu ulluinnarni ataqqeqatigiinnermik akuersaarpalaartumik siunertalimmik meeqqanut inuusuttunullu. Ulluinnaat aalaakkaasut pingaartitaraagut, atuarneq, pinialuttarnerit,sunngiffimmilu soqutigisat ullup unnuarlu angerlarsimaffiup avataani inooqataaneq eqqarsaatigalugit. Weekend-ini atuanngiffinni ferie-nilu meeqqat periarfissikkumasarpagut misigisaqartinnissaannik asimut illuaqqiartillugit, piniariartillugit, sisorariartillugit allanulluunniit illoqarfiup iluani aaqqissuussanut peqataatillugit.
Oqartussaaffik
Immikkoortumi aqutsisup qaninnerpaamik oqartussaaffeqassaaq Angerlarsimaffik Qasapermiuni Tullersorteq.
Atorfik pillugu:
Immikkoortortaqarfimmi aqutsisup immikkoortortaqarfinni pineqartuni perorsaanikkut isumaginninnermi maku akisussaaffigai:
Qulakkiissallugu perorsaanermi aaliangiussaq aallaavigalugu sulinissaq
Qulakkiissallugu ulloq unnuarlu pillugit najugaqartoq pillugu oqaaseqaatissanik allaaserinninnissaq eqquutissallugit
Ikiorsiinermi pilersaarutit- attaveqaatigisartakkat allallu perorsaanermi isumaginnittut ataatsimeeqatigisarnissaannut ataatsimiinnissat eqquutsinneqartarnissaannut qulakkeerinninnerit atuutsinnissaat isumagissallugit
Ikiorsiinermi pilersaarusiat killiffinnillu nalunaarusiat suliarineqarnissaannut qulakkeerinninneq
Ineqartoq pillugu ataatsimiinnermi kikkut tamat peqataaffigisaanni aaliangiussat ilinniarsimassutsikkullu sullissisunit nalilersorneqarsimasut piviusunngortitsinnissamik siunniussanik suliaqarneq
Ataavartumik angajoqqaanut akisussaasutulluunniit nakkutiginnittunut attaveqartuarnissaq isumagissallugu
Najugaqartut pillugit perorsaanermut suliassanullu nalinginnaasunut allanut tunngasut tullersortimut forstanderimullu ingerlateqqittarnissaat isumagissallugu
Sulisunik nutaanik tikilluaqqusillunilu ilitsersuineq, ullunilu suliffiusartut 5-it iluni ilitsersorneqarluni aallartinnissamut isumaginninneq
Bagvagteqarsinnaaneq
Sapaatit akunneri sisamat sioqqullugit kikkut sulinissaannik vagtskemaliornerit
Ullaakkut arfinerpingasuniit sisamat tunngaanut sulisut avataatigut sulisut amigartillugit sulisunut allanut taartissarsiornissamik suliakkiinerit
Suliffeqarfiup tarnikkut peqqissuuseq aallaavigalugu suliniutinik kaammattuineq
Tullersortip sulinngiffeqarnerani immikkoortortaqarfimmi pisortap akisussaaaffik tigusinaavaa
Ilisimaqasarneq ineqartunut 13-17 ukiulinnut, angallattagassassinnut
Makku ilaatigut ilinnut naatsorsuutigaagut:
Perorsaasutut ilinniagaqarsimassasutit, aqutsisutut
ilinniagaqarsimassasutit.
Misilittagaqarsimassasutit perorsariaatsikkut angerlarsimaffiup avataanut meeqqat
inissinneqarsimasut sullissereernikuullutit.
Piginnaaneqartutit aqutsisutut, ersarissuusutillu ilinniakkat suleriaatsillu
tunuliaqutigalugit.
Siumut isigisumik ilinniakkat tunuliaqutigalugu takorluuisinnaassuseqartutit.
Ilinniaqqikkusussuseqartuusutit ilisimasatit suliffimmi ineriartortikkumallugit.
Makku ilaatigut ilinnut neqeroorutigaagut:
Atorfik pissanganartoq, namminersorlunilu suliffik immersuiffiusoq.
Suliffik ineriartornissamut pingaartitsisoq ulloq unnuarlu suliffik meeqqamut
qitiutitsiffiusoq.
Isumaqatigiissutit malillugit suliffiup avataatigut sillimasuusarnissat naatsorsuutigaatsigit.
Suliffik sulisunik misilittagarluartunik piniarnikkut aammalu ilinniarsimalluartunik suleqateqarfiusoq, suliffigissaanermillu ukkassiffiusoq
Sap.ak. -eranut 40 timer suliffiusartussat
Pinerliisimannginnermut uppernarsaat/meeqqanik pinerliisimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu Meeqqanut Inerisaaviup pinerlussimannginnermik allagartamik tigusinerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat Meeqqanut Inerisaavimmi naliliinermut ilaatinneqassaaq.
Paasissutissat allat Atorfik pillugu paasisaqarnerorusukkuit saaffiginnissinnaanernut tikilluaqquatsigit. Forstanderi Ânâ-Grethe Klein tlf: +299382095 email: anag@nanoq.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.